شہر کراچی کی ترقی اور عوامی خوشحالی کا میاں نواز شریف نے عزم کیا ہوا ہے عوامی تعاون کے ذریعے پورا کرینگے۔ عصمت انور محسود
Posted on November 24, 2013 By Majid Khan کراچی
کراچی: پاکستان مسلم لیگ(ن) کے رہنماء سابق اُمیدوار حلقہPS-120عصمت انور محسود نے کہاکہ میں شاہراہ فیصل پر جناح انٹرنیشنل ائرپورٹ ایونیو تا اسٹار گیٹ تک سیوریج لائن اوور فلو کی وجہ سے مین شاہراہ فیصل پر آئے دن ٹریفک کی روانی متاثر رہتی ہے جس کی وجہ سے عوام شدید مشکلات سے دو چار ہوجاتے ہیں انہوں نے واٹر اینڈ سیوریج بورڈ سے مطالبہ کیا ہے کہ فوری طور پر ہنگامی اقدامات کرتے ہوئے شاہراہ فیصل پر مادام آپارٹمنٹ تا اسٹار گیٹ تک سیوریج سسٹم کو درست کیا جائے تاکہ مین شاہراہ فیصل پر سیوریج پانی جمع ہونے کی وجہ سے ٹریفک کے نظام میں حائل رکاوٹ اور چھوٹا گیٹ ،موریہ خان گوٹھ اور اسٹار گیٹ سے ملحقہ آبادیوں کے مکینوں کو سیوریج سسٹم کے ابتر صورتحال کے عذاب سے نجات حاصل ہوسکے۔
یہ بات انہوں نے مسلم لیگ (ن) PS-120کے دفتر میں چھوٹا گیٹ ،موریہ خان گوٹھ اور اسٹار گیٹ سے ملحقہ آبادیوں سے آنے والے مکینوں اور تاجروں کے وفود سے گفتگو کرتے ہوئے کیا ۔اس موقع پر وفود نے علاقائی مسائل خصوصی پانی اور سیوریج کے حوالے سے درپیش علاقائی مسائل سے مسلم لیگ (ن) کے رہنماء عصمت انور محسود آگاہ کرتے ہوئے کہاکہ علاقائی مسائل خصوصی پانی اور سیوریج کے مسائل کے حوالے سے بلدیاتی اداروں اور واٹر اینڈ سیوریج بورڈ کے اعلیٰ حکام کو علاقائی عوام کو درپیش مسائل سے آگاہ کیا لیکن تاحال مسائل حل نہیں کئے گئے اور مسئلہ جوں کا توں ہے مسلم لیگ (ن) کے رہنماء عصمت انور محسود نے وفد سے گفتگو کرتے ہوئے انہیں یقین دلا یا کہ موریہ خان چھوٹا گیٹ اور اسٹار گیٹ سے ملحقہ آبادیوں کے علاقائی مسائل کے حل کے لئے متعلقہ اداروں تک عوامی شکایات پہنچائی جائے گی اور اسے حل کرنے کے لئے ہر ممکن کوششیں کرینگے اس موقع پر انہوں نے واٹر اینڈ سیوریج بورڈ اور بلدیاتی افسران سے کہاکہ وہ غریب بستی میں رہنے والے مکینوں کے مسائل کو حل کرنے پر توجہ دیں اور مین شاہراہ فیصل جس پر دن میں کئی بار VIPموومنٹ رہتی ہے اس روڈ پر سیوریج سسٹم کے ابتر صورتحال کو درست کیا جائے وفد سے گفتگو کرتے ہوئے مسلم لیگ (ن) کے رہنماء عصمت انور محسود نے کہاکہ مسلم لیگ (ن) شہر کراچی میں قیام امن کے لئے عوامی تعاون کے ذریعے بروئے کار لارہے ہیں اور آج الحمد اللہ مسلم لیگ کی کاوشوں کی بدولت شہر امن کے گہوارے کی جانب گامزن ہے انہوں نے کہاکہ مسلم لیگ (ن) عوام کو مسائل سے نجات لا کر عوامی خوشحالی لانے کے لئے کوشاں ہے اور انشا اللہ عوامی تعاون اور اعتماد کے ذریعے شہر کراچی کو ترقی اور عوامی خوشحالی کے خواب کو پورا کریںگے عصمت انور محسود نے عوام سے اپیل کی علاقائی مسائل کو مد نظر رکھتے ہوئے آئندہ بلدیاتی انتخابات میں نیک اور صالح قیادت کا چنائو کیا جائے مسلم لیگ(ن ) عوامی جذبے سے سرشار آمیدواروں کو ٹکٹ دے گی انہوں نے کہاکہ انشا اللہ عوام نے پاکستان مسلم لیگ (ن) کو خدمت کا موقع دیا تو شہر کراچی سے اندھیروں کا خاتمہ کرکے عوام کو مسائل سے نجات اور کراچی کے چپے چپے میں ترقی کا جال بچھا یا جائے گا۔
by Majid Khan
Nasir Mehmood - Chief Editor at GeoURDU.com
پشاور میں افغان شہریوں کے لیے دھرنا دیا گیا: فاروق ستار
کراچی، پولیس موبائل پر فائرنگ دو اہلکار زخمی ہو گئے
