کروڑ لعل عیسن کی خبریں 2711/2013

Posted on November 28, 2013 By Majid Khan سٹی نیوز

چکنمبر 88 ٹی ڈی اے میں گجر اور ارائیں برادری کے درمیان لڑائی
کروڑ لعل عیسن ( نامہ نگار ) چکنمبر 88 ٹی ڈی اے میں گجر اور ارائیں برادری کے درمیان لڑائی۔ ارائیں برادری کے 6 افراد نے کلہاڑیوں سوٹوں سے مسلح ہو کر گجر برادری کے تین افراد کو زخمی کر دیا ۔ تفصیل کے مطابق چکنمبر 88/TDA کے ذوالفقار علی گجر ولد علی محمد گجر نے رپورٹ درج کروائی ہے ہے کہ عثمان اور شفیق نامی افراد نے اس کی گلی سے گزرتی ہمشیرہ کو ذدوکوب کیا ۔ جس کی اطلاع ملنے پر جس کی اطلاع ملنے پر وہ گھر جا رہا تھا کہ راستے میں موڑ 88 کے قریب کلہاڑیوں اور سوٹوں سے مسلح 6 افراد شبیر ، شفیق ولد رشید ارائیں ، رشید ، مجید ولد محمد یوسف ، انور علی ولد ولی محمد ، محمد طیب ولد محمد رمضان نے مجھے ، اکبر علی اور سردار علی کو دیکھتے ہی کلہاڑیوں اور سوٹوں سے حملہ کر دیا ۔ جس کی وجہ سے سر ٹانگوں اور جسم کے کئی حصوں پر شدید چوٹیں آئی ہیں ۔ پولیس تھانہ کروڑ نے میڈیکل رپورٹ پر مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کروڑ لعل عیسن ( نامہ نگار ) نہر کے موگہ پر ڈاف لگا کر دوسروں کو حق سے محروم کرنے والے چکنمبر 82 ایم ایل کے نزاکت علی ولد محمد یٰسین ارائیں کے خلاف سب انجینئر انہار و دیگر اہلکاروں کی رپورٹ پر تھانہ کروڑ میں مقدمہ درج کر لیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مارکیٹ کمیٹیوں کے فنڈز سے 6 ہزار روزانہ ایک لاکھ 80 ہزار ماہانہ اور 21 لاکھ 60 ہزار سالانہ آ رہے ہیں
لیہ( نامہ نگار ) ضلع بھر میں 3 ہزار روزانہ پرائس ٹیکنگ کی تقسیم پر مارکیٹ کمیٹیوں کے فنڈز سے 6 ہزار روزانہ ایک لاکھ 80 ہزار ماہانہ اور 21 لاکھ 60 ہزار سالانہ آ رہے ہیں لیکن اس کے بوجود نرخناموں میں بہتری نہ لائی جا سکی ۔ حالانکہ لاہور سمیر بہت سے شہروں میں دکانداروں کو صرف ریٹ لسٹ فراہم کی جاتی ہے ۔ دوسری جانب ضلعی انتظامیہ نے قیمتوں کو کنٹرول کرنے کیلئے ہفتہ وار میٹنگ بلائی جاتی ہے جس میں قیمتوں کے نرخ حقیقی معنوں میں طے کرنے کی بجائے گفت و شنید کے بعد اجلاس ختم کر دیا جاتا ہے ۔ جبکہ کنزیوم کمیٹٰ کی سفارشات پر ہرگز عمل نہیں کیا جاتا ہے ۔ جس کے باعث ضلعی انتظامیہ کی کوششیں حکام بالاکو رپورٹ دینے تک محدود رہ جاتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ میں صفائی کا ناقص انتظام ، جگہ جگہ گندگی کے ڈھیر لگے ہوئے ہیں
کروڑ لعل عیسن ( نامہ نگار ) کروڑ میں صفائی کا ناقص انتظام ، جگہ جگہ گندگی کے ڈھیر لگے ہوئے ہیں جبکہ عید الضحیٰ کی نماز کیلئے سبزی منڈی کے پیچھے گرائونڈ کو صاف کر نے کی غرض سے لگایا گیا گندگی کا بڑا ڈھیر آج تک نہیں اٹھایا گیا ۔ اس ڈھیر میں اگر کوئی دہشتگرد بارودی مواد رکھ دے تو سبزی منڈی میں آنے والے سینکڑوں افراد نشانہ بن سکتے ہیں ۔ کروڑ کے شہری حلقوں نے اعلیٰ حکام سے اصلاح احوال کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علاقہ کے عوام کی خدمت اور ترقی ہمارا مشن ہے
کروڑ لعل عیسن ( نامہ نگار ) علاقہ کے عوام کی خدمت اور ترقی ہمارا مشن ہے۔ کامیاب ہو کر ترقیاتی کاموں کا جا ل بچھا دیں گے ۔ ان خیالات کا اظہار امیدوار چیئر مین یونین کونسل بصیرہ سردار حماد اکبر گشکوری ، وائس چیئر مین سردار ساغر خان لاشاری نے اپنے بیان میں کیا ۔ انہوں نے کہا کہ وہ MNA صاحبزادہ فیض الحسن گروپ سے انتخاب میں حصہ لے رہے ہیں ۔ انشاء اﷲ کامیاب ہو کر حلقہ کے عوام کی بے لوث خدمت کریں گے اور علاقہ میں امن و امان کی کوششوں میں بھر پور حصہ لیں گے۔

by Majid Khan

Nasir Mehmood - Chief Editor at GeoURDU.com