ہم خوش قسمت ہیں کہ اللہ تعالی نے ہمیں ایک بار پھر سنت ابراہیمی کا موقع دیا: قاضی احمد سعید

Posted on October 18, 2013 By Majid Khan لاہور

لاہور : پنجاب اسمبلی میں پیپلز پارٹی کے پارلیمانی لیڈر قاضی احمد سعید نے عیدالاضحیٰ پر قوم کو مبارک باد دیتے ہوئے کہا ہے کہ ہم خوش قسمت ہیں کہ اللہ تعالی نے ہمیں ایک بار پھر سنت ابراہیمی کا موقع دیا۔ سنت ابراہیمی ہمیں ایثار کا مظاہرہ کرتے ہوئے اپنے اردگرد بسنے والے مستحقین، غربا، بیوائوں، یتیموں، مسکینوں اور ناداروں کو بھی اپنی خوشیوں میں شامل کرنے کا درس دیتی ہے۔

ایک بیان میں انہوں نے کہا کہ جب سے موجودہ حکمران اقتدار میں آئے ہیں پاکستان میں کرپشن، مہنگائی، بیروزگاری، دہشت گردی اور لوڈشیڈنگ جیسے مسائل میں کمی کی بجائے مسلسل اضافہ ہوا ہے۔ حکمرانوں کو اپنے اقدامات پر نظرِ ثانی کرنے ہو گی کیونکہ عام آدمی کو ریلیف ملنے کی بجائے اس کی مشکلات میں اضافہ ہوا ہے۔

by Majid Khan

Nasir Mehmood - Chief Editor at GeoURDU.com

تمام طبقات کو چاہئے کہ وہ خوشی کے اس موقع پر غریب عوام کو کسی صورت نظرانداز نہ کریں: یاسر گیلانی عیدالاضحی کا تیسرا دن، بکرا مارکیٹ ختم، بیوپاری اپنے علاقوں کو لوٹ گئے