کراچی (جیوڈیسک) کراچی کے مختلف علاقوں میں فائرنگ کے واقعات میں سابق یو سی ناظم سمیت پانچ افراد جاں بحق ہوگئے ہیں۔پولیس کے مطابق اورنگی ٹاون کے علاقے مہاجر چوک کے قریب نامعلوم افراد نے فائرنگ کرکے ایک شخص کو قتل کر دیا۔ مقتول کی شناخت سابق یو سی ناظم اکرام صدیقی کے نام سے ہوئی ہے۔
ایس پی اورنگی ٹاون کے مطابق مقتول کا تعلق سیاسی جماعت سے تھا۔ لی مارکیٹ کے قریب نامعلوم افراد کی فائرنگ سے دو افراد ہلاک ہوگئے۔ مقتولین کی شناخت محمد افضل اور عبدالقار کے نام سے ہوئی ہے۔
ایس پی سٹی فیصل بشیر کے مطابق دونوں افراد موٹر سائیکل پر جا رہے تھے کہ فائرنگ کرکے قتل کیا گیا۔ محمد افضل لیاری میں کچھیوں کی آبادی کاری سے متعلق کمیٹی میں امن کمیٹی کے نمایندہ تھے۔ فائرنگ کے آج اور کل ہونے والے واقعات دو گروپوں کی لڑائی کا نتیجہ ہے۔
فائرنگ کے واقعے کے بعد علاقے میں کاروبار اور دکانیں بند ہوگئی ہیں۔ نارتھ ناظم آباد عبداللہ کالج کے قریب فائرنگ سے ایک شخص جاں بحق ہوگیا۔ مقتول کی شناخت طاہر حسین کے نام سے ہوئی ہے۔ اورنگی ٹاون سیکٹرایل میں فائرنگ ایک شخص ہلاک ہوگیا۔
چارسدہ روڈ پر تعمیراتی کام میں سست روی، عوام شدید مشکلات کا شکار
تین صوبوں میں ضیاء الحق کا بلدیاتی قانون ہے، وزیراعلیٰ خیبرپختون
