کراچی (جیوڈیسک) کراچی کے مختلف علاقوں میں پولیس کی کارروائیاں، شیراز کامریڈ کے قریبی ساتھی سمیت ڈکیتی اور منشیات فروشی میں ملوث 5 افراد کو گرفتار کر کے اسلحہ برآمد کر لیا۔ایس پی کلفٹن سرفراز کے مطابق محمود آباد کے علاقے میں پولیس نے کارروائی کر تے ہو ئے ڈکیت گروپ سے وابستہ اہم ملزم گرفتار کر کے اسلحہ برآمد کر لیا۔
گرفتار ملزم اسمعیل پٹھان کا تعلق نوری گروپ سے ہے، جبکہ پاک کالونی میں پولیس نے منشیات کے اڈے پر چھاپہ مار کر 3 ملزمان کو گرفتار کر لیا، گرفتار کئے جانے والے ملزمان پولیس کو جرائم کی متعدد وارداتوں میں مطلوب تھے، دوسری جانب پولیس کے مطابق لیاری کے علاقے بغدادی میں پولیس نے کارروائی کر کے دودن پہلے مقابلے میں پولیس اہلکار کو زخمی کرنے والا ملزم شوکت کو اسلحہ سمیت گرفتا رکرلیا،۔
گرفتار کیا جانے والا ملزم شیراز کامریڈ کا قریبی ساتھی ہے، ملزم نے رمضان میں لی مارکیٹ کے علاقے میں وائن شاپ کے منیجر کو بھتہ نہ دینے پر قتل کیا تھا۔ ملزم نے 15 سے زائد قتل کا اعتراف کیا ہے، مزید تفتیش جاری ہے۔
امیر اللہ مروت کی کامیابی کا نوٹیفکیشن جاری
جوہانسبرگ میں پاک افریقا ٹریڈ سینٹر کا افتتاح
