شمالی وزیرستان (جیویسک) شمالی وزیرستان کے علاقے میر علی میں شدت پسندوں کیخلاف کارروائی جاری ہے۔ گن شپ ہیلی کاپٹرز کی شدت پسندوں کے ٹھکانے پر شیلنگ۔
شمالی وزیرستان میں سکیورٹی فورسز پر حملوں میں اضافے کی وجہ سے تحصیل میر علی میں شدت پسندوں کے ٹھکانوں پر فورسز کی کاروائی جاری ہے۔ سرکاری ذرائع کے مطابق تحصیل میر علی کے نواحی علاقوں میں سکیورٹی فورسز کے گن شپ ہیلی کاپٹرز نے شدت پسندوں کے ٹھکانے پر شیلنگ کی ہے۔ ابھی تک کسی نقصان کی اطلاع نہیں ملی ہے۔
ذرائع کا کہنا ہے کہ میر علی میں سکیورٹی فورسز پر حملوں کے واقعات میں اضافہ ہوتا جا رہا ہے۔ واضع رہے کہ اتوار کی صبح بھی فورسز کی گاڑی پر بم حملے میں 2 سکیورٹی اہلکار جاں بحق اور 5 زخمی ہوئے تھے۔ علاقے میں کرفیو کے باعث میر علی میرانشاہ روڈ بند ہے۔
خیبر ایجنسی: اغوا ہونے والے 11 اساتذہ کو چھوڑ دیا گیا
گوجرانوالہ: خاوند نے پہلی بیوی سے ملکر دوسری بیوی کو زہر دیکر ہلاک کر دیا
