ڈنگہ کی خبریں 2/1/2014
Posted on January 2, 2014 By Geo Urdu سٹی نیوز
ڈنگہ :2013ئء کا آخری سورج تمام تر رنگینیوں و سنگینیوں کے ساتھ غروب
ڈنگہ(محمد بلال احمدبٹ)2013ء کا آخری سورج تمام تر رنگینیوں و سنگینیوں کے ساتھ غروب،2013ء کا آخری دن بلدیاتی امیدواروں کے لئے برا ثابت ہوا،تمام امیدواروں کے ارمان ٹھنڈے پڑ گئے،جب لاہور ہائی کورٹ نے فیصلہ سنایا کہ پنجاب کی حلقہ بندیاں غیر آئینی ہیں اورحکم صادر فرمایاکہ پنجاب حکومت فوری طور پر حلقہ بندیوں کے حوالے سے قانون سازی کرے اور الیکشن کمیشن کی جانب سے جاری کردہ بلدیاتی انتخابات کا شیڈول معطل کرنے کے حکامات جاری کئے علاوہ ازیں سال کے آخری دن بارش کے باعث سردی کی شدت میں اضافہ ہو گیاشہریوں کو لوڈشیڈنگ اور گیس کی قلت کے باعث شدید سردی کا سامنا کرنا پڑا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بلدیاتی انتخابات نے سیاسی راہنمائوں کی نیندیں حرام کر رکھی ہیں
ڈنگہ(محمد بلال احمد بٹ)بلدیاتی انتخابات نے سیاسی راہنمائوں کی نیندیں حرام کر رکھی تھیں وفاقی اور صوبائی حکومتیں انتخابات کی راہ روکنے کے لئے ایڑی چوٹی کا زور لگا رہی تھیں،جبکہ سندھ میں 18اور پنجاب میں30جنوری کوبلدیاتی انتخابات کے دن مقرر ہو چکے تھے تاریخوں کا تعین ملک کی اعلیٰ ترین عدالتوں کے فیصلے کی روشنی میں ہوا تھا مختلف سیاسی جماعتیں ہو باہم دست وگریبان رہتی ہیں بلدیاتی انتخابات کے خلاف یک جان ہو گئی تھیں،اس کا سبب واضح ہے کہ بلدیاتی ادارے قائم ہوگئے،تو بڑے سیاسی جاگیرداروں کا کاروبار بری طرح متاثر ہو گا،حکمرانی اور مالیاتی اختیارات کا رخ نچلی جانب منتقل ہو
جائے گا،اور وہ بلدیاتی الیکشن کی راہ سے فرار ہو نا چاہتی تھیںاور طرح طرح کے حیلے بہانے بنا کر بلدیاتی الیکشن رکوانے کی کوششیں کر رہے تھے اور الیکشن کمیشن بھی حکومت کا ہمنوا بن چکا تھا اس نے بھی الیکشن کے انعقاد کو ناممکن بنانے کے لئے حکومت کا ساتھ دیا اب واضح ہو چکا ہے کہ بلدیاتی انتخابات کاانعقاد تیس جنوری کو بھی ناممکن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بلدیاتی انتخابات میں تاخیر سے حکومت کی تقدیر نہیں بدل سکتی ،بلدیاتی امیدواران
ڈنگہ(محمد بلال احمدبٹ)بلدیاتی انتخابات میں تاخیر سے حکومت کی تقدیر نہیں بدل سکتی بلدیاتی انتخابات میں حصہ لینے والوں نے امیدواروںنے کہا کہ پنجاب حکومت سرکاری مشینری سے ساز باز کر کے بلدیاتی انتخابات میں دھاندلی کی پلاننگ تیار کر رہی تھی انہوں نے کہا کہ انتخابات کے اوقا ت کار میں بار بار کی تبدیلی امیدواروں کے لئے اذیت کا باعث بنی ہوئی ہے،الیکشن کمیشن کو چاہیے کہ لاہور ہائی کورٹ کے فیصلے پر ایک ہی بار الیکشن کی تاریخ کا اعلان کر دیا جائے اور الیکشن کا انعقاد ممکن بنانے کے لئے عملی طور پر اقدامات کرے یہاں یہ بات بھی قابل ذکر ہے کہ بار بار انتخابات کی تاریخ میں تبدیلی سے امیدواروں میں عوام کی طرح مایوسی کی لہر دوڑ گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ن لیگ کی حکومت کی حکومت بلدیاتی انتخابات کرانے میں سنجیدہ نہیں تھی،ملک بابر اعوان
ڈنگہ(محمد بلال احمد بٹ)ن لیگ کی حکومت کی حکومت بلدیاتی انتخابات کرانے میں سنجیدہ نہیں تھی ،90دنوں میں بحرانوں کو ختم کرنے کے دعوے کرنے والے اب قوم سے منہ سے چھپا رہے ہیں ،ان خیالات کا اظہار پاکستان تحریک انصاف کے ڈنگہ کے صدر ملک بابر اعوان نے کیا انہوں نے کہا کہ بجلی کی طویل بندش اور سوئی گیس کی قلت اور مہنگائی نے عوام کا جینامحال کررکھا ہے جبکہ حکمران عوام کو بے وقوف بنانے کی ناکام کوشش کر رہے ہیں لیکن اب عوام ان کے جھانسے میں آنے والے نہیں،اور نہ ہی حکمران بلدیاتی انتخابات کا انعقاد کروانا چاہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت کا پنجاب سے تین برس کیلئے پٹواریوں کو گلگت بلتستان بھجوانے کا فیصلہ
