گجرات کی خبریں 8/11/2013

Posted on November 9, 2013 By Majid Khan سٹی نیوز, گجرات

محرم الحرام کے سلسلہ میں ضلع گجرات میں سخت حفاظتی انتظامات کیے گئے ہیں
گجرات(جی پی آئی)محرم الحرام کے سلسلہ میں ضلع گجرات میں سخت حفاظتی انتظامات کیے گئے ہیں، تمام چھوٹے بڑے امام بارگاہوں میں پولیس کی بھاری نفری تعینات کر دی گئی ہے، جبکہ منتظمین کو بھی خصوصی سیکورٹی کارڈز جاری کر دئیے گئے ہیں، مجالس کے اوقات کے دوران کوئی بھی غیر متعلقہ شخص امام بارگاہ کی حدود میں داخل نہیں ہو سکتا اور مجالس میں شرکت کیلئے آنے والے افراد کو بھی مختلف مقامات پر چیکنگ کے بعد آنے کی اجازت دی جاتی ہے، تمام روڈز سیل کر دی جاتی ہیں، جبکہ کلوز سرکٹ کیمرہ نصب کر دئیے گئے ہیں، تا کہ ہر آنے جانے والی کی نقل و حرکت کو مانیٹر کیا جا سکے اور تمام سیکورٹی پوائنٹس پر چوبیس گھنٹے پولیس کی نفری تعینات ہوتی ہے ، ریسکیو 1122، ایدھی ایمبولینس ، سول ڈیفنس کا عملہ بھی تمام امام بارگاہوں کے باہر موجود ہے، تمام ڈی ایس پی صاحبان خود اپنے اپنے علاقہ کی مجالس و جلوسوں کو مانیٹر کر رہے ہیں ، جبکہ سادہ پارچہ جات میں بھی ملازمین تعینات کر دئیے گئے ہیں ، امام بارگاہوں کے منتظمین نے بھی اپنی اپنی سطح پر حفاظتی انتظامات مکمل کر لئے ہیں، اور رضا کاران کی ڈیوٹیاں لگا دی گئی ہیں ، لیڈیز کی تلاشی کیلئے سپیشل کائونٹرز اور باکسز نصب کر دئیے گئے ہیں ، ممبران امن کمیٹی و ممبران انتظامیہ ہمہ وقت رابطے میں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امام بارگاہ کاظمیہ محلہ نور پور پڈھے میں مجلس عزاء کا آغاز ہو گیا
گجرات(جی پی آئی)امام بارگاہ کاظمیہ محلہ نور پور پڈھے میں مجلس عزاء کا آغاز ہو گیا ہے ، جس میں ممتاز علمائے کرام و ذاکرین فضائل و مصائب شہدائے کربلا بیان کر رہے ہیں ، صدر انجمن کاظمیہ سید نثار حیدر کاظمی کے مطابق امام بارگاہ کاظمیہ میں سخت حفاظتی انتظامات کیے گئے ہیں ، پولیس کے ساتھ ساتھ ہمارے اپنے رضاکاران بھی ڈیوٹی دے رہے ہیں ، تا کہ کوئی ناخوشگوار واقعہ پیش نہ آئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج 4محرم الحرام کے سلسلہ میں محلہ نور پور پڈھے میں سالانہ جلوس شبیہہ علم غازی عباس علمدار برآمد ہو گا
گجرات(جی پی آئی)آج 4محرم الحرام کے سلسلہ میں محلہ نور پور پڈھے میں سالانہ جلوس شبیہہ علم غازی عباس علمدار برآمد ہو گا ، جو کہ بعد از نماز مغرب سید نذر حسین کاظمی مرحوم کی رہائشگاہ سے برآمد ہو گا اور یہ سید باقر حسین کاظمی کی رہائشگاہ سے ہوتا ہوا اپنے مقررہ راستوں پر سفر کرے گا اور امام بارگاہ کاظمیہ میں اختتام پذیر ہو گا ، جہاں پر مجلس عزاء منعقد ہو گی ، مختلف مقامات سے آئی ہوئی ماتمی سنگتیں اپنی حاضری پیش کرینگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ادارہ نعیم السلام جلالپور جٹاں کے زیر اہتمام دس روزہ شہادت کانفرنس کا آغاز ہو گیا
