لالہ موسی کی خبریں 28.09.2013
Posted on September 29, 2013 By Tahir Webmaster سٹی نیوز
لالہ موسیٰ:دوران ڈکیتی مزاحمت پر قتل ہونے والے میاں ارشد کو سینکڑوں سوگواروں کی موجودگی میں سپرد خاک کر دیا گیا
لالہ موسیٰ(محمد بلال احمد بٹ)گذشتہ شام دوران ڈکیتی مزاحمت پر قتل ہونے والے محلہ عید گاہ کے رہائشی پوسٹ مین میاں ارشد کو سینکڑوں سوگواروں کی موجودگی میں سپرد خاک کر دیا گیا،صدر پولیس لالہ موسیٰ نے وقوعہ میں معجزانہ طور پر محفوظ رہنے والے اللہ دتہ سکنہ نندووال جو ریٹائرڈ پوسٹ ماسٹر بتایا جاتا ہے کو شامل تفتیش کر لیا اور ڈاکوئوں کی شناخت وغیرہ کیلئے اللہ دتہ سے پوچھ گچھ کی جا رہی ہے،توقع ہے کہ پولیس جلد ملزمان تک پہنچ جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:بلوچستان سندھ میں زلزلہ سے سینکڑوں ہلاکتوں پر دل خون کے آنسو روتا ہے،چوہدری ندیم اصغر کائرہ
لالہ موسیٰ(محمد بلال احمد بٹ)بلوچستان سندھ میں زلزلہ سے سینکڑوں ہلاکتوں پر دل خون کے آنسو روتا ہے ہمیں چاہیے کہ سیلاب اورزلزلے سے متاثرہ بھائیوں کی بحالی کیلئے دل کھول کر انکی مدد کریں،ان خیالات کا اظہار مرکزی راہنما پاکستان پیپلز پارٹی وسابق تحصیل ناظم کھاریاں چوہدری ندیم اصغر کائرہ نے ٹیلی فون پر گفتگو کرتے ہوئے کیا انہوں نے کہا کہ زلزلہ زدگان ہمارے بھائی ہیں اور ہمیں انکی شکلات کا احساس ہے حکومت کو بھی چاہیے کہ متاثرین کی ضرورتوں کا خیال رکھتے ہوئے انکی بھر پور مالی امداد کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: ISFلالہ موسیٰ و حلقہ پی پی112کا اجلاس آج انصاف مرکز میں ہو گا
لالہ موسیٰ(محمد بلال احمد بٹ) ISFلالہ موسیٰ و حلقہ پی پی112کا اجلاس آج انصاف مرکز میں ہو گا۔اجلاس میں ISFلالہ موسیٰ اور حلقہ پی پی 112کا تنظیمی جائزہ لیا جائے گا۔اس سلسلہ میں تفصیلات بتاتے ہوئے ISFلالہ موسیٰ کے انفارمیشن سیکرٹری شعیب مغل نے کہاکہ ISFکا تنظیمی اجلاس آج مورخہ 29ستمبر بروز اتوار دن 11:00بجے ہوگا اجلاس پاکستان تحریک انصاف حلقہ پی پی 112کے مرکزی دفترانصاف مرکز کیمپنگ گرائونڈلالہ موسیٰ میں بلایا گیا ہے جس میں انصاف سٹوڈنٹس فیڈریشن لالہ موسیٰ اور حلقہ پی پی112کے تمام ذمہ داران اور ممبران شرکت کریں گے۔اجلاس میں اہم تنظیمی امور پر ممبران سے مشاورت کی جائے گی اور آئندہ کا لائحہ عمل ترتیب دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سینئرصحافی جمیل احمد طاہر لالہ موسیٰ کے پہلے آن لائن نیوز پیپرڈیلی جلا وطن ڈاٹ کام کے سپیشل کارسپانڈنٹ مقرر
لالہ موسیٰ(محمد بلال احمد بٹ)سینئرصحافی جمیل احمد طاہر لالہ موسیٰ کے پہلے آن لائن نیوز پیپرڈیلی جلا وطن ڈاٹ کام کے سپیشل کارسپانڈنٹ مقرر۔چیف ایڈیٹر محمد بلال احمد بٹ نے انکی تقرری کا باقاعدہ اعلان کیا،سابق امیدوار صوبائی اسمبلی حلقہ پی پی112ملک ناصر علی،صدر مسلم لیگ ن ہالینڈ چوہدری وحید اکرم آف ہالینڈ،مرکزی راہنما آل پاکستان مسلم لیگ یو کے چوہدری اسلم وسن،معروف صحافی بیرسٹر عتیق ملک آف کینیڈا،چوہدری قمر اقبال آف ناروے،سینئر صحافی حافظ عبدالرزاق،چوہدری شاہد لطیف آف بارسلونا،ارشد نذیر ساہل آف سپین،راجہ لیاقت آف ہالینڈ،نمائندہ جنگ ہالینڈ راجہ فاروق آف ہالینڈ،چوہدری شریف گمٹی آف ہالینڈ،چوہدری عامر مہر آف ایتھنز،عبدالرزاق بٹ آف ایتھنز،عابد بٹ آف اٹلی،چوہدری آفتاب احمد آف اٹلی،معروف صحافی چوہدری امانت علی آف
ڈنمارک،چوہدری محمد حسیب آف یو کے،عرفان ایوب آف یو کے،عنصر علی یو اے ای،عدیل افضل اٹلی،نبیل افضل اٹلی،تنویر بٹ آف سپین،نذیر حسین جعفری کینیڈا،زاہد فاروق ساہی آف کینیڈا،میاں کامران ادریس آف اٹلی،چوہدری شبیر نون اٹلی،چوہدری اشفاق مہر آف فرانس،یاسر قدیر آف فرانس،اظہر بٹ آف فرانس،نصر بٹ آف فرانس سمیت سینکڑوں افراد نے ٹیلی فون،ای میلز،ایس ایم ایس کے جمیل احمد طاہر کو مبارکباد دی اور ان کے لئے نیک خواہشات کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ :26سالہ لڑکی نے گھریلو الجھنوں سے دلبرداشتہ ہو کر خودکشی کر لی
لالہ موسیٰ(محمد بلال احمد بٹ)26سالہ لڑکی نے گھریلو الجھنوں سے دلبرداشتہ ہو کر خودکشی کر لی،لالہ موسیٰ کوٹلہ قاسم کی26سالہ لڑکی(س) نے گھریلو الجھنوں سے دلبرداشتہ ہو کر گلے میں پھندا ڈال کر اپنی زندگی کا خاتمہ کر لیا۔