ڈنگہ(محمد بلال احمدبٹ)حکومت کا پنجاب سے تین برس کیلئے پٹواریوں کو گلگت بلتستان بھجوانے کا فیصلہ،گلگت جانے والے گریڈ 9میں سول ایسوسی ایشن اتھارٹی میں کام کریںگے بھیجے گئے پٹواریوں کا قیام سکردو ایئرپورٹ پر ہو گا،سول ایسوسی ایشن اتھارٹی نے سکردو اور دیگر علاقوں میں مسائل بڑھنے اور ان زمینوں پر ناجائزقابضین کے قبضوں کی وجہ سے پٹواری مانگے
ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وفاقی حکومت کی جانب سے ساڑھے چار ارب روپے کی ادائیگی کے بعد سرکلر ڈیٹ دوبارہ 230ارب روپے سے تجاوز کر گیا
ڈنگہ(محمد بلال احمدبٹ)وفاقی حکومت کی جانب سے ساڑھے چار ارب روپے کی ادائیگی کے بعد سرکلر ڈیٹ دوبارہ 230ارب روپے سے تجاوز کر گیا،ذرائع کا کہنا ہے کہ موجودہ حکومت کی جانب سے 480ارب روپے کی کلیرنس کے بعد بھی 20دسمبر تک گردشی قرضے 230ارب روپے سے تجاوز کر گئے ہیں جس کی بنیادی وجہ بجلی کی تقسیم کارکمپنیوں کا نہ ہونا ،ریکوری میں بڑے پیمانے پر کمی ،بجلی کی پیدواری لاگت اور فروخت میں پایا جانے والا فرق،اور لائن لائسز شامل ہیں۔ذرائع کے مطابق معلوم ہوا ہے کہ رواں سال کی پہلی ششماہی کے دوران بجلی کی تقسیم کار کمپنیوں اور نجی شعبے کے صارفین سے بہت کم وصولیاں ہوئی ہیں اور ان کے ذمہ واجب الادا رقم 300ارب روپے سے بھی تجاوز کر گئی ہے۔اسی طرح وفاقی و صوبائی حکومت اداروں اور نجی صارفین سے مجموعی طور پر 450ارب روپے سے زائد کی وصولیاں باقی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سال2013پاکستانی روپے کی بے قدری میں آگے رہا،اقتصادی ماہرین
ڈنگہ(محمد بلال احمدبٹ)اقتصادی ماہرین کے مطابق سال2013پاکستانی روپے کی بے قدری میں آگے رہا،ڈالر14روپے مہنگا ہو گیا،سال کے شروع میں ڈالر 97.7روپے تھا جو 111روپے تک گیا،وزیر خزانہ کے بیان پر 3روپے کمی ہوئی،زر مبادلہ کے ذخائر میں جب تک کمی ہوتی رہے گی ڈالر کے مقابلے میں روپے میں مزید کمی ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہم موسمی سیاستدان نہیں عوام کے دکھ درد کے مخلص ساتھی ہیں،حاجی شاہد محمود بٹ
ڈنگہ(محمد بلال احمدبٹ)امیدوار برائے جنرل کونسلر وارڈ نمبر5میونسپل کمیٹی ڈنگہ حاجی شاہد محمود بٹ نے کہا ہے کہ ہم موسمی سیاستدان نہیں عوام کے دکھ درد کے مخلص ساتھی ہیں،الیکشن جیتے یا ہاریں عوام کو تنہا نہیں چھوڑیں گے،ہمارا جینا عوام کے ساتھ ہے،الیکشن چاہے جب بھی ہوں مخلص ساتھیوں کا تحفظ کریں گے،کھوکھلے نعروں کا عادی نہیں عملی کاموں کی تقدیر سنواروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مخالفین کیلئے میدان کھلا نہیں چھوڑیں گے الیکشن جب چاہے ہوںڈنکے کی چوٹ پر الیکشن لڑیں ،ماجد عدالت بٹ
ڈنگہ(محمد بلال احمد بٹ)امیدوار برائے جنرل کونسلروارڈنمبر8میونسپل کمیٹی ڈنگہ ماجد عدالت بٹ نے اپنے بیان میں کہا ہے کہ مخالفین کیلئے میدان کھلا نہیں چھوڑیں گے الیکشن جب چاہے ہوںڈنکے کی چوٹ پر الیکشن لڑیں گے،انشاء عوام سے مکمل رابطے میں رہیں گے اور عوام کو کسی بھی میدان میں تنہا چھوڑیں گے وارڈ نمبر8سے تمام مثبت سوچ رکھنے اور حق اور سچ کی آواز کو بلند کرنے والے طبقے اور علاقے کی ترقی و فلاح و بہبود کو ہمیشہ ترجیح دی ہے ہم اصولوں کی سیاست کے قائل ہیں انشاء اللہ جو کہیں گے اس کی پاسداری کریں گے۔جہاں تک ممکن ہوسکا اپنے حلقے کی تعمیر و ترقی اور بہتری کے لئے کام جاری رکھیں گے اپنے چاہنے والوں اور ووٹر سپورٹرز کوتنہا نہیں چھوڑیں گے،اور انشاء اللہ ہم ذاتی مفادات سے بالا تر ہو کر عوا م کی خدمت ہر حال میں کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام سے ہمارا تعلق اٹوٹ ہے،نسل درد نسل عوامی خدمت کر رہے ہیں،راجہ خالدمحمود
