کروڑ لعل عیسن کی خبریں 17/11/2013

Posted on November 18, 2013 By Majid Khan سٹی نیوز

فقہ حنفیہ اور فقہ جعفریہ دونوں کے باہمی تعاون سے جھرکل میں محرم الحرام نہایت امن و امان سے گزر گیا

کروڑ لعل عیسن ( نامہ نگار ) فقہ حنفیہ اور فقہ جعفریہ دونوں کے باہمی تعاون سے جھرکل میں محرم الحرام نہایت امن و امان سے گزر گیا۔ SHO تھانہ کروڑ لعل عیسن ربنواز کتھران ۔ ہمیں جھرکل کے اہل سنت کے رہائشیوں سے کوئی خطرہ نہیں ہے بلکہ غیر مسلموں سے خطرہ ہے جس کے باعث سیکورٹی کا انتظام کیا جاتا ہے ۔ رضا کار ملک ذوالفقار علی سامٹیہ تفصیل کے مطابق گزشتہ روز SHO تھانہ کروڑ ربنواز کتھران نے صحافیوں سے ملاقات کے دوران ایک بیان میں کہا کہ جھرکل میں امن و امان کی صورت حال کافی اچھی رہی جی کا سارا کریڈٹ وہاں کے مقامی رہائشیوں کو جاتا ہے جس میں فقہ حنفیہ اور فقہ جعفریہ کے لوگوں نے بھرپور تعاون کیا ۔ جھرکل میں دیگر مقامات کی طرح سکیورٹی ہائی الرٹ تھی اور کسی شخص کو بغیر چیکنگ کے امام بارگاہ میں نہیں جانے دیا جا رہا تھا ۔ دوسری جانب امام بارگا کے ایک رضا کار ملک ذوالفقار علی سامٹیہ نے کہا کہ ہمیں جھرکل کے رہائشیوں سے کوئی خطرہ نہیں ہے ۔ سکیورٹی کے انتظامات اس لئیے کیے گئے ہیں کہ کوئی تیسری قوت یہاں کے مذہبی اختلاف کا فائدہ نہ اٹھا لے۔ سکیورٹی کے نہایت اچھے انتظامات کرنے پر ہم DSP اور DPO لیہ کے تہہ دل سے شکر گزار ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ ہسپتال میں 6 ڈاکٹر ، ایک ہیڈ نرس ، ریڈ یا لوجسٹ ، پتھالوجسٹ اور ڈسپنسر سمیت 34 ملازمین کی سیٹیں خالی
کروڑ لعل عیسن ( نامہ نگار ) کروڑ ہسپتال میں 6 ڈاکٹر ، ایک ہیڈ نرس ، ریڈ یا لوجسٹ ، پتھالوجسٹ اور ڈسپنسر سمیت 34 ملازمین کی سیٹیں خالی ۔ حالیہ ڈسٹرکٹ مانیٹرنگ سروے کے مطابق تحصیل ہیڈکواٹر ہسپتال کروڑ میں فزیشن کی 1 ، ENT کی 1 ، چلڈرن اسپشلسٹ کی 1 ، MO کی 2 ، WMO کی 2 ، نارماسسٹ کی 1 ، ہیڈ نرس کی 1 ، ریڈیالوجسٹ کی 1 ، پتھالوجسٹ کی 1 ، چارج نرس کی 2 ، ریفرکریشن کی 1 ، ریڈیوگرافر کی 1 ، ڈسپنسر کی 2 ، انتھریااسسٹنٹ کی 1 ، ڈارک روم اسسٹنٹ کی 1 ، دائی کی 2 ، چوکیدار کی 2 ، کُک کی 2 ، گیٹ کیپر کی 2 ، ایکسرے اٹنڈنٹ کی 1 ، سوئیپر کی 6 اور واٹر کیئر یٔر کی 1 سمیت کل 34 ملازمین کی خالی سیٹیں موجود ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کروڑ لعل عیسن ( نامہ نگار ) THQ ہسپتال کروڑ نرس اور اس کے والدین کے درمیان جھگڑا طول پکڑ گیا۔ رشتہ داروں نے نرس زبیدہ کی تھپڑوں، مُکوں اور جوتوں سے پٹائی کر دی ۔ MS ڈاکٹر سعادت علی شاہ نے ہیڈ نرس کو انکوائری کے بعد رپورٹ پیش کرنے کا حکم دے دیا ۔ تفصیل کے مطابق کروڑ ہسپتال میں تعینات نرس گزشتہ رات اپنی ڈیوٹی پر تھی اور رات کے وقت مبینہ طور پر اس کے والدین اور دیگ رشتہ داروں کے درمیان جھگڑا طول پکڑ گیا اور بات ہاتھا پائی ، تھپڑوں اور جوتوں تک جا پہنچی اور زبیڈہ کی پٹائی کر دی گئی ۔ اس دوران ہسپتال میں زبردست ہنگامہ ہونے سے مریضوں کو سخت پریشانی کا سامنا کرنا پڑا ۔ جب دیگر سٹاف کے لوگ لڑائی ختم کروانے اور چھڑوانے کیلئے پہنچے تو اس دوران سٹاف بھی محفوظ نہ رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محرم الحرام میں تعزیہ اور جلوسوں کی مانیٹرنگ کیلئے 7 مقامات پر سی سی ٹی وی کیمرے لگائے جائیں گے
کروڑ لعل عیسن (نامہ نگار) محرم الحرام میں تعزیہ اور جلوسوں کی مانیٹرنگ کیلئے 7 مقامات پر سی سی ٹی وی کیمرے لگائے جائیں گے۔ ان مقامات میں امام بارگاہ حسینیہ مہاجرین ، تھلہ قریشیاں ، عطاء الرحمن چوک ، ٹبی امام نزد کلینک ڈاکٹر محمد حسین خان ، کمیٹی چوک ، کلمہ چوک اور دربار علی راجن شاہ شامل ہیں۔

by Majid Khan

Nasir Mehmood - Chief Editor at GeoURDU.com