کراچی (جیوڈیسک) رینجرز نے ٹارگٹڈ آپریشن کے دوران گینگ وار کے اہم کمانڈر جبار عرف لنگڑا کو ساتھی سمیت گرفتار کر لیا۔
لیاری کے علاقے سنگولین میں رینجرز نے ٹارگٹڈ آپریشن کے دوران گینگ وار کے اہم کمانڈر جبار عرف لنگڑا کو اسکے قریبی ساتھی ریحان پٹنی کے ہمراہ گرفتار کر لیا۔ ذرائع کے مطابق جبار عرف لنگڑا ایک نجی اسکول میں روپوش تھا اور گزشتہ دو روز کے دوران اس نے لیاری میں ہونے والے مسلح تصادم میں اہم کردار ادا کیا۔
ملزم جبار لنگڑا قتل، اقدام قتل، اغوا برائے تاوان، پولیس مقابلوں اور منشیات فروشی سمیت سنگین جرائم کی 100 سے زائد وارداتوں میں ملوث تھا۔ ملزم کے قبضے سے ایس ایم جی رائفلز اور دستی بموں سمیت بھاری مقدار میں اسلحہ برآمد کر لیا گیا ہے۔
رابطہ کمیٹی کی ایم کیو ایم کے کارکن پردوران حراست تشدد کی مذمت
ڈرون گرانے کی ٹیکنالوجی اور جرات موجود ہے: رانا تنویز