ڈنگہ(محمد بلال احمد بٹ)امیدوار برائے جنرل کونسلر وارڈ نمبر4میونسپل کمیٹی ڈنگہ راجہ خالدمحمودنے کہا ہے کہ عوام سے ہمارا تعلق اٹوٹ ہے،نسل درد نسل عوامی خدمت کر رہے ہیں عوامی سیاست اقتدار کے لئے نہیں عوامی خدمت کے لئے ہے۔الیکشن ہوتے رہتے ہیں ،اور ہار جیت کھیل کا حصہ ہیں،مگر ہر حال میں عوام کے ساتھ ہیں،اور ساتھ رہیں گے،انہوں نے کہا کہ علاقہ کی خدمت ہمارا مشن ہے جو ہر حال میں جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈی سی او گجرات آصف بلال لودھی کی زیر صدارت پرائس اسیسمنٹ کمیٹی کا اجلاس
ڈنگہ(محمد بلال احمدبٹ)ڈی سی او گجرات آصف بلال لودھی کی زیر صدارت پرائس سیسمنٹ کمیٹی کا اجلاس ،ضلع بھر کے کریانہ کے تاجروں نے شرکت کی،اجلاس میں مجوزہ اشیاء کی قیمتیں مقرر کی گئیں،تفصیلات کے مطابق گذشتہ روز ڈی سی او گجرات آصف بلال لودھی کی زیرصدارت اجلاس ہوا جس میں ڈنگہ سے کریانہ ایسوسی ایشن کے صدر غلام مصطفی بھٹی اور سیکرٹری اطلاعات و نشریات امجد بھٹہ سمیت دیگر شہروں سے شیخ نصیر،شیخ خرم،اظہر اقبال،حاجی جاوید ،سہیل اقبال،ریاض انصاری،جاوید بٹ سمیت دیگر افراد نے شرکت کی اجلا س میں اشیاء کی مجوزہ مقرریں کی گئیں دال چنا باریک 56روپے،موٹی 60روپے،بیسن60روپے،کالے چنے60روپے،سفیدچنے کینیڈا96روپے،دال مونگ باریک126روپے،دال مونگ موٹی132روپے،دال مونگی بغیر چھلکہ130روپے،دال مسور 128روپے،دال موٹی
مسور104روپے،دال ماش باریک118روپے،دال ماش موٹی چمن142روپے،سرخ مرچ200روپے،چینی55روپے،ڈنگہ سے غلام مصطفی بھٹی نے کریانہ ایسوسی ایشن کی بھر پور نمائندگی کرتے ہوئے ڈی سی او کو کریانہ ایسوسی ایشن کے مسائل سے آگاہ کیا اور قیمتیں مقرر کرنے میں اہم کردارادا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :12ربیع الاول کی آمد کے سلسلہ میں اہم اجلاس ہوا اجلاس میں سیکورٹی و دیگر انتظامات کا جائزہ لیا گیا
ڈنگہ(محمد بلال احمد بٹ)12ربیع الاول کی آمد کے سلسلہ میں اہم اجلاس ہوا اجلاس میں سیکورٹی و دیگر انتظامات کا جائزہ لیا گیا اجلاس کے اراکین نے برسراقتدار عوامی نمائندوں سے مطالبہ کیا ہے کہ 12ربیع الاول کے مقررہ روٹس کو جلد از جلد کلیئر کروایا جائے اور تھانہ روڈ کی تعمیر کا کام مکمل کیا جائے تاکہ 12ربیع الاول کے جلوس کو کوئی پریشانی یا دقت کا سامنا نہ کرنا پڑے۔ترجمان خالد نورانی کے مطابق تھانہ روڈ سمیت دیگر مقررہ روٹس کو انتظامیہ فی الفور کلیئر کروائے تاکہ حسب روایت 12ربیع الاول کا جلوس اپنے مقررہ روٹس پرسے گزرے۔سیکورٹی کے انتظامات بھی درست کئے جائیں تاکہ کوئی ناخوشگوار واقع رونما نہ ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: وارڈ نمبر 5ڈنگہ سے ہر طرح سے چوہدری اجمل ٹوپہ کو سپورٹ کر رہے ہیں،اہم شخصیات محلہ ریلوے اسٹیشن
ڈنگہ ( محمدبلال حمد بٹ )محلہ ریلوے اسٹیشن کی اہم شخصیات محمد اشرف،ملک لیاقت،ملک افضال،طارق بھگو اور قاضی ادریس نے مشترکہ بیان میں کہا ہے کہ وارڈ نمبر 5ڈنگہ سے ہر طرح سے چوہدری اجمل ٹوپہ کو سپورٹ کر رہے ہیں ۔ الیکشن 30جنوری کو ہوں ‘ مارچ میں ہوں یا ایک سال بعد ہوں ہمارا دھڑاچوہدری اجمل ٹوپہ ہے ۔ بلا خوف و خطر اس کی حمایت کر کے الیکشن مہم چلا کے اسے ریکارڈ لیڈ سے کامیاب کریں گے ۔ ریلوے اسٹیشن ہمارے امیدوار کا قلعہ ثابت ہو گا اور سو فیصد ووٹ انہیں ہی دیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزارت دفاع کے پارلیمانی سیکرٹری چوہدری جعفر اقبال کی حلقہ کی تعمیر وترقی کیلئے وزیراعلیٰ پنجاب میاں شہباز شریف اور حمزہ شہباز شریف سے ملاقات
