26/12/2013 ڈنگہ کی خبریں
Posted on December 26, 2013 By Geo Urdu سٹی نیوز
ڈنگہ کے نواحی گائوں ڈھنڈالی کے قریب تیز رفتار لوڈر ٹرالہ نے موٹر سائیکل سواروں کو کچل دِیا، بہن بھائی موقع پر جاں بحق
ڈنگہ (محمد بلال احمد بٹ ) ڈنگہ کے نواحی گائوں ڈھنڈالی کے قریب تیز رفتار لوڈر ٹرالہ نے موٹر سائیکل سواروں کو کچل دِیا، جس کے نتیجہ میں بہن بھائی موقع پر جاں بحق، ماں بہن شدید زخمی، تفصیلات کے مطابق گذشتہ شام 5 بجے کے قریب کنجاہ سے ڈنگہ آنے والے موٹر سائیکل سواروں علی رضا ولد محمد آصف، انما بی بی دُختر محمد آصف سکنہ میانوال رانجھا منڈی بہائوالدین اپنی فیملی کے ہمراہ موٹر سائیکل GTK-4821 ہنڈا سی ڈی 70 پر آ رہے تھے کہ پیچھے سے آنے والے تیز رفتار ٹرالہ نمبر TLL-172 نے ٹکر مار کر موٹر سائیکل سواروں کو کچل دِیا جس کے نتیجہ میں علی رضا ولد محمد آصف، انما بی بی دُختر محمد آصف سکنہ میانوال رانجھا منڈی بہائوالدین موقع پر جاں بحق جبکہ مقتولین کی ماں فرحت بی بی زوجہ محمد آصف اور اُس کی بیٹی زینب بتول شدید زخمی ہو گئیں، ابتدائی طبی امداد کے لیے RHC ڈنگہ پہنچایا گیا، بر وقت اطلاع ملنے پر ایس ایچ او ڈنگہ راجہ زاہد نعیم اور ASI چوہدری محمد افضل سویہ معہ نفری پہنچ گئے ،ASI محمد افضل سویہ نے فوری طور ڈنگہ شہر ا ور گرد ونواح پر ناکہ بندی کر کے ٹرالہ کا تعاقب کرتے ہوئے شہانہ لوک کے قریب ٹرک ڈرائیور شہباز احمد ولد غلام علی قوم آرائیں سکنہ بہاولپور کو ٹرالہ سمیت گرفتار کر لیا، مدعی طارق محمود ولد محمد حسین جنجوعہ محلہ چوہدریاں ڈنگہ کی درخواست پر تھانہ ڈنگہ نے مجرم ٹرالہ ڈرائیور شہباز احمد کے خلاف 320/279اور 337G/427 ت پ کے تحت مقدمہ درج کر کے تفتیش شروع کر دِی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تیس جنوری کو مخالفین کو حیران کن نتائج دیں گے،راجہ خالد محمود
ڈنگہ (محمد بلال احمد بٹ)امیدوار برائے جنرل کونسلر وارڈ نمبر 4 میونسپل کمیٹی ڈنگہ راجہ خالد محمود نے اپنے ایک بیان میں کہا ہے کہ تیس جنوری کو مخالفین کو حیران کن نتائج دیں گے، انشاء اللہ تیس جنوری کا سورج ہماری کامیابی کی نوید لے کر طلوع ہو گا،انہوں نے کہا کہ الیکشن بلند و بانگ دعوئوں سے نہیں عوامی خدمت سے جیتے جاتے ہیں، عوام ہی ہماری اصل طاقت ہیں اور ہم نے ہمیشہ عوامی خدمت کو ترجیح دی ہے،انشاء اللہ تعالیٰ اس مرتبہ بھی کامیابی ہمارا مقدر بنے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بلدیاتی الیکشن سے امیدواروں کے ڈیروںپر رونقیں لگ گئیں
ڈنگہ (محمد بلال احمد بٹ) بلدیاتی الیکشن سے امیدواروں کے ڈیروںپر رونقیں لگ گئیں ووٹرسپورٹر کی چائے، کافی، ڈرائی فروٹ، گاجر حلوہ سے خاطر ومدارت شروع ہڈیوں میں اترتی شدید سردی،دھند،گھپ اندھیروں میں بلدیاتی امیدواروں کے انتخابی دفاتر اور ڈیروں پر امیدواروں اور انکے سپورٹرز سردی سے بچائو کیلئے سوئی گیس کے ہیٹرز، آگ کے آلائو سے ہاتھ گرم اور تبصرے کرتے نظر آتے ہیں، امیدواروں نے ہر خواص و عام کا قرب اور توجہ حاصل کرنے کیلئے غمی خوشی، جنازوں میں اپنی شرکت کو لازمی بنا لیا ہے، جبکہ ہر کوئی زبانی کا اخباری بیان بازی سے عوامی مسائل حل کرنے کی یقین دھانی کروانے میں مصروف ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: الیکشن سے وہ گھبرانے والے نہیں،اور مخالفین کا ڈٹ کر مقابلہ کریں گے،چوہدری آفتاب احمد
