لالہ موسیٰ کی خبریں 15/12/2013

Posted on December 16, 2013 By Majid Khan سٹی نیوز

مصنوعی قلت کے باعث آٹا نایاب ہونے کی وجہ سے لوگ آٹا مہنگے
لالہ موسیٰ (محمد بلال احمد بٹ ) مصنوعی قلت کے باعث آٹا نایاب ہونے کی وجہ سے لوگ آٹا مہنگے داموں خریدنے پر مجبور ہو گئے ہیں ۔ لوگوں نے شکایات کی ہے کہ آٹا کا 20 کلو کا تھیلا 785 روپے کی بجائے 900 روپے تا 940 روپے فی تھیلا فروخت کیا جا رہا ہے جبکہ چکی کا کھلا آٹا 940 روپے تا 1000 روپے فی 20 کلو میں فروخت کئے جانے کی شکایات عام ہے ۔ آٹے کی مصنوعی قلت کے باعث ہوٹلوں والے اور تندوروں والے افراد کے روٹی 6 روپے میں مگر کم وزن کی فروخت ہو رہی ہے ۔ شہریوں نے ارباب اختیار سے مطالبہ کیا ہے کہ مصنوعی قلت کا فوری نوٹس لیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیر محمد علائوالدین صدیقی جانشیں نیریاں شریف تراڑ کھل آزاد کشمیر 18 دسمبر بروز بدھ وار محی ء السلام صدیقیہ محلہ سردار پورہ لالہ موسیٰ تشریف لا رہے یں
لالہ موسیٰ (محمد بلال احمد بٹ ) چیئرمین نور ٹی وی یوکے چانسلر محی ء الدین میڈیکل کال میرپور قبلہ پیر محمد علائوالدین صدیقی جانشیں نیریاں شریف تراڑ کھل آزاد کشمیر 18 دسمبر بروز بدھ وار محی ء السلام صدیقیہ محلہ سردار پورہ لالہ موسیٰ تشریف لا رہے ہیں ۔سر زمین لالہ موسیٰ آمد پر خادمین نیریاں شریف اور مریدین قبلہ پیر حضرت محمد علائو الدین صدیقی کے شان شایان زبردست استقبال کریں گے ۔ حضرت قبلہ پیر محمد علائو الدین صدیقی بعد از نماز مغرب لالہ موسیٰ میں خطاب فرمائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے حکام نے لالہ موسیٰ سے ریل کار میں ریزرویشن کوٹہ ختم کر دیا
لالہ موسیٰ (محمد بلال احمد بٹ ) ریلوے حکام نے لالہ موسیٰ سے ریل کار میں ریزرویشن کوٹہ ختم کر دیا۔ مقامی مسافر کھڑے ہو کر سفر کرنے پر مجبور ۔ لاہور سے راولپنڈی اور لاہور جانے ولی ریل کار میں لالہ موسیٰ سے مختص 25 سیٹوں کا کوٹہ منسوخ کر دیا ۔ کوٹہ منسوخ ہونے سے لالہ موسیٰ میں ریل کار میں سفر کرنے ولے ریزرویشن نہ ہونے سے کھڑا ہونے پر مجبور ہو گئے ہیں ۔ عرصہ دراز سے لالہ موسیٰ سے سفر کرنیوالوں کو 25 سیٹوں پر ریزرویشن کی سہولت مہیا کی جاتی رہی ہے لیکن چند یوم قبل محکمہ ریلوے کے اعلیٰ حکام نے لالہ موسیٰ ریل کار سے ریزرویشن کا کوٹہ ختم کر دیا ہے جس پر خواتین و بچے ، ادھیڑ عمر مسافر کھڑے ہو کر سفر کرنے پر مجبور ہو گئے ہیں ۔ لالہ موسیٰ کے عوامی حلقوں نے ریلوے حکام سے ریزرویشن کوٹہ بحال کرنے کا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ریلوے لالہ موسیٰ نے اپنی عدالت اور قانون نافذ کر دئیے
لالہ موسیٰ (محمد بلال احمد بٹ ) تھانہ ریلوے لالہ موسیٰ نے اپنی عدالت اور قانون نافذ کر دئیے۔ لائن کراسنگ کرنے والوں اور ریلوے حدود میں سے گزرنے والوں کے خلاف مقد مات درج 1500 سے لیکر 3000 روپے تک لیکر شخصی ضمانت پر چھوڑ دیا جاتا ہے جبکہ 5000 روپے سکہ رائج الاوقت ادا کرنے سے مقدمات سے بھی جان چھوٹ جاتی ہے ۔ لالہ موسیٰ کی اکثیریتی آباد ریلوے لائن کے پار مقیم ہے اور صبح و شام کے اوقات میں راستہ مختصر کرنے کیلئے وہ لائنیں پھلانگ کر گھروں میں پہنچ جاتے ہیں جبکہ تھانہ ریلوے پولیس لالہ موسیٰ کےASI ارشد بیگ ، ملازمین محمد ناصر ، مہدی خاں و دیگر نے لائن کراسنگ کے مقدمات درج کروانے شروع کر دئیے ہیں اور مقدمات کے بعد شرنی لیکر چھوڑ دیا جتا ہے اس حوالہ سے SHO ریلوے سے انکا موقف جاننے کیلئے رابطہ کیا گیا تو انکا موبائل بند تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کی خدمت ہمارا خاندانی شیوہ ہے اپنے بزرگوں کے نقش قدم پر چلتے ہوئے خدمت کا مشن جاری رکھیں گے،حاجی محمد ریاض انصاری