ڈنگہ(محمد بلال احمد بٹ)وزارت دفاع کے پارلیمانی سیکرٹری چوہدری جعفر اقبال کی حلقہ کی تعمیر وترقی کیلئے وزیراعلیٰ پنجاب میاں شہباز شریف اور حمزہ شہباز شریف سے ملاقات 2014ء کو ملک اور حلقہ کی ترقی کیلئے مثالی سال بنانے کا عزم مسلم لیگ ن کے مرکزی راہنما اور پارلیمانی سیکرٹری چوہدری جعفر اقبال نے وزیراعلیٰ ہائوس میں وزیراعلیٰ پنجاب میاں محمد شہباز شریف اور محترم میاں حمزہ شہباز شریف سے خصوصی ملاقات کرتے ہوئے انہین ملکی و قومی و علاقائی صورتحال پر خصوصی تبادلہ خیال کیا،چوہدری جعفر اقبال نے اپنے قائدین محترم کی سرکردگی نئے سال2014ء کو ملکی اور حلقہ کی ترقی کیلئے مثالی سال بنانے کا عزم اورعہد کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الیکشن کمیشن آف پاکستان نے بلدیاتی انتخابات کا معمہ حل کرنے کیلئے الیکشن کمیشن کا اہم اجلاس
ڈنگہ(محمد بلال احمد بٹ)الیکشن کمیشن آف پاکستان نے بلدیاتی انتخابات کا معمہ حل کرنے کیلئے الیکشن کمیشن کا اہم اجلاس گذشتہ روز یکم جنوری2014ء بروز بدھ کو طلب کیا،جس میں بلدیاتی انتخابات کے حوالے سے لائحہ عمل ترتیب دیا جائے گیاذرائع کے مطابق انتخابات کرانے کیلئے الیکشن کمیشن کے سامنے تین راستے ہیں۔ اہم پیش رف ہو سکتی ہے
ڈنگہ :بلدیاتی الیکشن مارچ کے اوائل میں ہونے کا قوی امکان ہے
ڈنگہ(محمد بلال احمدبٹ)بلدیاتی الیکشن مارچ کے اوائل میں ہونے کا قوی امکان ہے،بروقت بیلٹ پیپر کی طباعت نہ ہونے کی وجہ سے پنجاب میں بلدیاتی انتخابات کی تاریخ کا اعلان آئندہ ہفتے تک متوقع ہے،ذرائع کے مطابق بلدیاتی انتخابات مارچ کے پہلے ہفتہ میں ہونے کا امکان ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :جمہوریت ہی بہترین طرز حکومت ہے ،ماضی کی تمام تلخیوں سے سبق سیکھ کر جمہوری رویوںکو بہتر بناناہو گا،قمرزمان چوہدری
ڈنگہ(محمد بلال احمد بٹ)سابق وفاقی وزیر اطلاعات و نشریات،مرکزی راہنما پی پی پی چوہدری قمر زمان کائرہ نے اپنے بیان میں کہا ہے کہ پاکستان میں بے شمار سیاسی تجربے کئے گئے ہیں جمہوریت ہی بہترین طرز حکومت ہے ،ماضی کی تمام تلخیوں سے سبق سیکھ کر جمہوری رویوںکو بہتر بناناہو گاانہوں نے کہا کہ پاکستان میں مذہبی انقلاب کبھی نہیں آئیگا،تین نومبر ہی نہیں جنرل مشرف کا12اکتوبر کا اقدام بھی قابل احتساب ہے،ملک و قوم جنرل مشرف کے دونوں گناہوں کا حساب چاہتے ہیں،تاکہ ملک میں احتساب کا عمل جاری رہے،آج پاکستان سے جو آزاد سیاسی فضا ہے اس میں پریس،میڈیا کا بہت بڑا کردار ہے بحالی جمہوریت کیلئے سیاسی اخبار نویسوں،وکلاء برادری نے بڑی قربانیاں دی ہیں،میاں شہباز شریف نے اعلان کیا تھا کہ وہ چھ ماہ کے اندر بجلی کی لوڈشیڈنگ کا مسئلہ حل نہ رک سکے تو وہ اپنا نام تبدیل کریں گے میں اب دن گن رہا ہوں کہ ان کا نیانام تجویز کر لیا گیا ہے کہ نہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تھانہ کچہری کی سیاست کرنے والوں سے جان چھڑانے کا وقت آگیا ہے،ملک نوید احمد اعوان
ڈنگہ(محمد بلال احمد بٹ)میونسپل کمیٹی ڈنگہ کی وارڈ نمبر3سے امیدوار برائے جنرل کونسلر ملک نوید احمد اعوان نے کہا ہے کہ ووٹر اس بار تھانہ کچہری کے نام پر ووٹ لینے والوں کی حوصلہ شکنی کریں انہوں نے کہا کہ تھانہ کچہری کی سیاست کرنے والوں سے جان چھڑانے کا وقت آگیا ہے،ووٹرز اپنی وارڈ شہر صوبے اور ملک کی بہتری کیلئے خدمت کے نام پر بہت دھوکہ کھا چکے ہیں خدمت گاری کا دعوی کرنے والے الیکشن کے بعد عام آدمی سے ہاتھ ملانا بھی گوارہ نہیں کرتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پریس کلب ڈنگہ کے راہنما اور روزنامہ نوائے وقت ڈنگہ کے نمائندے ڈاکٹر اعجاز احمد کی سمدھن رضائے الٰہی سے انتقا ل کرگئیں
ڈنگہ(محمد بلال احمدبٹ)پریس کلب ڈنگہ کے راہنما اور روزنامہ نوائے وقت ڈنگہ کے نمائندے ڈاکٹر اعجاز احمد کی سمدھن رضائے الٰہی سے انتقا ل کرگئیں نماز جنازہ اور اجتماعی دعا میں سینکڑوں افرادنے شرکت کی اور مرحومہ کے ایصال ثواب کیلئے دعا کی پریس کلب ڈنگہ کے عہدیداران و اراکین نے ڈاکٹر اعجاز احمد سے اظہار تعزیت کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بانی چادر اوڑھ تحریک پاکستان الحاج پیر سید محمد کبیر علی شاہ گیلانی مجددی 8جنوری کو مسجد گلزار حبیب میں خطاب فرمائیں گے