ڈنگہ (محمدبلال احمد بٹ) امیدوار برائے جنرل کونسلر وارڈ نمبر8میونسپل کمیٹی ڈنگہ چوہدری آفتاب احمد سابق کونسلر نے اپنے بیان میں کہا ہے کہ الیکشن سے وہ گھبرانے والے نہیں، اور مخالفین کا ڈٹ کر مقابلہ کریں گے، انہوں نے کہا کہ ہمارے ساتھ عوام کا سمندر ہے اور عوامی طاقت سے ہی کامیابی حاصل کروں گا، انشاء اللہ عوامی خدمت کے دعوئوں داروں کو تیس جنوری کو بری طرح شکست سے دوچار کریں گے۔ انہوں نے کہا کہ الیکشن لڑنے کیلئے ہمارے ساتھ منافقین نہیں بلکہ عوام کا سمندر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :انشاء اللہ تعالیٰ اس مرتبہ بھی کامیابی ہمارا مقدر بنے گی،چوہدری اجمل ٹوپہ
ڈنگہ (محمد بلال احمد بٹ )امیدوار برائے جنرل کونسلر وارڈ نمبر 7 میونسپل کمیٹی ڈنگہ چوہدری اجمل ٹوپہ نے اپنے بیان میں کہا ہے کہ میں اپنے حلقے کے تمام برادریوں کا مشکور ہوں جو مجھے ڈور ٹو ڈور مہم میں پذیرائی اور میری حوصلہ افزائی کر رہے ہیں انشاء اللہ تعالیٰ اس مرتبہ بھی کامیابی ہمارا مقدر بنے گی،اور ہم اہلیان وارڈ کو مایوس نہیں کریں گے،بکنے اور جھکنے والے نہیں سیاست کو عبادت سمجھ کر کر رہا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہمارا مقصد الیکشن میں کامیابی حاصل کرنا نہیں بلکہ عوامی خدمت کرنا ہے،چوہدری ساجد محمود
ڈنگہ (محمد بلال احمد بٹ) میرا الیکشن میں حصہ لینے کا کوئی ذاتی مقصد نہیں خدا گواہ ہے کہ ہم نے صرف اورصرف عوام کو ایسے لوگوں سے نجات دلانے چاہتے ہیں، جنہوں نے ہر دور میں اپنے ذاتی مفاد کی خاطر عوام کے حقوق کا استحصال کیا ہے، محلہ مائی دا ڈیرہ میں مہر ریاض ہوٹل والے اور یونس قریشی کی طرف سے منعقدہ حمایتی اکٹھ سے خطاب کرتے ہوئے امیدار برائے جنرل کونسلر وارڈ نمبر 7 میونسپل کمیٹی ڈنگہ چوہدری ساجد محمود نے کیا انہوں نے کہا کہ ہمارا مقصد الیکشن میں کامیابی حاصل کرنا نہیں بلکہ عوامی خدمت کرنا ہے حلقہ کے عوام کے خادم تھے اور خادم ہیں اور آئندہ بھی خادم ہی رہیں گے اپنے وارڈ کے عوام کی خدمت کر کے دلی سکون ملتا ہے تمام دوستوں ساتھیوں اور برادریوں کے ساتھ لے کرچلیں گے۔ ہمارا جینامرنا اہلیان وارڈ نمبر 7 کے ساتھ ہے۔ انشاء اللہ اللہ تعالیٰ نے کامیابی سے نوازا تو مجھے آپ اپنا تابعدار ہی پائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حلقہ کی عوام کی خدمت ہمارا نصب العین ہے،ماجد عدالت بٹ
