نوشہرہ (جیوڈیسک) نوشہرہ جمعیت علمائے اسلام (س) کے سربراہ مولانا سمیع الحق نے کہا ہے کہ حکومت کی جانب سے طالبان سے مذاکرات کے لیے عملی اقدامات نظر نہیں آرہے، مسئلے کو گیند بنا لیا گیا ہے، وفاق صوبے کی طرف اور صوبہ وفاق کی طرف اچھال رہا ہے۔ نوشہرہ میں اپنی رہائش گاہ پر ذرائع سے خصوصی گفتگو میں مولانا سمیع الحق نے کہا کہ حکومت اور طالبان کے درمیان مذاکرات کی حمایت کرتے ہیں، تاہم وفاقی حکومت کی جانب سے سنجیدہ اقدامات نہیں کیے جارہے۔
انہوں نے کہا کہ اب ذمے داری حکومت کی ہے، حکومت کا کام ہے علما کی اپیل پر عملی اقدامات اٹھائیں، عملی قدم نظر نہیں آرہا، بات اندھیرے میں ہے، میں بھی کتراتا ہوں اس موضوع پر بات سے۔ اندھیرے میں تیر چلانے والی بات ہے، پرویز رشید کہہ رہا تھا کہ رابطے ہوئے ہیں حکیم اللہ کے انٹرویو میں ہے کوئی رابطہ نہیں ہوا، کوئی رابطہ کرے گا تو ویلکم کریں گے، تحفظ دیں گے۔ ان کا کہنا تھا کہ خیبرپختونخوا حکومت کی مذاکرات کی کوششیں سرد مہری میں بدل گئی ہیں۔
مسئلے کو گیند بناکر وفاقی اورصوبائی حکومت کھیل رہی ہیں ابھی تک کہیں سے کوئی بات نہیں چلی، حکومت تذبذب اور تردد اور پس وپیش کا اظہار کررہی ہے، پرویز خٹک معلوم نہیں کیا کہنا چاہتے ہیں، منتخب ہونے کے بعد آئے تھے، وہ سرگرمی سرد مہری میں بدل گئی ہے، عمران وہ بھی جوش و خروش نہیں دکھاتے، گیند بنا لیا ہے اس مسئلہ کو، وفاق کی طرف پھینکتے ہیں وفاق ان کی طرف پھینکتا ہے، سنجیدگی سے باضابطہ مذاکرات ہونا چاہیے، اسٹیک ہولڈر کو تو کچھ پتا ہو۔
مشرف کا نام ای سی ایل میں شامل کرنے کی درخواست کی سماعت آج
وزیر اعظم بن کر ملک کی خدمت کرنا چاہتی ہوں، ملالہ یوسف زئی
