نیویارک (جیوڈیسک) ایران کے نومنتخب صدر حسن روحانی نے کہاہے کہ ایران عالمی امن کے لیے خطرہ نہیں ، بے گناہ افراد پر ڈرون حملوں کی مذمت کرتے ہیں۔ نیویارک میں اقوام متحدہ کی جنرل اسمبلی سے خطاب کے دوران انہوں نے ایران کے خلاف پابندیوں پر تشویش کا اظہار کیا۔ ایرانی صدر کا کہنا تھا کہ پابندیوں کا براہ راست نشانہ عوام بنتے ہیں اور ان سے عوام کی مشکلات میں اضافہ ہوتا ہے۔
حسن روحانی نے کہا کہ ایران امن پر یقین رکھتا ہے۔ ایٹمی ہتھیار ایران کے سیکیورٹی نظریے کے خلاف ہیں اور اس کا ایٹمی پروگرام ہمیشہ پرامن رہے گا۔ ان کا کہنا تھا کہ ایران شام پر فوجی حملے کے خلاف ہے ، شام کے مسئلے پر حالیہ پیش رفت سے امن کے لیے امید کی کرن پیدا ہوئی ہے اور سب کو مل کر اس کا فائدہ اٹھانا چاہیے۔
ڈرون حملے وہاں کیے جاتے ہیں جہاں زمینی کارروائی ممکن نہیں،اوباما
چین :مال بردار کشتی سیلاب میں بہہ گئی، پل سے ٹکرانے سے بچا لیا گیا