گجرات(جی پی آئی)ادارہ نعیم السلام جلالپور جٹاں کے زیر اہتمام دس روزہ شہادت کانفرنس کا آغاز ہو گیا ہے ، جو کہ یکم محرم سے دس محرم تک جاری رہینگی ان کانفرنسوں میں ملک کے ممتاز علمائے کرام و مشائخ عظام شریک ہو رہے ہیں ، جامع مسجد غوثیہ محلہ کشمیر نگر جلالپور جٹاں میں علامہ محمد حنیف جلالپوری کی سربراہی میں ہونے والی اس کانفرنس میں یکم محرم کو علامہ تنویر احمد سیالوی ، دومحرم الحرام کو مفتی اسلام مفتی محمد اقبال چشتی صدر جماعت اہلسنت پنجاب ، تین محرم الحرام کو مولانا محمد فیض الحق اور چار محرم الحرام کو مولانا قاری عبدالرئوف آف شیخوپورہ نے خطاب کیا اور فضائل و مصائب شہدائے کربلا پر روشنی ڈالی ، پانچ محرم الحرام کو حضرت علامہ پیر سید فیض الحسن شاہ چشتی سکھیکی منڈی ، چھ محرم الحرام کو مولانا علامہ عزیز الدین کوکب ، 11محرم الحرام کو منہاج القرآن انٹرنیشنل علماء ونگ کے مرکزی ناظم اعلیٰ پیر سید فرحت عباس شاہ ، آٹھ محرم الحرام کو علامہ حافظ محمد منشاء قادری ، 9محرم الحرام کو پیر طریقت رہبر شریعت صاحبزادہ غلام بشیر نقشبندی ، جبکہ 10محرم الحرام کو مفتی علامہ مظہر اللہ سیالوی آف سرگودھا خطاب کرینگے ، اس کانفرنس میں روزانہ ممتاز شخصیات کی کثیر تعداد شرکت کرتی ہے اور اپنی علمی پیاس بھجاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن کاظمیہ محلہ نور پور پڈھے کا اہم اجلاس
گجرات(جی پی آئی)انجمن کاظمیہ محلہ نور پور پڈھے کا اہم اجلاس سید فیضان کاظمی چیف سیکورٹی گارڈ انجمن کاظمیہ منعقد ہوا ، جس میں سید رخسار کاظمی ، ماتمی سلار سید سلیمان باقر کاظمی ، سید عون رضا ، سید جابر کاظمی ، سید نثار حیدر کاظمی و دیگر نے شرکت کی ، اجلاس میں محرم الحرام کے انتظامات پر تفصیلاً بحث کی گئی اور مختلف سیکورٹی کے معاملات طے کیے گئے اور یکم سے چار محرم الحرام تک ہونے والے انتظامات کا جائزہ لیا گیا اور چار سے 10محرم الحرام تک مجالس عزاء کے جلوسوں کے سیکورٹی کے حوالہ سے فیصلے کیے گئے ، تا کہ کوئی ناخوشگوار واقعہ پیش نہ آئے ، اجلاس کے بعد شرکاء نے تمام جلوسوں کے روٹس کا اپنے طور پر معائنہ کیا اور مختلف مشکلات کا جائزہ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات(جی پی آئی)عظیم الشان شہادت کانفرنس آج مسلم ہینڈز ایجوکیشنل کمپلیکس سیالکوٹ روڈ سوہدرہ میں منعقد ہو رہی ہے ، جس کی صدارت پیر سید محمد صفی الاعظم المعروف چن پیر کرینگے ، خصوصی خطاب جگر گوشہ شیخ الاسلام پروفیسر ڈاکٹر صاحبزادہ حسن محی الدین صدر سپریم کونسل منہاج القرآن انٹرنیشنل کرینگے ، اس موقع پر ڈویژن بھر سے علمائے کرام ، مشائخ عظام کی کثیر تعداد شرکت کرے گی ، نقابت کے فرائض خاور بشیر بٹ گولڑوی سرانجام دینگے ، اس موقع پر سیکورٹی کے خصوصی انتظامات کیے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میڈیکل سپرنٹنڈنٹ سوشل سیکورٹی ڈاکٹر سید اعجاز حسین کاظمی کی والدہ محترمہ انتقال کر گئیں