لالہ موسیٰ (محمد بلال احمد بٹ ) عوام کی خدمت ہمارا خاندانی شیوہ ہے اپنے بزرگوں کے نقش قدم پر چلتے ہوئے خدمت کا مشن جاری رکھیں گے ۔ ان خیالات کا اظہار شہری جمہوری اتحاد لالہ موسیٰ کے نا مزد امیدوار برائے وارڈ نمبر 4 حاجی محمد ریاض انصاری نے معززین علاقہ کے وفد سے گفتگو کرتے ہوئے کیا ۔ انہوں نے کہا کہ وارڈ کے معززین نے میری نامزدگی پر جس خوشی کا اظہار کیا ہے وہ میری زندگی کا اثاثہ ہے عوام کی دعائوں اور تعاون سے کامیابی ملی تو وارڈ کے مسائل کے حل کیلئے اپنی تمام تر صلاحتیں بروئے کار لائوں گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں تجاوزات مافیا نے آہستہ آہستہ دوبارہ قدم جمانا شروع کر دیا
لالہ موسیٰ (محمد بلال احمد بٹ ) لالہ موسیٰ میں تجاوزات مافیا نے آہستہ آہستہ دوبارہ قدم جمانا شروع کر دیا ۔ TMA عملہ کی خاموشی اور آنکھیں بند کرنے سے سروسز روڈ ، سٹیشن چوک ، لنڈا بازار اور دیگر علاقوں میں ایک بار پھر ریڑھیاں ، پھٹے ، تھڑے
لگنا شروع ہو گئے ۔ سیاسی دبائو یا چمک یا محکمانہ خاموشی سے آپریشن اپنی آخری سانسوں پر ہے ۔ AC کھاریاں کی جانب سے چند بازاروں میں شیڈ اتارنے کے نوٹس جبکہ جی ٹی روڈ و دیگر علاقوں میں سڑکوں پر لگے تندور ہوٹل اور انکی اضافہ چیزیں آج بھی TMA حکام کی راہ تک رہی ہیں ۔ سماجی و سیاسی حلقوں کے مطابق آپریشن کے تسلسل اور غیر جانبداری سے ہی مطلوبہ نتائج حاصل کئے جاسکیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سادات گروپ بلدیاتی انتخابات میں کلین سویپ کرے گا ،خالد جاوید بٹ
لالہ موسیٰ (محمد بلال احمد بٹ ) سادات گروپ بلدیاتی انتخابات میں کلین سویپ کرے گا ، لالہ موسیٰ شہر اور گردونواح کی ہر وارڈ سے کائرہ برادران کے نامزد امیدوار وں کی کامیابی روز روشن کی طرح عیاں ہے ۔ ان خیالات کا اظہار سادات برادران کے دیرینہ ساتھی خالد جاوید مٹھو بٹ امیدوا ر برائے جنرل کونسلر وارڈ نمبر 10نے بیوروچیف لالہ موسیٰ محمد بلال احمد بٹ سے گفتگو کرتے ہوئے کیا ۔ انہوں نے مزید کہا کہ ہم نے ہمیشہ بے لوث عوامی خدمت اور عوامی مفادات کی سیاست کی ہے ۔ ہمارا مشن غرباء ، مساکین اور دکھی انسانیت کی دکھوں کو دور کرنا ہے ، انشاء اللہ 30 جنوری کو کامیاب ہوکر علاقہ کی تقدیر بدل دیں گے اور تعمیر و ترقی ، عوامی فلاح و بہبود کا سنہرا دور شروع کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری عبدالسعید کندوآنہ کے مابین صلح کرانے پر راہنما مسلم لیگ (ن) لالہ موسیٰ ڈاکٹر محمد آصف کو خراج تحسین پیش کرتے ہیں
لالہ موسیٰ (محمد بلال احمد بٹ ) ضلع گجرات کی صحافی برادری کے وفد نے گزشتہ روز منعقدہ ایک تقریب میں کہا ہے کہ ہم ضلع بھر کی صحافی برادری اور چوہدری عبدالسعید کندوآنہ کے مابین صلح کرانے پر راہنما مسلم لیگ (ن) لالہ موسیٰ ڈاکٹر محمد آصف کو خراج تحسین پیش کرتے ہیں ۔اور توقع رکھتے ہیں کہ وہ آئندہ بھی لالہ موسیٰ میں امن اور صلح کے پیغام کو عام کرنے کی جدوجہد جاری رکھیں گے۔

by Majid Khan

Nasir Mehmood - Chief Editor at GeoURDU.com