اسلام آباد (جیوڈیسک) تحریک انصاف نے قومی اسمبلی کے 4 حلقوں میں دھاندلی کیخلاف سپریم کورٹ میں درخواست دائر کر دی۔ عمران خان کا کہنا ہے کہ کئی ماہ گزرنے کے باوجود انگوٹھوں کی تصدیق کا معاملہ آگے نہیں بڑھا، انصاف کی امید لے کر سپریم کورٹ آئے ہیں۔
عام انتخابات میں دھاندلی کی چھان بین اور انگوٹھوں کی تصدیق کے معاملے میں پیش رفت نہ ہونے کے خلاف تحریک انصاف نے سپریم کورٹ سے رجوع کیا ہے۔ آج عدالت کے باہر میڈیا سے گفتگو میں عمران خان نے کہا کہ بلدیاتی انتخابات آ پہنچے مگر اب تک عام انتخابات میں دھاندلی کی شکایات پر انگوٹھوں کی تصدیق نہیں کی گئی۔
کامیاب ہونے والے امیدواروں کو کس بات کا ڈر ہے جو وہ بار بار ماتحت عدلیہ سے انگوٹھوں کی تصدیق کے معاملے پر اسٹے آرڈر لے رہے ہیں، اس لیے شکایت لے کر سپریم کورٹ آئے ہیں ۔
علامہ ناصر عباس کے قتل کا مقدمہ درج