گجرات(جی پی آئی)میڈیکل سپرنٹنڈنٹ سوشل سکیورٹی ہسپتال گجرات ڈاکٹر سید اعجاز حسین کاظمی، میجر سید فیاض حسین کاظمی کی والدہ محترمہ قضائے الہی سے انتقال کر گئی ہیں۔ انکی نماز جنازہ آج دو بجے انکے آبائی علاقہ سلیم پورہ، حافظ آباد روڈ گوجرانوالہ میں ادا کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دی لیدر ہٹ چوک پاکستان پر ہونے والی چوری کے ملزمان گرفتار
گجرات ( جی پی آئی)دی لیدر ہٹ چوک پاکستان پر ہونے والی چوری کے ملزمان گرفتار ‘ نقدی وسامان برآمدگی کا مطالبہ ۔ تفصیلات کے مطابق پولیس تھانہ بی ڈویژن نے چوک پاکستان محلہ خواجگان میں واقع دی لیدر ہٹ پر ماہ ستمبر میں ہونے والی چوری کے ملزمان گرفتار کر لیے ہیں ۔ ملزمان حماد اقبال ‘ حیدر اقبال بٹ اور علی ارشد نے اعتراف ِ جرم کر لیا ہے جبکہ ان کا ایک ساتھی ناصر بٹ روپوش ہے جس کی گرفتاری کیلئے پولیس چھاپے ما رہی ہے ۔ مدعی مقدمہ عبدالقدیر ولد محمد حنیف نے پولیس سے درخواست کی ہے کہ وہ ملزمان سے چار لاکھ نقدی ‘ ایک گھڑی سیکو فائراور سونے کی بالیوں کی برآمدگی کروائے۔ مدعی عبدالقدیر نے تفتیشی آفیسر رانا مصطفی کو شاندار کارکردگی پر خراجِ تحسین پیش کیا اور اُمید ظاہر کی ہے کہ وہ جلد ملزمان سے نقد ی و سامان کی برآمدگی بھی کروائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمد عالمگیر بولی پہلوان کے کے ایصال ثواب کے لیے ختم قل پڑھا گیا
گجرات( جی پی آئی) مرکزی انجمن تاجران گجرات کے سینئر وائس چیئرمین محمد عالمگیر بولی پہلوان صابر پہلوان محمد بابر کے بھائی اورمحمد فیصل حفیظ کے چچا جان اور محمد علی محمد دانش کے والد گرامی محمد حنیف کی روح کے ایصال ثواب کے لیے ختم قل جامع مسجد عرفانی محلہ مسلم آباد میں پڑھا گیا قرآن خوانی اورنعت خوانی بھی کروائی گئی ،مولانا محمد بشیر فاروقی نے فلسفہ موت وحیات پر تفصیلاََروشنی ڈالی اوراجتماعی دعا کروائی ،ختم شریف مین سمیرا بی بی ،قیصرہ بی بی،سابق ایم پی اے صفیہ جاوید چوہدری ،سابق ناظم راجہ محمد سکندر جاوید بٹ چوہدری جاوید سراج ظہوراحمد مغل افضل ننھا پہلوان حاجی محمد افضل شاکر چوہدری ہمایوں اقبال محمد علی ڈار راجہ محمد افضل ننھا پہلوان مزین حمید بٹ عبدالحمید بٹ فیصل بٹ حاجی راجہ محمد رفیق میاں محمد حبیب شیخ ارشد راجہ بشیر حسین المعروف بھولا راجہ ناصر محمود چوہدری اسماعیل چچی امتیاز احمد راٹھور شیراز رضا میاں محمد اسحاق رضوان بٹ راجہ محمد شوکت محمدجاوید خان ملک جاوید طارق محمودگوگا شیخ محمد منشا ء قاری