عالمی یوم قلب کے حوالے سے لیاقت نیشنل ہسپتال اینڈ میڈیکل کالج کے زیر اہتمام امراض قلب کی آگاہی کے سلسلے میں فری میڈیکل کیمپ اور سیمینار کا انعقاد
Posted on October 2, 2013 By Majid Khan کراچی
کراچی ؛ لیاقت نیشنل ہسپتال شعبہ قلب کے زیر اہتمام عالمی یوم قلب کے سلسلے میں امراض دل کے حوالے سے عوامی شعور کی آگاہی کے لئے فری میڈیکل کیمپ اور سیمینار کا انعقاد کیا گیا ۔فری میڈیکل کیمپ کے دورا ن ماہرین امراض قلب نے دل کے مریضوں کا مفت طبی معائنہ اور مرض سے متعلق مشورے فراہم کئے فری میڈیکل کیمپ کے دوران 500زے زائد امراض قلب کے مریضوں کامفت معائنہ ،مشورے اور انہیں ادویات سے متعلق بتا یا گیا اس موقع پر منعقدہ سیمینار سے پاکستان کے ممتاز ماہرین امراض قلب نے دل کے امراض سے متعلق خصوصی لیکچر دیئے جس میں امراض قلب سے بچائو کے حوالے سے شرکاء سیمینار کو آگاہی بھی فراہم کی گئی سیمینار سے خطاب کرتے ہوئے لیاقت نیشنل ہسپتال کے میڈیکل ڈائریکٹر ڈاکٹر سلمان فریدی احتیاطی تدابیر اختیار کرکے دل کے امراض سے بچا جا سکتا ہے۔
لائف اسٹائل میں تبدیلی سگریٹ نوشی سے پرہیز ،متوازن غذاکا استعمال باقاعدہ ورزش یا واک اور الکوحل سے پرہیز کرکے ہم اپنے جسم کی سب سے قیمتی شے دل کو توانا رکھ سکتے ہیں دل کی بیماریوں سمیت امراض سے متعلق آگاہی اور شعور پیدا کرنا بھی ایک جہاد ہے اور لیاقت نیشنل ہسپتال دور جدید کی طبی سہولیات سے استفادہ حاصل کرکے صحت مند زندگی کی فراہمی کے لئے کوشاں ہے۔ سیمینار سے ماہرین امراض قلب ڈاکٹر حفیظ احمد اورڈاکٹر معین الدین خان اور لیاقت نیشنل ہسپتال ڈیپارٹمنٹ آف کارڈیولوجی کے سربراہ ڈاکٹر فیصل احمد نے بھی خطاب کیا ۔ماہرین قلب نے کہاکہ پر طیش زندگی امراض کو جنم دیتا ہے ہمیں چاہیئے کے اپنی زندگی کو متحرک بنائیں۔
دل کو محفوظ رکھنے کے لئے متوازن غذا کا استعمال کریں یوم قلب کا دن اپنے آپ سے تجدید عہد کا دن ہے یوم قلب پر امراض قلب کے حوالے سے احتیاطی تدابیر اور شعور کی آگاہی کے لئے لیاقت نیشنل ہسپتال کے شعبہ کارڈیولوجی مبارکباد ہے جس نے آج اس تقریب کا انعقاد کیا اور عوام کی رہنمائی فرمائی۔سیمینار سے خطاب کرتے ہوئے امہر امراض قلب ڈاکٹر حفیظ نے کہاکہ لائف اسٹائل میں تبدیلی کے ذریعے امراض قلب سمیت دیگر مرض سے بچا جاسکتا ہے انہوں نے کہاکہ ڈاکٹر حضرات کو تشخیص کے معاملے میں کوتاہی نہیں کرنی چاہیئے انہوں نے کہاکہ ریو میٹک ہارٹ ڈیزیز سے متعلق آگاہی مہم ناگزیز ہے۔
سیمینار سے اپنے خطاب میں ماہر امراض قلب ڈاکٹر معین الدین خان نے کہاکہ پہلے دل کی بیماریوں سے لوگ 40سے 50سال کی عمر میں اس کا شکار ہوجاتے تھے مگر دور جدید کی واقفیت سے استفادہ حاصل کرتے ہوئے دل کے مریضوں کی زندگی میں 20سے 25سال کا فرق آچکا ہے یعنی دل کے مریض اگرطبی ماہرین کے مشوروں پر عمل اور اپنی لائف اسٹائل میں تبدیلی لاکر 70سے 80سال تک باآسانی جی سکتے ہیں یہ ایک خوش آئندہ اقدام ہے مگر اس پر تکیہ نہ کیا جائے بلکہ اس مہلک مرض سے بچائو کے لئے احتیاطی تدابیر پر عمل کیا جائے انہوں نے کہاکہ یہ مرض خود کچھ بھی نہیں کرتا بلکہ یہ جسم کی دوسری اشیاء جیسے گردے ،خون کا دورانیہ ،پھیپھڑے اور دیگر امراض پیدا کرکے انسان کو موت کی طرف لے جاتا ہے ۔سیمینار سے خطاب کرتے ہوئے لیاقت نیشنل ہسپتال ڈیپارٹمنٹ آف کارڈیولوجی کے سربراہ ڈاکٹر فیصل احمد نے کہاکہ یوم قلب منا نے کا مقصد ہے کہ ہم اس دن کو اس عزم کے ساتھ منائیں کہ دل کے امراض کو روکا جائے اور دل کے امراض سے متعلق عوام میں آگاہی پیدا کی جائے پاکستان میں کم عمر افراد کا اس مرض میں مبتلا ہونے کا اہم سبب کولیسٹرول کی زیادتی ہے جو نسل در نسل چلتا ہے یعنی اگر والدین میں کوئی ایک کولیسٹرول کی زیادتی کا شکار ہے تو یہ چیز بچے میں بھی منتقل ہو سکتی ہے۔
جسم میں کولسٹرول کا اضافہ دل کے دورے کا بنیادی سبب ہے اس مرض سے متعلق عوام میں آگاہی پیدا کرنے کی اشد ضرورت ہے دل کی بیماریوں سے متعلقاحتیاطی تدابیر پر عمل کرکے ہم دل کو محفوظ اور صحت مند زندگی کو فروغ دے سکتے ہیں انہوں نے لیاقت نیشنل ہسپتال کے زیر اہتمام امراض قلب سمیت دیگر امراض سے متعلق عوامی شعور کی آگاہی سے متعلق اقدامات پر تفصیلی روشنی ڈالی۔
by Majid Khan
Nasir Mehmood - Chief Editor at GeoURDU.com
ایم کیو ایم کے 2 مزید ٹارگٹ کلرز گرفتار، پولیس کا دعوی