ڈنگہ(محمد بلال احمد بٹ)بانی چادر اوڑھ تحریک پاکستان الحاج پیر سید محمد کبیر علی شاہ گیلانی مجددی 8جنوری کو مسجد گلزار حبیب میں خطاب فرمائیں گے زیب سجادہ نشین دربار عالیہ مقدسہ چورہ شریف یوسف المشائخ داعی اتحاد بین المسلمین الحاج پیر سید محمد کبیر علی شاہ گیلانی مجددی 8جنوری کو مسجد گلزار حبیب شاہ تکیہ میں جلسہ کی صدارت اور خطاب فرمائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:انجمن صدائے مدینہ کے زیر اہتمام جامع مسجد گلزار مدینہ میں ماہانہ درس قرآن و حدیث کا کامیاب انعقاد
ڈنگہ(محمد بلال احمدبٹ)انجمن صدائے مدینہ کے زیر اہتمام جامع مسجد گلزار مدینہ میں ماہانہ درس قرآن و حدیث کا کامیاب انعقاد آستانہ عالیہ بائولی شریف کے سجادہ نشین صاحبزادہ علامہ مولانا غلام بشیر نقشبندی نے نظر کی پاکیزگی کے حوالہ سے ایمان افروز خطاب ذیشان فرمایا سینکڑوں مسلمان درس میں شریک ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اپنے والدمحترم کے جگر ی یار حاجی محمد نواب بٹ آف بھلیسرانوالہ کی وفات پر انتہائی افسردہ ہیں،میاں جہانگیر عالم ایڈووکیٹ و دیگر
ڈنگہ(محمدبلال احمد بٹ)کھاریاں بار کے سابق جنرل سیکرٹری ممتاز قانون دان میاں جہانگیر عالم ایڈووکیٹ اور یو کے میں مقیم میاں توقیر عالم،میاں شاہ نواز عالم نے کہا ہے کہ اپنے والدمحترم کے جگر ی یار حاجی محمد نواب بٹ آف بھلیسرانوالہ کی وفات پر انتہائی افسردہ ہیں،انہوں نے کہا کہ ہم اللہ رب العزت کے حضور دعا گو ہیں کہ اللہ تعالیٰ ہمارے پیارے انکل حاجی نواب کو جنت الفردوس میں جگہ عطا فرمائے اور انکے پسماندگان لواحقین کو یہ عظیم صدمہ برداشت کرنے کی ہمت استقامت عطا فرمائے آمین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہماری وارڈ کی غیور عوام ایک بار پھر مرزا شہباز بیگ کو تاریخ ساز فتح دلائیں گے،مرزامحمد پھول بیگ
ڈنگہ(محمد بلال احمدبٹ)مرزا شیر بیگ ویجیٹیبل فروٹ آڑھت کے ایم ڈی مرزا محمد پھول بھگ نے کہا ہے کہ ہماری وارڈ کی غیور عوام ایک بار پھر مرزا شہباز بیگ کو تاریخ ساز فتح دلائیں گے،انہوںنے کہا کہ ہم اور ہمارے بھائی مرزا شہباز بیگ نے شب و رز عوام کی خدمت کی ہے اور انشاء اللہ پہلے سے بڑھ کر عوامی خدمت کر نے کا عزم کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز عالم دین محمد عارف قادری کی سرکردگی میں مسجد گلشن مدینہ میں منعقدہ جلسہ میں ادارہ صراط مستقیم کے بانی علامہ ڈاکٹر محمد اشرف جلالی خطاب فرمائیں گے
ڈنگہ(محمد بلا ل احمد بٹ)ممتاز عالم دین محمد عارف قادری کی سرکردگی میں مسجد گلشن مدینہ میں منعقدہ جلسہ میں ادارہ صراط مستقیم کے بانی علامہ ڈاکٹر محمد اشرف جلالی خطاب فرمائیں گے جلسہ عید میلاد النبیۖ کے سلسلہ میں جامع مسجد گلشن مدینہ محلہ نبی پورہ میں پیر سید نوید الحسن شاہ مشہدی کی زیر صدارت دو جنوری بروز جمعرات بعد نماز عصر جلسہ عام منعقد ہو گا،عالمی ادارہ صراط مستقیم پاکستان کے بانی اور عظیم مذہبی سکالر علامہ ڈاکٹر محمد اشرف آصف جلالی ایمان افروز خطاب ذیشان فرمائیںگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کی قصاب برادری کی سرکردہ شخصیت فیاض قصاب کے داماد اور بیٹی ٹریفک حادثہ میں زخمی ہو گئے
