حکومت نے دہشت گردی کے سدباب اور پاک امریکہ تعلقات میں پیشرفت کیلئے ڈرون حملوں کی بندش کو لازم قرار دیدیا۔ امریکی صدر اوباما سے وزیراعظم نواز شریف کی ملاقات کے ایجنڈا میں یہ مسئلہ ترجیحاً شامل کیا گیا ہے۔
حکومتی ذمہ دار ذرائع نے گفتگو میں واضح کیا ہے کہ ملاقات میں امریکی حکومت کو باور کرایا جائے گا کہ ڈرون حملے دہشت گردی سے نمٹنے کی کوششوں پر اثر انداز ہو رہے ہیں۔
ملاقات میں پاک امریکہ تعلقات میں اضافہ کیلئے دو طرفہ تجارت پر زور اور علاقائی صورتحال میں دہشت گردی کے خاتمہ سمیت دیگر معاملات پر بات ہو گی۔ حکومت کے ذمہ دار ذرائع کا کہنا ہے کہ جن گروپس سے ان کے رابطے ہیں انہوں نے مشروط طور پر دہشت گردی کی کارروائیوں پر نظرثانی پر آمادگی ظاہر کر دی ہے۔
کراچی : نامعلوم افراد کی فائرنگ سے مقامی صحافی ایوب خٹک جاں بحق
طالبان سے مذاکرات حساس مرحلے میں ہیں، سرتاج عزیز