شاہد مولوی فضل کریم مغل چوہدری اختر مکی مبشر بٹ بائو ظہیر حسین بٹ اعجاز بٹ خرم مختار الحاج صوفی محمدسلیم بٹ الطاف مغل مرزا عمران بیگ سلیمان بٹ عرف مانو ڈار محمد نعیم بٹ شکیل بٹ رابعہ لالہ اعظم محمد خاور محمد جاوید مہر فاروق اشتیاق بٹ عرف بھولا لالہ نذیر حسین بٹ علی محمد حاجی آصف آڑھتی دیگر سیاسی وسماجی شخصیت کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلدیاتی الیکشن کے شیڈول کا اعلان ہوتے ہی سیاسی ڈیروں پر رونقیں بڑھ گئی ہیں
گجرات (جی پی آئی) بلدیاتی الیکشن کے شیڈول کا اعلان ہوتے ہی سیاسی ڈیروں پر رونقیں بڑھ گئی ہیں امیدواروں نے الیکشن مہم تیز کرتے ہوئے ووٹروں سے رابطوں کا سلسلہ تیز کر دیا ہے اور رات گئے تک اپنے دفتروں میں بیٹھ کر الیکشن کی تیاریوں میں مصروف نظر آتے ہیں سپریم کورٹ کے حکم کے مطابق پنجاب میں 7 دسمبر کو الیکشن کا اعلان ہوتے ہی ضلع گجرات میں الیکشن میں حصہ لینے والے امیدواروں نے تیاریوں کا سلسلہ شروع کر دیا جبکہ سیاسی جماعتوں مسلم لیگ ق پیپلز پارٹی مسلم لیگ ن تحریک انصاف اور جماعت اسلامی نے بلدیاتی الیکشن میں اپنے مضبوط امیدواروں کی تلاش کا سلسلہ بھی شروع کر دیا ہے سیاسی جماعتیں 10 محرم الحرام کے بعد اپنی سیاسی سرگرمیاں زور و شور سے شروع کریں گی جبکہ دیگر امیدواروں نے بھی اپنے طور پر الیکشن مہم تیز کرتے ہوئے لوگوں سے ملنا جلنا ان کی غمی خوشی کی تقریبات میں جانا شروع کر دیا دوسری جانب امیدواروں کا کہنا ہے کہ لاہور ہائی کورٹ کی جانب سے بلدیاتی الیکشن جماعتی بنیادوں پر کرانے کا حکم قابل ستائش ہے ایک امیدوار نے کہا کہ بلدیاتی الیکشن بھی جماعتی بنیادوں پر ہی ہونے چاہیں اس سے پتہ چلتا ہے کہ کون سی سیاسی جماعت عوام میں مقبولیت زیادہ رکھتی ہے ایک اور امیدوار نے کہا کہ بلدیاتی الیکشن جماعتی بنیادوں پر ہوں یا غیر جماعتی بنیادوں پر الیکشن ہر صورت ہونے چاہیں اس سے شہریوں کے مسائل ان کی دہلیز پر حل ہوتے ہیں امیدواروں نے ووٹروں کی تواضع کے لیے چائے اور کھانوں کا بندوبست بھی کر رہے ہیں مسلم لیگ ن مسلم لیگ ق اور تحریک انصاف کے امیدواروں میں کانٹے دار مقابلے کی توقع کی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چوہدری پرویز الٰہی آج گجرات آئیں گے
گجرات (جی پی آئی) مسلم لیگ ق کے سینئر مرکزی رہنما سابق نائب وزیراعظم چوہدری پرویز الٰہی آج 9 نومبر بروز ہفتہ گجرات آئیں گے وہ ظہور پیلس میں آئندہ بلدیاتی الیکشن کی تیاریوں کے حوالہ سے پارٹی رہنمائوں اور کارکنوں سے ملاقاتیں کریں گے اور پارٹی رہنمائوں کے ایک اجلاس کی صدارت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈی پی او گجرات نے شہر بھر میں فلیگ مارچ کیا
