لاہور (جیوڈیسک) آرٹ اور کمرشل فلموں کے بے مثال بھارتی اداکار نصیر الدین شاہ واہگہ بارڈر کے راستے پاکستان پہنچ گئے۔ کہتے ہیں امن کیلئے کوششیں کرنا فرض ہے۔
نیشنل سکول آف ڈرامہ سے گریجویٹ بھارتی فلموں کے اداکار نصیر الدین شاہ واہگہ بارڈر کے راستے پاکستان پہنچے۔ نصیر الدین شاہ اپنا تھیٹر گروپ لے کر فیض فانڈیشن میں شرکت کے لئے آئے ہیں۔
واہگہ بارڈر پر میڈیا سے گفتگو کرتے ہوئے انہوں نے کہا کہ نتائج سے قطع نظر امن کے لئے کوششیں جاری رہنی چاہئیں۔ نصیرالدین شاہ نے جنگ کے متعلق فلموں سے اپنی نا پسندیدگی کا اظہار کرتے ہوئے کہا کہ عام آدمی کے مسئلوں پر فلمیں بننی چاہئیں۔
بھارتی اداکار نصیرالدین شاہ نے مسکراتے ہوئے کہا کہ پاکستان میں تھیٹر کی ضرورت ہے۔ بالے لوگوں کو تھیٹر کرتے رہنا چاہئے۔
لاہور: پولیس کا پنجاب یونیورسٹی ہاسٹل پر چھاپہ، 12 طلبا گرفتار
برازیل میں دنیا کا سب سے بڑا کرسمس ٹری سجا دیا گیا