ڈنگہ (محمد بلال احمد بٹ) حلقہ کی عوام کی خدمت ہمارا نصب العین ہے،اور عوام کی فلاح و بہبود کیلئے الیکشن لڑ رہے ہیں،ہمارے خاندان نے ہمیشہ حلقہ کی بے بے لوث خدمت کی ہے،آبائو اجداد کے مشن کو جاری رکھیں گے ان خیالات کا اظہار امیدوار برائے جنرل کونسلر وارڈ نمبر 8 ماجد عدالت بٹ نے کیا انہوں نے کہا کہ پارٹی اور دھڑے کے پکے ہیں، وفا ہمارے خون میں شامل ہے، ہم زبانی دعوئوں کے قائل نہیں انشاء اللہ تیس جنوری کا سورج ہماری کامیابی کی نوید لے کر طلوع ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت عوام کو ریلیف دینے کی بجائے بجلی اور گیس اور لوڈشیڈنگ اور مہنگائی دے رہی ہے،ملک اعجاز احمد
ڈنگہ (محمد بلال احمد بٹ) حکومت عوام کو ریلیف دینے کی بجائے بجلی اور گیس اور لوڈشیڈنگ اور مہنگائی دے رہی ہے، پیپلز پارٹی ڈنگہ کے راہنما ممتاز پراپرٹی ڈیلر ملک اعجاز احمد نے کہا ہے کہ حکمران عوام کو بنیادی حقوق پر توجہ دیں اور جنرل الیکشن میں عوام سے کئے گئے تمام وعدے پورے کریں، سردیوں میں لوڈشیڈنگ کے باعث بچے بوڑھے بیمار افراد کو شدید مشکلات کا سامنا کرنا پڑ رہا ہے۔جبکہ حکمرن خواب خروش کے مزے لوٹ رے ہیں اور عملی اقدامات کی بجائے طفل تسلیوں سے کام لے رہے ہیں۔ حکمران اپنا قبلہ درست کریں ورنہ وہ وقت دور نہیں جب عوام سڑکوں پر ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: چوہدری ساجد محمود کی حمایت کا اعلان کرتے ہیں بلکہ ان کا کامیابی کے لئے ہر ممکن تعاون کا یقین دلاتے ہیں،مہر ریاض
ڈنگہ (محمد بلال احمد بٹ) مہر برادری کی سرکردہ شخصیت مہر ریاض نے مائی دا ڈیرہ میں چوہدری ساجد محمود کے حمایتی اکٹھ سے خطاب کرتے ہوئے کہا کہ چوہدری ساجد محمود کی حمایت کا اعلان کرتے ہیں بلکہ ان کا کامیابی کے لئے ہر ممکن تعاون کا یقین دلاتے ہیں، چوہدری ساجد محمود ہی اہلیان وارڈ نمبر 7 میونسپل کمیٹی ڈنگہ کے موضوع ترین امیدوار ہیں ان کی کامیابی کیلئے ہم سر دھڑ تن کی بازی لگا دیں گے اور انشاء اللہ تیس جنوری کا سورج ان کی نوید لے کر طلوع ہو گا جب تک ہم نے مہر برادری کے امیدواروں کو ووٹ دیئے تو ہم مخلص ساتھی تھے لیکن اس مرتبہ ان کو ووٹ نہ دینے کا فیصلہ کیا تو ہمیں باغی ہونے کاطعنہ دیا جانے لگا ہے لیکن میری برادری اہلیان وارڈ نمبر 7 کے عوام ہیں اور میں ان کے فیصلے سے ہی چوہدری ساجد محمود کی حمایت کا اعلان کر رہا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: چوہدری ساجد محمود کی کامیابی کیلئے کسی بھی قربانی سے دریغ نہیں کریں گے،چوہدری شاہد عرف پپو
ڈنگہ (محمد بلال احمد بٹ) چوہدری ساجد محمود کی کامیابی کیلئے کسی بھی قربانی سے دریغ نہیں کریں گے ان خیالات کا اظہار باہوانہ برادری کی سرکردہ شخصیت چوہدری شاہد عرف پپو نے حمایتی اکٹھ سے خطاب کرتے ہوئے کیا انہوں نے کہا کہ تیس جنوری کو چوہدری ساجد محمود تاریخ ساز فتح دلائیں گے، اور مخالفین کو عبرت ناک شکست سے دوچار کریں گے۔ مجھے اللہ تعالیٰ پر بھروسہ ہے اور امید ہے کہ چوہدری ساجد محمود کامیابی کے بعد حلقہ کے عوام کی بے لوث خدمت کریںگے اور تمام مسائل دہلیز پر حل کروانے میں اہم کردار ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ذوالفقار کالونی و دیگر کالونیوں کی پسماندگی کو مدنظر رکھتے ہوئے سیاسی میدان میں آیا ہوں،بشارت علی طاہر