ڈنگہ(محمد بلال احمد بٹ)ڈنگہ کی قصاب برادری کی سرکردہ شخصیت فیاض قصاب کے داماد اور بیٹی ٹریفک حادثہ میں زخمی ہو گئے،بتایا جاتا ہے کہ فیاض قصاب کی بیٹی اپنے خاوند ندیم قصاب کے ہمراہ موٹر سائیکل علی پور جا رہے تھی کہ سندھانوالی کے قریب تیز رفتار گاڑی نے انہیں ٹکر دے مارے جس کے نتیجہ میں دونوںمیاں بیوی شدید زخمی ہو گئے،انہیں عامر جاوید ہسپتال داخل کروا دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ضلع گجرات کی118 یونین کونسلز میں پانچ ہزار سے زائد امیدواران میدان میں اتر آئے
ڈنگہ(محمد بلال احمد بٹ)ضلع گجرات کی118 یونین کونسلز میں پانچ ہزار سے زائد امیدواران میدان میں اتر آئے،گجرات کارپوریشن کی 12یونین کونسلوں سے چیئر مین وائس چیئر مین کے لیے78امیدوار وں سمیت715امیدواروں نے کاغذات نامزدگی جمع کروائے ہیں،میونسپل کمیٹی لالہ موسیٰ کی24وارڈوں کیلئے190امیدوار اور میونسپل کمیٹی ڈنگہ کی12وارڈوںکیلئے104امیدوار میونسپل کمیٹی کھاریاں کی 12وارڈز کیلئے75امیدواروں نے کاغذات جمع کروائے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گمٹی کے سینکڑوں افراد کا منشیات فروش اور پولیس کی ناقس کارکردگی پر زبردست احتجاجی مظاہرہ،
ڈنگہ(محمد بلال احمد بٹ)گمٹی کے سینکڑوں افراد کا منشیات فروش اور پولیس کی ناقس کارکردگی پر زبردست احتجاجی مظاہرہ،گمٹی میں عرصہ دراز سے منشیات فروخت ہو رہی ہے جس سے نوجوان نشے کی موذی لت میں مبتلا ہو رہے ہیں،پولیس کو مطلوع کریں تو وہ کوئی کاروائی نہیں کرتے،اہل دیہہ نے دو مبینہ منشیات فروش احمد رضا اور ذیشان کو آدھ کلو ہیروئن کی برآمدگی کامقدمہ درج کر کے باقی ہیروئن غائب کر دی ،مظاہرہ کی دہائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکمرانوں کی طرف سے سال نو کا تحفہ تیار،پیٹرولیم مصنوعات کی قیمتوںمیں اضافہ کی سمری وزارت پیٹرولیم کو ارسال کر دی ہے
ڈنگہ(محمد بلال احمد بٹ)حکمرانوں کی طرف سے سال نو کا تحفہ تیار،پیٹرولیم مصنوعات کی قیمتوںمیں اضافہ کی سمری وزارت پیٹرولیم کو ارسال کر دی ہے اوگرا کی پیٹرول2.91روپے،ڈیزل کی قیمت بڑھانے کی تجویز دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اللہ کے فضل اور عوامی دعائوں سے مرزا شہباز بیگ کو تاریخ ساز فتح دلائیں گے،مرزا شاہجان بیگ
ڈنگہ(محمد بلال احمدبٹ)صدرانجمن آڑھتیاں ڈنگہ مرزا فروٹ مرچنٹ مرزا شاہجہان بیگ نے اپنے بیان میں کہاہے کہ اللہ کے فضل اور عوامی دعائوں سے مرزا شہباز بیگ کو تاریخ ساز فتح دلائیں گے،انہوں نے کہا کہ انشاء اللہ تعالیٰ تیس جنوری کا سورج عوام کے ہر دل عزیز محبوب راہنما مرزا شہباز بیگ کی فتح ک نوید لے کر طلوع ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پورے پنجاب کے تمام محکموں میں بہتری لانے کے لئے اکاؤنٹس کے شعبہ میں کام کر رہے ہیں ،میاں طارق محمود ایم پی اے
ڈنگہ ( محمد بلال احمد بٹ) پاکستان مسلم لیگ ن ے مرکزی راہنما میاں طارق محمود ایم پی اے ممبر پبلک اکاؤنٹس کمیٹی پنجاب نے کہا ہے کہ پورے پنجاب کے تمام محکموں میں بہتری لانے کے لئے اکاؤنٹس کے شعبہ میں کام کر رہے ہیں ۔ تعمیر و ترقی ‘ تنخواہیں ‘ استعمال کی رقوم اور فنڈز میں اب ایک پیسے کی بھی کرپشن نہ ہونے دیں گے ۔ آڈٹ کا نظام جدید بنیادوں پر متعارف کروا رہے ہیں ۔ ہماری کوشش ہے کہ عوام کا ملازمین کا ایک ایک فنڈ اور روپیہ پیسہ خالصتاً عوام اور ملازمین پر خرچ ہو ۔ ایک پائی کے غبن پر بھی غبن’ کرپشن کرنے والوں کے خلاف کاروائی ہو گی ۔ وزیر اعلیٰ پنجاب میاں شہباز شریف کے اعتماد کو ٹھیس ہر گز نہ پہنچائیں گے اور پبلک اکاؤنٹس کمیٹی پنجاب فعال کمیٹی کا رول ادا کرتے ہوئے اس کے بہتر ثمرات حکومت اور عوام تک پہنچائے گی ۔ یہ خالصتاً عوامی کمیٹی ہے اور عوام کی بہتری ‘ فلاح اور تعمیر و ترقی کے لئے ہر ممکن بہتری کے اقدامات اٹھائیں گے ۔ ہر کام وقت پر ہو گا اور متعلقہ کاموں میں رکاوٹ ڈالنے والوں کے خلاف بھی سخت ایکشن لیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری محمد یونس چوہان امیدوار برائے چیئرمین اور مناسب چوہدری آف پوڑانوالہ امیدوار برائے وائس چیئرمین ہی ریکارڈ لیڈ سے کامیاب ہوں گے،میاںغیاث احمد،میاں خضر
