امریکی (جیوڈیسک) امریکی دارالحکومت واشنگٹن کے علاقے کیپٹل ہل میں کانگرس کی عمارت کے قریب فائرنگ سیپولیس اہلکار سمیت 5 افراد زخمی ہو گئے۔ پولیس نے حملہ آور خاتون کو تعاقب کے بعد فائرنگ کر کے ہلاک کر دیا۔ فضائی جائزے کے بعد پولیس نے علاقے کو کلیئر قرار دیدیا۔ کیپٹل ہل کے علاقے میں کار سوار خاتون نے وائٹ ہاس کے بیریر کو توڑنے کی کوشش کی۔
امریکی پولیس کے مطابق حملہ آور خاتون تھی جسے تعاقب کے بعد ہلاک کر دیا گیا۔ فائرنگ کے دوران امریکی کانگرس میں بجٹ کٹوتی اور حکومتی شٹ ڈان پر خصوصی اجلاس جاری تھا۔ پولیس اور ایف بی آئی نے علاقے کو گھیرے میں لے کر سپریم کورٹ، کانگریس اور آس پاس کے تمام دفاتر کو بند کر دیا۔ ایف بی آئی کے ہیلی کاپٹر بھی پہنچ گئے۔
فائرنگ کے بعد امریکی اسٹاک ایکس چینج میں مندے کا رجحان دیکھنے میں آیا۔ عینی شاہدین کے مطابق مشتبہ کارسے 7 سے 8 فائر ہوئے ایوان کے دروازے بند کر دیئے گئے۔ فائرنگ سے بھگدڑمچ گئی، سینیٹرز کو کانگرس کی عمارت سے باہرجانے سے روک دیا گیا۔ فضائی جائزے کے بعد پولیس نے لاک ڈان کو ختم کر دیا۔ امریکی صدر اوباما کو فائرنگ کے واقعے کے بارے میں رپورٹ پیش کر دی گئی۔
اٹلی : تارکین وطن کی کشتی الٹنے سے ہلاکتوں کی تعداد 130 ہو گئی
اطالوی سیاسی بحران ختم