ڈنگہ (محمد بلال احمد بٹ) ذوالفقار کالونی و دیگر کالونیوں کی پسماندگی کو مدنظر رکھتے ہوئے سیاسی میدان میں آیا ہوں، اور اہلیان ڈنگہ کلاں یونین کونسل امرہ کی عوام سے وعدہ کرتا ہوں کہ اللہ تعالیٰ نے کامیابی دی تو وارڈ سے پسماندگی کا خاتمہ کر کے وارڈ کو ماڈل بنائوں گاکوئی بھی ہمارا ووٹر ہو یا نہ ہومیں بلا امتیاز عوامی خدمت جاری رکھوں گا، انتقامی سیاست کا قائل نہیں ان خیالات کا اظہار امیدوار برائے جنرل کونسلر ذوالفقار کالونی ڈنگہ کلاں یونین کونسل امرہ کلاں بشارت علی طاہر نے کیا انہوں نے کہا کہ ہمیشہ عوامی خدمت کی ہے اور انشاء اللہ آئندہ بھی کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: شہزاد حسن مغل اٹلی سے وطن واپس پہنچ گے
ڈنگہ (محمد بلال احمد بٹ) شہزاد حسن مغل اٹلی سے وطن واپس پہنچ گے وہ پاکستان امیدوارکونسلر وارڈنمبر 4مرزافاروق زمان کی انتخابی مہم میں حصہ لینے کیلئے آئے ہیں انہوںنے پاکستان پہنچ کرمرزا فاروق زمان کی انتخابی مہم کاآغاز کردیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز تاجر پیرانور شاہ کی اہلیہ ،چیئرمین منظورشاہ اتحاد گروپ ڈنگہ پیرسیدآفتاب شاہ والدہ محترمہ،امیدواربرائے کونسلر وارڈنمبر 9پیرارشد شاہ کی بھاوج انتقال کرگئیں
ڈنگہ (محمد بلال احمد بٹ) ممتاز تاجر پیرانور شاہ کی اہلیہ ،چیئرمین منظورشاہ اتحاد گروپ ڈنگہ پیرسیدآفتاب شاہ والدہ محترمہ، امیدوار برائے کونسلر وارڈنمبر 9 پیر ارشد شاہ کی بھاوج انتقال کرگئیں انکی نمازجنازہ بروزبدھ 25 دسمبر کو دن 12.30 بجے قبرستان بلہڑاں والا ادا کی گئی جس میں سینکڑوں معززین علاقہ نے شرکت کی۔
ڈنگہ :فیصل آٹوز ریلوے روڈ پر چوری کی واردات ‘ نا معلوم چور چھت میں نقب لگا کر تقریباً ایک لاکھ روپے نقدی لے اڑے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ (محمد بلال احمد بٹ ) فیصل آٹوز ریلوے روڈ پر چوری کی واردات نا معلوم چور چھت میں نقب لگا کر تقریباً ایک لاکھ روپے نقدی لے اڑے۔ بتایا گیا ہے کہ گزشتہ رات ریلوے روڈ پر واقع شیخ جمیل کے فیصل آٹوز کی چھت میں نقب لگا کر نا معلوم چور دکان سے تقریباً ایک لاکھ روپے کی نقدی لے اڑے۔ پولیس صروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سابق ضلعی نائب ناظم و سابق امیدوار برائے حلقہ این اے 106سید نورالحسن شاہ آف کلیوال سیداں کی ہمشیرہ محترمہ انتقال کر گئیں ،نمازجنازہ میں ہزاروں افراد کی شرکت،تعزیتی سلسلہ جاری
ڈنگہ ( محمد بلال احمد بٹ) سابق ضلعی نائب ناظم و سابق امیدوار برائے حلقہ این اے 106سید نورالحسن شاہ آف کلیوال سیداں کی ہمشیرہ محترمہ انتقال کر گئیں۔ ان کی نماز جنازہ گزشتہ روز کلیوال سیداں میں ادا کی گئی۔ جس میں غلام رسول شارق ‘ سید لیاقت علی شاہ ‘ سید طلعت حسین شاہ مٹھو بٹ ‘ سید ضیاء علی شاہ ‘ میاں فتح محمد چوہدری آفتاب احمد چوہدری ساجد محمود’ چوہدری راشد محمود’ چوہدری محمد خاں باہوآنہ ‘ آصف مجید انجینئر ‘ چوہدری نذیر احمد چوہدری عقیل نثار ‘ سید معظم شاہ ایڈووکیٹ ‘سید ضیاء علی شاہ ‘ چوہدری راشد محمود ایڈووکیٹ وڑائچانوالہ ‘ چوہدری خادم حسین ‘ چوہدری محبوب علی ایڈووکیٹ ‘ چوہدری منظور حسین ڈھولہ ‘ اصغر علی روحانی کے علاوہ سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :امیدوار برائے کونسلر وارڈ نمبر 1میاں امجد محمود کی حمایت میں محلہ نبی پورہ ڈنگہ میں الطاف احمد حیات اور حاجی ریاض احمد نے بڑے اکٹھ کا اہتمام کیا
ڈنگہ (محمد بلال احمد بٹ ) امیدوار برائے کونسلر وارڈ نمبر 1میاں امجد محمود کی حمایت میں محلہ نبی پورہ ڈنگہ میں الطاف احمد حیات اور حاجی ریاض احمد نے بڑے اکٹھ کا اہتمام کیا ۔ اکٹھ سے مرزا محمد اقبال ‘ شبیر حسین مغل سابق کونسلر ‘ حاجی ریاض احمد اور میاں امجد محمود نے خطاب کیا۔ اکٹھ میں میاں امجد محمود کی مکمل حمایت اور سپورٹ کا اعلان کیا گیا۔ حمایت کے اکٹھ میں ٹھیکیدار عبدالرشید ‘ ٹھیکیدار محمد رفیع ‘ عبدالرؤف صراف ‘ باغ علی شاہ ‘ حاجی رحمت خاں ‘ حاجی سخی محمد ‘ حاجی منور حسین ‘ ٹھیکیدار محمد انور ‘ ٹھیکیدار محمد اقبال ‘ ملک اقبال اعوان حاجی بشیر احمد امتیاز احمد ‘ لیاقت چوہان ‘ حاجی محمد صدیق ‘ حاجی محمد اشرف ‘ حاجی بشیر عالم ‘ حاجی بشیر احمد ‘ ریاض چوہان ‘ حاجی محمد حسین آرے والے ‘ حاجی غلام رسول ‘ حاجی نیاز علی ‘ حاجی محمد حسین ‘ حاجی فضل دین سابق کونسلر ‘ حاجی محمد اکبر ‘ حاجی غلام الٰہی ‘ محمد لطیف عرف کالے خاں سمیت کثیر تعداد افراد نے بھرپور شرکت کی۔
ڈنگہ :منتخب ہوکر انشاء اللہ تعمیر و ترقی کا مشن جاری رکھیں گے،میاں امجد محمود
ڈنگہ (محمد بلال احمدبٹ ) امیدواربار برائے کونسلر وارڈ نمبر 1میاں امجد محمود نے محلہ نبی پورہ ڈنگہ میں اپنی حمایت میں منعقدہ اکٹھ سے خطاب کرتے ہوئے کہا کہ اہلیان محلہ نبی پورہ کا شکر گزار ہوں کہ آپ نے مجھے اتنی عزت سے نوازا ہے ۔ میرا اور عوام کا اٹوٹ رشتہ ہے ۔ انشاء اللہ اس رشتہ کو آئندہ بھی قائم رکھوں گا ۔ انہوں نے کہا کہ اہلیان محلہ کے مطالبہ پر کامیاب ہو کر سکول کو فرنیچر فراہم کریں گے ۔ اس کے علاوہ بجلی کی تاروں اور صاف پانی کے مسائل کو حل کریں گے ۔ نبی پورہ میں صاف پانی کی فراہمی کے لئے واٹر لفٹریشن پلانٹ لگائیں گے ۔ انہوں نے کہا کہ انشاء اللہ تعمیر و ترقی کا مشن جاری رکھیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بابائے قوم قائد اعظم محمد علی جناح کا یوم پیدائش اور کرسمس منائے گئے
ڈنگہ (محمد بلال احمد بٹ ) بابائے قوم قائد اعظم محمد علی جناح کا یوم پیدائش اور کرسمس منائے گئے ۔ یوم قائد کے حوالے سے مزار قائد پر گارڈز کی تبدیلی کی تقریب ہو ئی۔ اس کے علاوہ دنیا بھر میںملک بھر کی طرح ڈنگہ میںکرسمس ڈے اور قائد اعظم کا 137واں یوم ولادت ملی جوش و جذبے سے منانے کے لئے تقاریب کا اہتمام کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ ما ئی دا ڈیرہ ڈنگہ میں مختلف برادریو ں کی سر کردہ شخصیا ت ،مہر ریا ض ، مجاہد قریشی ،مجا ور عبا س ،یو نس قریشی ، محمد نذیر نے جنرل کو نسلر وارڈ نمبر 7 چو ہدری ساجد محمو د کی حما یت کا اعلا ن کر دیا