ڈنگہ (محمد بلال احمد بٹ ) رندھیر کی ممتاز سیاسی و سماجی شخصیات میاں غیاث احمد سابق نائب ناظم ‘ میاں خضر نے کہا ہے کہ ہمارے حمایت یافتہ امیدواران چوہدری محمد یونس چوہان امیدوار برائے چیئرمین اور مناسب چوہدری آف پوڑانوالہ امیدوار برائے وائس چیئرمین ہی ریکارڈ لیڈ سے کامیاب ہوں گے ۔ یہ پینل بلاشبہ ورکر کلاس کا ہے جو علاقہ کی بہتری کے لئے نہایت موزوں ہے ۔ ان کی مہم پوری آب و تاب سے چلا رہے ہیں اور ہر گاؤں سے ان کی حمایت کر بھی رہے ہیں اور کروا بھی رہے ہیں ۔ اور ریکارڈ لیڈ سے جب بھی الیکشن ہو ہمارا پینل جیتے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: بلدیاتی الیکشن وقت کا اہم تقاضا ہیں،میاں محمد اسلم سابق چیئر مین بلدیہ ڈنگہ
ڈنگہ ( محمدبلال احمد بٹ ) پاکستان مسلم لیگ ن کے راہنما سابق چیئرمین بلدیہ ڈنگہ میاں محمد اسلم نے کہا ہے کہ بلدیاتی الیکشن وقت کا اہم تقاضا ہیں ۔ اور تمام تیاریاں ہو چکی تھیں اور اب الیکشن ہو جانا چاہئے تھا ۔ عدلیہ کی طرف سے جو حلقہ بندیاں توڑی گئی ہیں اس سے الیکشن بہت لیٹ ہو سکتا ہے ۔ عوام کی بھی خواہش تھی اور عوام پوری پوری دلچسپی لے رہی تھی الیکشن مہم بھی ہو چکی تھی ۔ یہ فیصلہ عوامی خواہشات کے مطابق نہیں آیا ۔ اور جب آنا چاہئے تھا اس وقت نہیں آیا ۔ بہر حال ہم اس فیصلہ کو تسلیم کرتے ہیں ۔ خدمت کا سفر د ہمیشہ جاری رہے گا اور ہمہ وقت عوام کی خدمت کرتے رہیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انچارج چوکی سٹی ڈنگہ حافظ مشتاق احمد SIکا نفری کے ہمراہ آرزو سی ڈی سنٹر شاہ قلی روڈ ڈنگہ پر چھاپہ
ڈنگہ (محمد بلال احمد بٹ ) انچارج چوکی سٹی ڈنگہ حافظ مشتاق احمد SIکا نفری کے ہمراہ آرزو سی ڈی سنٹر شاہ قلی روڈ ڈنگہ پر چھاپہ ۔ سی ڈی سنٹر سے 29بلیو پرنٹ فحش سی ڈیز برآمد ۔ سی ڈی سنٹر کے مالک عمران سکنہ شاہ قلی کو موقع پر سے پولیس نے گرفتار کر کے مقدمہ درج کر لیا اور حوالات بند کر دیا ۔ یہ مقدمہ زیر دفعہ 293ت پ کے تحت کاروائی ہوئی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اخبارات میں گمٹی میں منشیات کے خلاف خبریں شائع ہونے پر ڈی ایس پی کھاریاں گمٹی پہنچ گئے
ڈنگہ (محمد بلال احمد بٹ ) اخبارات میں گمٹی میں منشیات کے خلاف خبریں شائع ہونے پر ڈی ایس پی کھاریاں گمٹی پہنچ گئے ۔ اور پولیس ملازمین کے ہمراہ موضع مٹی کی عوام کی شکایات سنیں ۔ پولیس کو بھی سخت وارننگ جاری کرتے ہوئے کہا کہ آئندہ گمٹی میں منشیات فروخت ہوئی تو سخت کاروائی ہ وگی ۔ مزید یہ کہ عوامی شکایات کا نوٹس لیتے ہوئے اور مقدمہ میں کم منشیات کا پرچہ دینے پر ڈی پی او گجرات نے محمد خاں سب انسپکٹر کو تھانہ ڈنگہ سے تھانہ کھاریاں کینٹ تبدیل کر دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : امیدوار برائے کونسلر ماجد عدالت بٹ اپنی وارڈ سے بھاری اکثریت سے کامیاب ہوں گے،محمد خاں باہوانہ
ڈنگہ (محمد بلال احمد بٹ )ممتاز سیاسی و سماجی شخصیت محمد خاں باہوانہ اپنے بیان میں کہا ہے کہ امیدوار برائے کونسلر ماجد عدالت بٹ اپنی وارڈ سے بھاری اکثریت سے کامیاب ہوں گے ۔ انہوں نے کہا کہ ماجد عدالت بٹ ہر وقت عوامی خدمت میں مصروف ہیں ۔ اس لئے الیکشن چاہے جب بھی ہوںماجد عدالت بٹ کامیاب ہوں گے ۔ انشاء اللہ ہمارا ساتھ اور تعاون بھی ان کے ہمراہ ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ اور گردونواح میں گزشتہ روز ہلکی بارش سے موسم مزید سرد ہو گیا
