پشاور (جیوڈیسک) عوامی نیشنل پارٹی کے راہنما اور سینیٹر زاہد خان نے کہا ہے کہ اعظم خان ہوتی کی پریس کانفرنس پر حیرت اور افسوس ہوا، 2دن کے بعد اے این پی اپنا رد عمل دے گی، اعظم خان ہوتی کی پریس کانفرنس پر اپنے رد عمل میں زاہد خان نے کہا اعظم ہوتی ہمارے گھر کا بندہ ہے اس لیے زیادہ دکھ ہوا لیکن اسفند یارولی پختون قوم کے ہیرو ہیں۔
ہردورمیں ہماری قیادت کے خلاف سازشیں کی گئیں۔ الزام لگانے والے نے خود اعتراف کیا کہ اس کے پاس ثبوت نہیں جس کے بعد پریس کانفرنس کی کوئی اہمیت نہیں رہتی، اعظم ہوتی کو اب یہ باتیں کیوں یاد آئی ہیں، پچھلے 5 سال میں ہماری حکومت تھی تواس وقت الزامات کیوں نہیں لگائے۔ کسی کو قیادت کا شوق ہے تو پارٹی انتخابات ہو رہے ہیں وہ انتخابات میں حصہ لے۔
ایم کیو ایم اور پیپلز پارٹی کو مل کر سندھ کیلئے کام کرنا چاہئے، رحمان ملک
اقتصادی صورتحال جائزہ لینے آئی ایم ایف کی ٹیم پاکستان پہنچ گئی