ڈنگہ (محمد بلال احمد بٹ ) محلہ ما ئی دا ڈیرہ ڈنگہ میں مختلف برادریو ں کی سر کردہ شخصیا ت ،مہر ریا ض ، مجاہد قریشی ،مجا ور عبا س ،یو نس قریشی ، محمد نذیر نے جنرل کو نسلر وارڈ نمبر 7 چو ہدری ساجد محمو د کی حما یت کا اعلا ن کر دیا ۔ حما یتی اکٹھ میں حاجی یو نس ، مہر محمد یو نس ، چوہدری تنویر جیندڑ،نذیر جسو وال ،مہر جا وید چوہدری شاہد عرف پپو ، محمد اکر م حما م والا ، چو ہدری محمو د با ہوانہ ،سید اسد عبا س ،علی احمد مہر ،خلیل حسین مہر ،مہر ماجد ،مہر ساجد ،مہر جاوید ،عبدالرئوف،مہر حافظ ناصر ،مہر منظو ر حسین ، مہر غضنفر عرف غنی ،مہر محمد ظفر ، مہر منظو ر حسین،مہر رضوان ،مہر محمد منور ،مہر امتیا ز، انصر جسو وال ،مہر سر فرازایڈووکیٹ،ملک عدنان، حاجی شبیر مغل،فا روق مہر ،افتحا ر احمد باہوانہ ،چوہدری محمدخاں باہوانہ،خالد بھٹی ،محمد اصغر بٹ،محمد حنیف ، چا چا فضل الہی ،چوہدری سلیم جٹ ،رضوان حما م والا ، دلا ور کھو کھر ، اظہر موٹر سا ئیکل مکینک،مہر خا لد ،چو ہدری ریا ض باہوانہ،الطاف حسین کھو کھر ،عبدالرحمن سمیت سینکڑو ں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈرائیونگ لائسنسوں کے اجراء کے لئے 24 دسمبرسے 28 دسمبر کو بلدیہ ڈنگہ میں کیمپ شروع
ڈنگہ(محمد بلال احمد بٹ) ایم پی اے میا ں طارق محمود کی کاوشوں سے ()ڈرائیونگ لائسنسوں کے اجراء کے لئے 24 دسمبرسے 28 دسمبر کو بلدیہ ڈنگہ میں کیمپ شروع ۔ڈی ایس پی ٹریفک سہیل فاضل نگرانی کر رہے ہیں ۔ڈی ایس پی ٹریفک نے بتا یا کہ 24 اور 28 دسمبر کو کیمپ لگا کہ لرننگ لا ئسنس بنا ئے جائیں گے ۔اور تیس دسمبر کو واپس کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تیس جنوری کو عوام حق کا ساتھ دیں گے اور کامیابی ہمارا مقدر بنے گی،عجب خان بٹ
ڈنگہ (محمد بلال احمد بٹ ) امید وار برائے کو نسلر وارڈ نمبر 9میونسپل کمیٹی ڈنگہ عجب خان بٹ نے گذشتہ روز اپنے بیان میں کہا کہ محلے دار اور وارڈ کے لوگ با شعور ہیں چوہداہٹ ،مٹی زکوةٰ اور چا ئے پر ووٹ دینے والے نہیں تما م لوگ سمجھدار ہیں انہو ںنے کہا کہ اہلیان وارڈ زکوةٰاور چا ئے والو کو رد کر دیں گے ۔ میرٹ دیا نتدار ی اور سچائی کو ووٹ دیں گے انہوں نے کہا کہ جو لوگ 5 سال بعد چا ئے اور زکوٰاة کی گنتی کرتے ہیں وہ کیا خا ک کا م کریں گے انہوں نے کہا کہ تیس جنوری کو عوام حق کا ساتھ دیں گے اور کامیابی ہمارا مقدر بنے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترمہ بے نظیر بھٹو اور توقیر اکرم کائرہ شہید کی چھٹی سالانہ برسی 27دسمبر کو ملک بھر میں عقیدت و احترام سے منائی جائے گی
