ہالی وڈ (جیوڈیسک) امریکی باکس آفس پر اس ہفتے راج رہا کامیڈی فلمبیڈ گرینڈ پا کا۔ گریویٹی کا شاندار بزنس بھی جاری ہے۔بیڈگرینڈ پا میں مرکزی کردار ادا کیا ہے جانی ناکسوِلKnoxville Johnny نے۔ اس بار وہ ایک 86 سالہ شخص کا کردار ادا کر رہے ہیں جو اپنے 8 سالہ پوتے کے ساتھ امریکا کے ایڈونچرس سفر پر نکلا ہے۔
بیڈ گرینڈپا نے ریلیز کے پہلے تین دنوں میں ہی تین کروڑ بیس لاکھ ڈالر کا بزنس کیا۔اس ہفتے دوسرے نمبر پر رہی گریویٹی۔جارج کلونی اور سینڈرا بلاک کی اس فلم نے تین ہفتوں تک پہلی پوزیشن برقرار رکھی تھی۔ گریویٹی نے اس ہفتے دو کروڑ ڈالر کا بزنس کیا، جب کہ یہ فلم اب تک مجموعی طور پر بیس کروڑ ڈالر سے زائد کما چکی ہے۔
تیسرے نمبر پر رہی ٹام ہینکس کی فلم کیپٹن فلپس۔ صومالی قذاقوں کے ہاتھوں اغوا ہونے والے بحری جہاز کے کپتان کی یہ کہانی بھی خوب ہِٹ جا رہی ہے۔ اس ہفتے کیپٹن فلپس نے ایک کروڑ بیس لاکھ ڈالر کمائے جب کہ مجموعی طور پر یہ فلم سات کروڑ ڈالر کما چکی ہے۔
بلاک بسٹر سائنس فکشن فلم دی ہنگر گیمز کے دوسرے حصے کا آخری ٹریلر ریلیز
نئی رومنٹک کامیڈی فلم شادی کے سائیڈ ایفیکٹس کا پہلا ٹریلر جاری
