دہشت گردوں کی فوجی مشقوں میں مصروف اہلکاروں پر فائرنگ ایک فوجی اہلکار شہید لیفٹیننٹ کرنل سمیت دو شدید زخمی ہو گئے

Posted on November 7, 2013 By Majid Khan گجرات

گجرات(محمد بلال احمد بٹ)گجرات میں 2 موٹر سائیکل پر سوار 5 مسلح دہشت گردوں کی فوجی مشقوں میں مصروف اہلکاروں پر فائرنگ ایک فوجی اہلکار شہید لیفٹیننٹ کرنل سمیت دو شدید زخمی ہو گئے تھانہ کنجاہ کے گائوں کوٹ موجدین کے قریب فوجی جوان سالانہ مشقوں میں مصروف تھے کہ دو موٹر سائیکلوں پر سوار مسلح دہشت گردوں نے ان پر اندھا دھند فائرنگ کر دی جس سے فوجی اہلکار رمضان موقع پر ہی شہید ہو گیا۔

جبکہ لیفٹیننٹ کرنل زاہد اور ایک فوجی اہلکار زخمی ہو گئے دونوں نے بھاگ کر جان بچائی وقوعہ کے بعد فوجی اہلکاروں نے علاقہ کو گھیرے میں لے لیا فوجی اہلکار کی نعش اور زخمیوں کو سی ایم ایچ گوجرانوالہ منتقل کر دیا گیا ہے لیفٹیننٹ کرنل زاہد مشقوں کی نگرانی کے لیے آئے ہوئے تھے مقامی پولیس وقوعہ کی تفتیش میں مصروف ہے۔

by Majid Khan

Nasir Mehmood - Chief Editor at GeoURDU.com