ڈنگہ(محمد بلال احمد بٹ)سابق وزیراعظم پاکستان اور پیپلز پارٹی کی چیئر مین پرسن محترمہ بے نظیر بھٹو اور چوہدری توقیر اکرم کائرہ جو سانحہ لیاقت باغ میں شہید ہوئے تھے ان کی سالانہ6ویں برسی 27 دسمبر کو ملک بھر کی طرح ڈنگہ میں عقیدت و احترام سے منائی جائے گی،محترمہ بے نظیر بھٹوشہید ،چوہدری توقیر اکرم کائرہ اور دیگر شہداء کے ایصال ثواب کے لئے قرآن خوانی اور فاتحہ خوانی کی تقریبات ہو گی جبکہ ڈنگہ میں سندر محل میں ایک بڑی تقریب کا انعقاد کیا جائے گا جس میں پیپلز پارٹی کے اہم راہنما شرکت کریں گے اور محترمہ بے نظیر بھٹو اور چوہدری توقیر اکرم کائرہ اور دیگر شہداء کے لئے قرآن خوانی اور فاتحہ خوانی کی جائے گی اور ان کی بلندی درجات کی دعا مانگی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : الیکشن ڈنکے کی چوٹ پر لڑیں گے اور انشاء اللہ کامیابی ہمارا مقدر بنے گی،چوہدری ارشد گجر
ڈنگہ(محمد بلال احمد بٹ)امیدوار برائے جنرل کونسلر وارڈ نمبر4چوہدری ارشد گجر نے اپنے ایک بیان میں کہا ہے کہ الیکشن ڈنکے کی چوٹ پر لڑیں گے اور انشاء اللہ کامیابی ہمارا مقدر بنے گی حلقے کی عوام ساتھ ہے اور عوامی طاقت سے ہی برسراقتدار میں آکر عوامی خدمت کا مشن
جاری رکھیں گے عوام روایتی سیاستدانوں کو عوام بار بار آزما چکے ہیں اب وہ کسی ورکر کو موقع دیں،جو آپ کے مسائل سے آگاہ ہو اور انہیں حل کرنے کا جذبہ بھی رکھتا ہووارڈ نمبر4کے بزرگوں دوستوں ساتھیوں بھائیوں بہنوں کا شکر گزار ہوں جنہوں نے میری حمایت کا اعلان کرتے ہوئے الیکشن کمپین زور و شور سے چلا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ہم اعتماد کو ٹھیس نہیں پہنچائیں گے، اور عوام کے مسائل ان کی دہلیز پر ہی حل کریں گے،حاجی شاہد محمود بٹ
ڈنگہ(محمد بلال احمد بٹ)امیدوار برائے جنرل کونسلروارڈ نمبر5میونسپل کمیٹی ڈنگہ حاجی شاہد محمود بٹ نے اپنے بیان میں کہا ہے کہ شہر اور وارڈ کی غیور عوام حق سچ کا ساتھ دیتے ہوئے مجھے کامیاب کروائے گی انہوں نے کہا کہ اللہ تعالیٰ کے خاص فضل و کرم سے انتخابات میں شاندار کامیابی ہمارا مقدر بنے گی،ہم اور ہمارا خاندان شہریوں کی دل و جان سے خدمت کرتا چلا آرہا ہے،یہی وجہ ہے کہ عوام ہم پر اظہار اعتماد کرتے ہیںانہوں نے کہا کہ ہم اعتماد کو ٹھیس نہیں پہنچائیں گے، اور عوام کے مسائل ان کی دہلیز پر ہی حل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : قیصر اسحاق مغل نے مسیحیوں سے اظہار یکجہتی کیلئے پرویز مسیح کی رہائش گاہ پر کرسمس کیک کاٹا
ڈنگہ(محمد بلال احمد بٹ)ممتاز مسلم لیگی راہنما امیدوار برائے جنرل کونسلر وارڈ نمبر5میونسپل کمیٹی ڈنگہ قیصر اسحاق مغل نے مسیحیوں سے اظہار یکجہتی کیلئے پرویز مسیح کی رہائش گاہ پر کرسمس کیک کاٹا اور مسیحی قوم کو کرسمس کی مبارک باد پیش کی اس موقع پر مسیحی برادری کی خدمات کو بے حد سراہا گیا ، جو ملک کی ترقی و سلامتی کیلئے کام کر رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: میونسپل کمیٹی ڈنگہ کی ترقی و خوشحالی کے لیے تمام بہتر اقدامات کرینگے، چوہدری پرویز احمد گجر
