کراچی (جیوڈیسک) اہلسنت والجماعت آج یوم احتجاج منائے گی۔ ملت جعفریہ نے یوم عظمت نواسہ رسول منانے کا اعلان کیا ہے جبکہ سنی اتحاد کونسل یوم امن و محبت منائے گی۔ صورتحال کے پیش نظر ملک بھر میں سیکورٹی انتہائی سخت کر دی گئی ہے۔ کراچی سمیت سندھ بھر میں چوبیس گھنٹے کیلئے موٹر سائیکل کی ڈبل سواری پر پابندی عائد کردی گئی ہے۔ کراچی کے تاجروں نے مارکیٹیں کھلی رکھنے کا اعلان کیا ہے۔
صوبائی وزیر تعلیم کے مطابق سرکاری تعلیمی ادارے بھی کھلے رہیں گے۔ تاہم نجی اسکول بند رکھنے کے معاملے پر پرائیویٹ اسکول مینجمنٹ ایسوسی ایشن دو دھڑوں میں تقسیم ہو گئی۔ لاہور میں سیکورٹی خدشات کے پیش نظر دس ہزار اہلکار تعینات ہونگے۔ پولیس کی چھٹیاں بھی منسوخ کردی گئی ہیں۔ سی سی پی او لاہور کے مطابق تمام مکاتب فکر کے علماء نے پر امن رہنے کی یقین دہانی کرا دی ہے تاہم قانون ہاتھ میں لینے والوں سے سختی سے نمٹا جائے گا۔ فیصل آباد شہر میں بھی آج موٹر سائیکل کی ڈبل سواری پر پابندی ہو گی۔
پانچ سے زیادہ افراد کے جمع ہونے اور جلسے جلوسوں پر بھی پابندی عائد کردی گئی ہے۔ فوج کو بھی الرٹ رکھا گیا ہے۔ پولیس اور فوجی دستے مشترکہ فلیگ مارچ بھی کریں گے۔ شہر میں نجی اور سرکاری تعلیمی ادارے بند رہیں گے۔ ملتان میں کسی بھی ہنگامی صورتحال سے نمٹنے کیلئے لودھراں، خانیوال اور وہاڑی سے اضافی نفری طلب کرلی گئی ہے۔ گھنٹہ گھر چوک، دولت گیٹ، چوک شہیداں اور شاہ گردیز میں فوج بھی موجود ہے۔ بہاولنگر اور چشتیاں میں دفعہ ایک سو چوالیس نافذ کر دی گئی ہے۔ جلسے اور جلوسوں پر بھی پابندی ہو گی۔
دینی مدارس اور امام بارگاہوں کی سیکورٹی میں بھی اضافہ کر دیا گیا ہے۔ ادھر کوئٹہ میں انجمن تاجراں نے آج مکمل شٹر ڈاؤن کا اعلان کیا ہے، شہر میں سیکورٹی کے بھی خصوصی انتظامات کئے گئے ہیں۔
ڈرون حملوں کی بندش کا دعویٰ، اپوزیشن لیڈر برس پڑے
چیئرمین نیب کو ہٹانا اداروں کو تباہ کرنے کے مترادف ہو گا، خورشید شاہ
