کراچی (جیوڈیسک) کراچی کے علاقے شرافی گوٹھ میں منشیات فروشوں کی فائرنگ سے پولیس اہلکار جاں بحق ہو گیا۔ پولیس اور رینجرز نے مختلف کارروائیوں کے دوران 20 ملزموں کو گرفتار کر لیا۔
شرافی گوٹھ میں پولیس اہلکاروں نے موٹر سائیکل سواروں کو رکنے کا اشارہ کیا تو انہوں نے فائرنگ کر دی۔ فائرنگ سے علی نامی اہلکار جاں بحق اور منور زخمی ہو گیا۔ فائرنگ کے بعد ملزم موقع سے فرار ہو گئے۔
دوسری جانب رینجرز ترجمان کے مطابق کراچی کے مختلف علاقوں میں چھاپے مار کر تیرہ ملزموں کو گرفتار کر لیا۔
لیاری کے علاقے موسی لین سے گینگ وار سے تعلق رکھنے والے دو ملزم سرفراز اور شہریار پکڑے گئے جبکہ نیو کراچی کے علاقے میں پولیس نے مقابلے کے بعد تین ملزموں کو گرفتار کر لیا۔ گرفتار ملزموں کے قبضے سے اسلحہ بھی برآمد کر لیا گیا۔
نادیہ گبول کی پیپلز پارٹی میں شمولیت
لاہور: مون مارکیٹ میں بم کی افواہ، علاقے میں خوف و ہراس
