ممبئی (جیوڈیسک) حال ہی میں “بھاگ مِلکھا بھاگ” کی شاندار کامیابی کے بعد فرحان اختر نئی بالی ووڈ فلم” شادی کے سائیڈ ایفکٹس” میں پہلی بار ڈرٹی گرل وِدیا بالن کیساتھ جلوئہ گرہو رہے ہیں جس کا پہلا ٹریلر آن لائن ریلیز کر دیا گیا ہے۔ 2006 میں بننے والی فلم” پیار کے سائیڈ ایفیکٹس” کے سیکوئل” شادی کے سائیڈ ایفیکٹس ” کوبالی ووڈ ہدایتکار ساکیت چودھری نے ڈائریکٹ کی ہے جس میں ایک شادی شدہ جوڑا اپنی زندگی کے الجھے ہوئے معاملات کو سلجھانے میں مصروف ہے۔
اس رومنٹک کامیڈی فلم میں مرکزی کردار فرحان اختر اور وِدیا بالن نبھا رہے ہیں جو میاں بیوی کے کردار میں لو میرج کے بعد پیدا ہونے والے مسائل کو بڑے پردے پر پیش کرینگے۔
ایکتا کپور، شوبھا کپور اور پرتیش نندے کی مشترکہ پروڈکشن میں بننے والی طنز و مزاح سے بھر پور اس فلم کی موسیقی معروف میوزک ڈائریکٹر پریتم نے ترتیب دی ہے جسے بالا جی پکچرز کے تحت آئندہ سال فروری میں ویلینٹائنز ڈے کے موقع پر سنیما گھروں میں ریلیز کیلئے پیش کر دیا جائیگا۔
بیڈ گرینڈپا نے امریکی باکس آفس پر سوا تین کروڑ ڈالر کما لیے
گوندا نئی فلم جگا جاسوس میں رنبیر کے والد کا کردارا دا کریں گے
