آل کراچی جشن سعودیہ اسپورٹس فٹ بال ٹورنامنٹ میں 7 میچوں کے فیصلے

Posted on October 7, 2013 By Majid Khan کراچی

کراچی ؛ سعودیہ اسپورٹس فٹ بال کلب ملیر کے زیر اہتمام ملیر فٹ بال اسٹیڈیم میں منعقدہ آل کراچی جشن سعودیہ اسپورٹس فٹ بال ٹورنامنٹ میں کھیلے گئے 7اہم میچوں میں امتیاز اسپورٹس،اعظم اسپورٹس،خیبر مسلم ،مکران اسپورٹس اور ڈرگ روڈ یونین کامیابی حاصل کرکے اگلے مرحلے کی لئے کوالیفائی کرگئیں شاہ فیصل ٹائون کی معروف فٹ بال ٹیم اُسامہ اسپورٹس نے اپنے مد مقابل مضبوط حریف الشہزاد جام کنڈہ دوران کھیل 1-1گول سے برابر کے بعد ٹائی بریکر پر 6-5سے شکست دیدی ،دوسرے میچ میں مسلم برادرز نے واصف میموریل کو 2-2گول سے برابری کے بعد پنالٹی ککس پر 5-4سے ہرادیا۔

تیسرے اور اہم میچ میں خیبر مسلم نے ایک کانٹے دار مقابلے کے بعد سخت حریف بلوچ یوتھ ملیر کو 3-2سے زیر کر دیا ،جبکہ سابقہ ڈسٹرکٹ ایسٹ چمپئن ڈرگ روڈ یونین نے سکسٹین اسٹار کو 1-0سے مات دیدی ،فٹ بال کی قدیم ٹیم مکران اسپورٹس نے جلندھر اسپورٹس کو 3-1سے ہرادیا اور امتیاز اسپورٹس کالا پل نے سخت مقابلے کے بعد فرینڈز اسپورٹس کو پنالٹی ککس پر 5-3سے شکست دیدی جبکہ ٹورنامنٹ کے ایک اور اہم میچ میں اعظم اسپورٹس ڈرگ روڈ کی ٹیم نے سخت کشمکش کے بعد صاحبداد محمڈن ملیر کو 2-1ست شکست دیکر اگلے مرحلے میں کھیلنے کا اعزاز حاصل کرلیا ٹورنامنٹ میں کھیلے گئے ان میچوں میں ریفری کے فرائض نیشنل فٹ بال ریفری محمد ریاض ،عبدالطیف بلوچ،سلیم شاہ اور منصور نے جبکہ میچ کمشنر کے فرائض رئیس احمد اور امیر محمد خان نے انجام دیئے۔

by Majid Khan

Nasir Mehmood - Chief Editor at GeoURDU.com

Find on Google+ Follow me opinions Website