لالہ موسی کی خبریں 4.10.2013
Posted on October 4, 2013 By Geo Urdu سٹی نیوز
غریب عوام پر حکمرانوں کے ظلم و ستم پر خاموش نہیں رہیں گے نوازش علی شیخ
لالہ موسی ٰ(جی پی آئی) ن لیگ نے عوام سے جھوٹے وعدے کئے۔ جھوٹے حکمران اپنے مفادات کی خاطر عوام کو قربانی کا بکرا بنا رہے ہیں۔ IMF کی شرائط پر عمل کرتے ہوئے حکمران غریب عوام پر بجلی اور پیٹرول کے بم گر رہے ہیں ان خیالات کا اظہار سابق امید وار صوبائی اسمبلی حلقہ پی پی 112 راہنما پاکستان تحریک انصاف ضلع گجرات نوازش علی شیخ ایڈووکیٹ نے کیا انہوں نے کہا کہ بجلی اور پیٹرول کی قیمتوں میں ہوشربا اضافے سے غریب عوام ظلم کی چکی میں پس جائیں گے۔ پاکستان تحریک انصاف ہر قدم پر عوام کے ساتھ ہے غریب عوام پر حکمرانوں کے ظلم و ستم پر خاموش نہیں رہیں گے۔ بجلی اور پیٹرول کی قیمتوں میں اضافے پر بھرپور احتجاج کریں گے انہوں نے کہا کہ حکومت سپریم کورٹ کے فیصلوں کو نظر انداز کررہی ہے اور سپریم کورٹ کے فیصلوں عملدرامد نہیں کیا جا رہا۔ بے حسی کی انتہا ہو چکی ہے حکمران عوام کے حال پر رحم کریں۔ عوام جئیں یا مریں ن لیگ کو صرف اپنے اقتدار سے غرض ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جرات میں قرآن پاک کے نسخے جلانے کے واقعہ جتنی بھی مذمت کی جائے
لالہ موسی ٰ(جی پی آئی) گجرات میں قرآن پاک کے نسخے جلانے کے واقعہ جتنی بھی مذمت کی جائے کم ہے ان خیالات کا اظہار مرکزی سیکرٹری جنرل تحریک تحفظ اسلام پاکستان حافظ محمد اصغر توحیدی نے اپنے ایک بیان میں کیا، انہوں نے کہا کہ گجرات کے واقعہ سے مسلمانوں میں شدید تشویش پائی جارہی ہے، پولیس اس گھنائونے فعل میں ملوث دیگرملزمان کو بھی گرفتار کرے اور انکو کیفر کردار تک پہنچایا جائے انہوں نے کس قدرافسوسناک بات ہے کہ کلمہ طیبہ کے نام پرمعرض وجود میں آنے والے ملک میں قرآن پاک کوجلایا جا رہا ہے، واقعہ میں ملوث لوگوں نے عذاب الٰہی کو دعوت دی ہے۔ انہوں نے کہاکہ تحریک تحفظ اسلام پاکستان اس وقعہ کہ واشگاف الفاظ میں مذمت کرتی ہے اور ملزمان کو قرار واقعی سزا دلوانے تک تحریک تحفظ اسلام پاکستان کا ایک کارکن بھی چین سے نہیں بیٹھے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم او کھاریاں کی زیرنگرانی بلدیاتی انتخابات کیلئے نئی حلقہ بندیوں کا کام تیزی سے جاری
لالہ موسی ٰ( جی پی آئی) ٹی ایم او کھاریاں کی زیرنگرانی بلدیاتی انتخابات کیلئے نئی حلقہ بندیوں کا کام تیزی سے جاری، توقع ہے کہ آج حلقہ بندیوں کے حوالہ سے مفصل رپورٹ آج ڈی سی او گجرات کو پیش کر دی جائے گی۔ اس سلسلہ میں دیگر جماعتوں سے تعلق رکھنے والوں نے نئی حلقہ بندیوں پر اپنے تحفظات کا اظہار کرتے ہوئے کہا ہے کہ مسلم لیگ ن کے مقامی ارکان اسمبلی اور انکے چہیتے حلقہ بندیوں پر اثر انداز ہورہے ہیں اور وہ اپنی مرضی کی حلقہ بندیاں کراکے بلدیاتی الیکشن جیتنا چاہتے ہیں۔ اور سفارش کی بنیاد پرتعینات سرکاری افسران ہمارے تحفظات کو دورنہیں کرپا رہے۔
;
