نیو یارک (جیوڈیسک) ہالی ووڈ کے آسکر ایوارڈ یافتہ اداکار، فلمساز و پروڈیوسر نکولس کیج کی نئی ایکشن کرائم تھرلر فلم “ٹوکاریو” کا پہلا ٹریلر جاری کر دیا گیا ہے۔
ہدایت کار پاکو کابیزاس کی اس فلم میں نکولس کیج کے ساتھ، راشل نکو لز، پیٹر اسٹورمیئر، ڈینی گلوور، میکس ریان اور جوڈ لارمنڈ اہم کردار ادا کر رہے ہیں۔ مائیکل مینڈلسن اور رچرڈ ریونڈا ڈیل کاسٹرو کی پروڈیوس کردہ اس فلم کی کہانی روسی مافیا کے گرد گھومتی ہے۔
جو جرائم کی دنیا چھوڑ دینے والے شخص پال میگوائر نکولس کیج سے اپنا پرانا حساب کتاب برابر کرنے اور بدلہ لینے کیلئے اسکی بیٹی کو اغوا کرلیتے ہیں جسکے بعد وہ دوبارہ اپنا گروہ متحرک کرکے خود ہی انصاف کرنے نکل پڑتا ہے۔
ہینی بل پکچرز کے اشتراک سے بننے والی ایکشن اور تھرل سے بھر پور یہ فلم ٹوکاریو امیج اینٹرٹینمنٹ کے تحت اگلے سال سینما گھروں کی زینت بنے گی۔
امیتابھ بچن کو راج ٹھاکرے کیساتھ بیٹھنا مہنگا پڑ گیا
موسم کے بدلتے رنگ، طلبا میں فیشن کے نئے ٹرینڈ