گجرات ( جی پی آئی ) ڈی پی او گجرات سید علی ناصر رضوی کی قیادت میں محرم الحرام میں سیکیورٹی انتظامات چیک کرنے کے حوالہ سے پولیس نے شہر بھر میں فلیگ مارچ کیا سٹی سرکل کے تمام تھانوں کے ایس ایچ اوز سب انسپکٹرز اسسٹنٹ سب انسپکٹرز ہیڈ کانسٹیبلز اور کانسٹیبلز کے علاوہ ایلیٹ فورس محافظ سکواڈ فورس نے بھی فلیگ مارچ میں شرکت کی ڈی پی او سید علی ناصر رضوی اور پولیس نے شادیوال کنجاہ جلالپورجٹاں سمیت شہر میں سرگودھا روڈ ریلوے روڈ کچہری چوک سروس موڑ گلزار مدینہ روڈ شادیوال روڈ سرکلر روڈ جیل روڈ پر فلیگ مارچ کیا اور امن وامان کی صورتحال کا جائزہ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات میں کار سوار ڈاکوئوں نے دو خواتین کو لوٹ لیا
گجرات ( جی پی آئی) گجرات میں کار سوار ڈاکوئوں نے دو خواتین کو لوٹ لیا گذشتہ روز تھانہ سول لائن گجرات کے علاقہ عیدگاہ کے قریب ایک خاتون (ر) اپنی ایک عزیزہ کے ہمراہ کھڑی تھی کہ نامعلوم کار سوار خاتون نے انہیں لفٹ دینے کے بہانے انہیں کار میں سوار کر لیا بعد ازاں سروس موڑ کے قریب اپنے دیگر ساتھیوں کو بھی کار میں سوار کر لیا جنہوں نے خواتین سے اسلحہ کے زور پر 5تولے زیور اور نقدی وغیرہ لوٹ کر فرار ہو گئے پولیس تھانہ سول لائن گجرات نے مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں بجلی کی لوڈ شیڈنگ کا سلسلہ بدستور جاری
گجرات (جی پی آئی ) گجرات میں موسم سرد ہونے کے باوجود بجلی کی لوڈشیڈنگ کا سلسلہ بھی تھم نہ سکا ضلع بھر کے شہری اور دیہاتی علاقوں میں بجلی کی لوڈشیڈنگ جاری ہے جس سے شہریوں اور کاروباری افراد کو شدید مشکلات کا سامنا ہے موسم میں خنکی آنے اور بجلی کا لوڈ کم ہونے کے باوجود لوڈشیڈنگ تواتر سے جاری ہے بجلی کی لوڈشیڈنگ سے کاروباری افراد کے کاروبار متاثر ہونے لگے ہیں شہری علاقوں میں 8 گھنٹے جبکہ دیہی علاقوں میں بجلی کی 12 گھنٹے تک لوڈشیڈنگ کی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات میں بارش کا سلسلہ دوسرے روز بھی جاری رہنے سے سردی کی شدت میں اضافہ ہو گیا
گجرات (جی پی آئی ) گجرات میں بارش کا سلسلہ دوسرے روز بھی جاری رہنے سے سردی کی شدت میں اضافہ ہو گیا ہے شہریوں نے گرم کپڑوں کا استعمال باقاعدہ طور پر شروع کر دیا ہے گذشتہ روز گجرات اور گردونواح میں ہلکی بارش کا سلسلہ دوسرے روز بھی جاری رہنے سے موسم سرد ہو گیا اور شہریوں نے گرم کپڑوں کا استعمال شروع کر دیا ہے دوسری جانب شہریوں نے سوپ چائے کافی اور انڈوں کا استعمال بھی کرنا شروع کر دیا ہے جبکہ بارش کے باعث شہر کے اکثر گلی محلوں میں پانی کھڑا ہونے کی وجہ سے لوگوں کو گزرنے میں بھی شدید مشکلات کا سامنا کرنا پڑا نشیبی علاقوں کے علاوہ پانی لوگوں کے گھروں میں بھی داخل ہو گیا نکاسی آب کے مناسب انتظامات نہ ہونے کے باعث لوگوں کو شدید مشکلات در پیش ہیں بارش کے ساتھ ٹھنڈی تیز ہوا چلنے کا سلسلہ بھی جاری رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات میں سردی کی شدت میں اچانک اضافہ ہونے کے بعد سوئی گیس کی بندش کا سلسلہ بھی شروع ہو گیا
