کراچی(جیوڈیسک) کراچی ملیر کینٹ پولیس نے مقابلہ کرکے صفورہ گوٹھ میں اسٹریٹ کرائم میں ملوث پولیس اہلکار کے بیٹے کو گرفتار کرلیا جبکہ اس کا ایک ساتھی زخمی حالت میں فرار ہوگیا۔ پولیس کے مطابق ملیر کینٹ کے علاقے میں ملزمان صفورہ گوٹھ میں ایک شہری سے چھینا جھپٹی کر رہے تھے کہ پو لیس موقع پر پہنچ گئی اور فائرنگ کے تبادلے میں دو ملزمان زخمی ہوگئے۔
جن میں سے ایک ملزم زین جتوئی کو پولیس نے گرفتار کرلیا جبکہ دوسرا فرار ہونے میں کامیاب ہوگیا۔ ملزم کے قبضے سے ایک پسٹل، چھینی گئی موٹر سائیکل اور 3 موبائل برآمد۔ پولیس کے مطابق گرفتار ملزم سہراب گوٹھ تھانے میں تعینات اے ایس آئی قادر بخش جتوئی کا بیٹا ہے۔
بلوچستان میں زلزلے کے بعد آفٹر شاکس کا سلسلہ جاری
عمران خان کی پارٹی کو زلزلہ متاثرین کی مدد کیلئے کام کرنے کی ہدایت