ڈنگہ (محمد بلال احمد بٹ ) ممتا ز سیاسی و سماجی شخصیت ریلوے آبادی ڈنگہ کے ممتاز زمیندار ، تھانہ امور کمیٹی ڈنگہ کے سابق وائس چیئرمین ، امیدوار برائے جنرل کونسلر و چیئرمی میونسپل کمیٹی ڈنگہ کے چوہدری پرویز گجر نے صحافیوں سے گفتگو کرتے ہوئے کہا کہ خدمت کا جذبہ رکھنے والا امیدوار ووٹ کا زیادہ اہل ہے، علاقے کے مسائل حل کرنے کے لیے بھر پور اقدامات کئے جائینگے، تعمیر و ترقی ہمارا شیوہ ہے ، بلدیاتی انتخابات میں عوام کو ایسے نمائندوں کو منتخب کرنا ہے جو اُن کے مسائل اُن کی دہلیز پر حل کرنے کی صلاحیت رکھتے ہوں، نوجوان، با کردار، اور بے لوث خدمت کا جذبہ رکھنے والا امیدوار ووٹ کا زیادہ اہل ہہے ، ہم نے ہمیشہ مثبت سیاست کو فروغ دِیا اور علاقے کی فلاح و بہبود کے لیے بہتر کام کیے، اُنہوں نے کہا کہ انشاء اللہ ہمارا پورا پینل کامیاب ہو کر میونسپل کمیٹی ڈنگہ کی تعمیر و ترقی اور عوام کی خدمت کرنا اِنکا شیوہ ثابت ہو گا،ہم نے پہلے بہت قربانیاں دِی ہیں جبکہ اِس بلدیاتی انتخابات میں کامیاب ہو کر چیئرمین منتخب ہونگے ، میونسپل کمیٹی ڈنگہ کی ترقی و خوشحالی کے لیے تمام بہتر اقدامات کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :GEPCO سب ڈویژن ڈنگہ 1 کے SDOشیخ صلاح الدین اور GEPCO سب ڈویژن ڈنگہ IIکے ایس ڈی او نے ہنگامی پریس کانفرنس
ڈنگہ (محمد بلال احمد بٹ) GEPCO سب ڈویژن ڈنگہ 1 کے SDOشیخ صلاح الدین اور GEPCO سب ڈویژن ڈنگہ IIکے ایس ڈی او نے ہنگامی پریس کانفرنس میں کہا کہ آج کل رات کے وقت ڈنگہ شہر اور گرد و نواح میں ٹرانسفارمر چوری ہو رہے ہیں جس کی وجہ سے صارفین کو مشکلات کا سامنا ہے ، اِن مشکلات سے بچنے کے لیے اپنے اِرد گرد اپنے اپنے ٹرانسفارمروں کا خیال رکھیں اگر کوئی نا معلوم افراد ٹرانسفر اُتارنے کی کوشش کرے تو ہمیں فوری اِن نمبر ز پر 0335-474218 8,0333-4742189رابطہ کریں اور تسلی کر لیں کہ یہ افراد واپڈا ملازمین ہیں یا نا معلوم چور، اگر واپڈا صارفین کو مشکوک افراد پر کڑی نظر رکھیں بصورت دیگر واپڈا یا انتظامیہ سے رابطہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :لوڈشیڈنگ کاجن بے قابو، 8 سے 10 گھنٹے کی بجلی کی بند ش سے شہری عاجز آگئے
ڈنگہ(محمد بلال احمد بٹ)لوڈشیڈنگ کاجن بے قابو، 8سے 10گھنٹے کی بجلی کی بند ش سے شہری عاجز آگئے، تفصیلات کے مطابق ڈنگہ اور گردونواح میں لوڈشیڈنگ کاجن بے قابو ،سال نو کا آغاز قریب آتے ہی عوام کو تحفہ دینے کی بھر پور
تیاری، پیٹرولیم مصنوعات کی قیمتوں میں اضافہ متوقع،جبکہ بجلی کی8سے10گھنٹے کی بندش سے شہریوں کی مشکلات میں اضافہ ہوگیا ہے، پیٹرولیم مصنوعات کی قیمتوں میں اضافے سے مہنگائی کا نیا طوفان آنے کا خدشہ ہے۔ عوام پہلے سے ہی مہنگائی اور بے روزگاری سے عاجز آچکے ہیں جبکہ اب مزید جنوری 2014 کے آتے ہی حکومت نے عوام کا جینا محال کرنے کا پلان تیار کر لیا ہے۔ ڈالر کی قیمت میں ملکی تاریخ میں ریکارڈ سطح پر شیرنے پیٹرولیم مصنوعات کی قیمتوں میں ایک بار پھر اضافے کا منصوبہ بنا لیا ہے، پیٹرول کی زائد درآمد کے باعث اسٹوری ٹینک بھر چکے ہیں پیٹرول ذخیرہ کرنے کے لیے جگہ ہی میسر نہیں ہے اس کے باوجود پیٹرول بم گرانے کی تیاری شروع ہو چکی ہے۔