گجرات (جی پی آئی ) گجرات میں سردی کی شدت میں اچانک اضافہ ہونے کے بعد سوئی گیس کی بندش کا سلسلہ بھی شروع ہو گیا گذشتہ روز شہر کے متعدد مقامات پر سوئی گیس بند ہو جانے سے شہریوں کو شدید مشکلات کا سامنا کرنا پڑا مدینہ سیداں ماڈل ٹائون مرغزار کالونی اور شادمان کالونی کے علاقے سوئی گیس کی بندش سے زیادہ متاثر ہوئے مدینہ سیداں میں سارا دن سوئی گیس بند رہنے سے علاقہ کی خواتین نے محکمہ سوئی گیس کے خلاف شدید احتجاج کیا اور سوئی گیس کی بحالی کا مطالبہ کیا درجنوں خواتین سڑکوں پر نکل آئیں اور محکمہ سوئی گیس کے حکام کے خلاف شدید نعرے بازی کی گیس کی بندش سے خواتین کو کھانے پکانے میں شدید دقت کا سامنا کرنا پڑا اور مجبوراً کھانا ہوٹلوں سے منگوایا خواتین کا کہنا تھا کہ ابھی سردیوں کا آغاز ہے تو یہ حال ہے کہ سارا دن گیس بند رہی جب سردیاں عروج پر ہوں گی تو کیسے گزارا ہو گا ؟ گرمیوں میں بجلی بند اور سردیوں میں گیس بند ہونے سے حکمرانوں نے عوام کو ذہنی مریض بنا کر رکھ دیا ہے ڈی سی او آصف بلال لودھی نے کہا کہ عوامی شکایات کا ازالہ کیا جا رہا ہے اور آئندہ ایک دو روز میں گیس پریشر بحال کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات میں ٹرانسپورٹروں کی جانب سے ناقص سی این جی گیس سلنڈروں کا استعمال جاری ہے
گجرات (جی پی آئی ) گجرات میں ٹرانسپورٹروں کی جانب سے ناقص سی این جی گیس سلنڈروں کا استعمال جاری ہے ضلعی انتظامیہ خاموش تماشائی بن گئی ہائی ایس ویگنوں بسوں کوچوں میں بڑے بڑے غیر معیاری سی این جی سلنڈروں کا استعمال جاری ہے جس سے مسافروں کی زندگیوں کو شدید خطرات لاحق ہو گئے ہیں جبکہ ضلعی انتظامیہ ٹرانسپورٹروں کے خلاف ایکشن لین کی بجائے خاموشی اختیار کئے ہوئے ہے گجرات سے لاہور راولپنڈی سرگودھا ملتان کھاریاں لالہ موسیٰ جلالپورجٹاں منڈی بہائوالدین پھالیہ کنجاہ کوٹلہ ارب علی خان جہلم جانے والی گاڑیوں میں ناقص سی این جی سلنڈروں کا استعمال بلا روک ٹوک جاری ہونے سے کسی بھی بڑے حادثہ کے رونما ہونے کے خطرات بڑھ گئے ہیں جبکہ دوسری جانب مسافر گاڑیاں فٹنس سرٹیفکیٹ کے بغیر بھی سڑکوں پر رواں دواں ہیں ضلعی انتظامیہ کے مطابق ناقص سی این جی سلنڈروں اور بغیر فٹنس سرٹیفکیٹ چلنے والی گاڑی کے خلاف کارروائی کرتے ہوئے سلنڈر اتار لئے جاتے ہیں اور جرمانے بھی کئے جاتے ہیں۔

by Majid Khan

Nasir Mehmood - Chief Editor at GeoURDU.com

ملکہ اعوان یوتھ ونگ کے ناجوان نئے و لولے کے ساتھ ملکہ کی خدمت اور مشالی گاؤں بنانے کے لئے نئے عزم کا اظھار کر رھے ھیں عقیدۂ توحید مکتبہ تشیعُ کا سرمایۂ ایمان ہے