ڈنگہ (محمد بلال احمد بٹ ) ڈنگہ اور گردونواح میں گزشتہ روز ہلکی بارش سے موسم مزید سرد ہو گیا جبکہ گوجرانوالہ سے کھاریاں تک تیز بارش ہوئی ۔ موسم کے مزید سرد ہونے اور ہلکی بارش سے لوگ زیادہ تر گھروں میں دبکے رہے ۔ جبکہ کاروبار میں مندے کا رجحان رہا ۔ دکاندار حضرات بھی تقریباً فارغ ہی بیٹھے رہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: میری زندگی کا مقصد 1985ء سے لے کر اب تک ایک ہی رہا ہے کہ میں اپنی عوام کو خدمت اور سہولت کسی طرح فراہم کروں،میاںمحمد اسلم
ڈنگہ(محمد بلال احمدبٹ ) پاکستان مسلم لیگ ن کے مرکزی راہنما سابق چیئرمین بلدیہ ڈنگہ میاں محمد اسلم امیدوار برائے جنرل کونسلر وارڈ نمبر 3ڈنگہ نے کہا ہے کہ میری وارڈ بہت بڑی بنائی گئی تھی ہم نے عوام کی خدمت کے لئے دل سے قبول کیا ۔ میرے مقابلے میں کھڑے ہونے والے امیدواران جن کا نہ اپنا کوئی وجود ہے اور نہ ان کی آزاد مرضی ہے جو کسی دوسرے کے اشارے پر چلتے بھی ہیں اور ان اپنے آقاؤں کو خوش کرنے کے لئے مرے مقابلے میں انہوں نے درخواستیں جمع کرائیں ۔ اچھا تھا کہ 30جنوری کو الیکشن ہو جاتا ان امیدواران اور ان کے پیچھے کھیلنے والی طاقتوں کو اپنی حیثیت کا اندازہ ہو جاتا ۔ الیکشن لڑنے کے لئے اپنا سب کچھ چھوڑ کر دروازے کھول کر الیکشن لڑنا ہوتا ہے اور دل سے سالہا سال خدمت عوام کی کرنا پڑتی ہے ۔ دکانداریاں اور خوشامد کرنے سے اور اپنے آقاؤں کو خوش کرنے کے لئے دن رات ایک کرنے سے الیکشن نہیں لڑے جا سکتے اور ن ہی عوام کے دل جیتے جا سکتے ہیں ۔ میری زندگی کا مقصد 1985ء سے لے کر اب تک ایک ہی رہا ہے کہ میں اپنی عوام کو خدمت اور سہولت کسی طرح فراہم کروں ۔ کہ ان کا ‘ ان کے لئے دن رات ایک کئے رکھتا ہوں ۔ اور میرے مخالفین کا عالم یہ ہے کہ ان کا ان کے ہمسایہوں کو علم نہیں کہ وہ کون ہیں ۔ بہرحال جو بھی جیسے بھی ہو ہو تو اپنے مشن پر عمل پیرا رہ کر عوام کی خدمت کرتے رہیں گے اور پہلے کی طرح ہمارے دروازے کھلے رہیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب ٹیکسٹ بورڈ نے کلاس سوئم ،چہارم ،پنجم ،ششم ،ہفتم ،ہشتم اورنہم کی مختلف کتابوں کواگلے سال سے تبدیل کرنے کافیصلہ کیا ہے
ڈنگہ (محمد بلال احمد بٹ)پنجاب ٹیکسٹ بورڈ نے کلاس سوئم ،چہارم ،پنجم ،ششم ،ہفتم ،ہشتم اورنہم کی مختلف کتابوں کواگلے سال سے تبدیل کرنے کافیصلہ کیا ہے جماعت سوئم انگلش اورسائنس ،چہارم کی اردو ،ریاضی ،انگلش ارواسلامیات ،پانچوں میں اردو ،ریاضی ،انگلش ،اسلامیات ،ششم میں ہوم اکنامکس اور ایگرلکچر ،ہفتم اردوعربی ،ہشتم میں تمام مضامین اور نہم میںجنرل سائنس شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز روحانی شخصیت حضرت عبدالرحمن عرف ثانی صاحب کاسالانہ عرس مبارک آج آستانہ عالیہ عیدگاہ شریف راولپنڈی میں منعقدہو گا
ڈنگہ (محمدبلال احمد بٹ)ممتاز روحانی شخصیت حضرت عبدالرحمن عرف ثانی صاحب کاسالانہ عرس مبارک 2جنوری بروز جمعرات کوآستانہ عالیہ عیدگاہ شریف راولپنڈی میں منعقدہو گا عرس کی تقریبات کی صدارت سجادہ نشین پیرمحمدنقیب الرحمن کریں گے ڈنگہ سے محمداشتیاق نقیبی کی زیرقیادت کثیرادتعدا د پرمشتمل قافلہ راولپنڈی روانہ ہوگا عرس میں ملک بھر سے ہزاروں مریدین اورعقید ت مند شرکت کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :شاہد بٹ کی انتخابی مہم کیلئے خون کا آخری قطرہ تک نچھاور کردیں گے،سید کمال شاہ
ڈنگہ (محمد بلال احمد بٹ) محلہ شاہ سوار کی ممتاز سماجی شخصیت سید کمال شاہ نے اپنے بیان میں کہا ہے کہ وارڈ نمبر 5میںشاہدمحمود بٹ کی کھلم کھلا حمایت کااعلان کرتے ہیں شاہد بٹ کی انتخابی مہم کیلئے خون کا آخری قطرہ تک نچھاور کردیں گے کامیابی انکے قدم چومے گی انشاء اللہ کامیابی کیلئے دن رات ایک کردیں گے ،شاہدمحمود بٹ کا خاندان عوام کی خدمت میں مصروف ہے انشاء اللہ کامیابی حاصل کرکے اور عوام کی خدمت میں پیش پیش ہوگے وارڈ میں لوگوں نے شاہدمحمودبٹ کی حمایت کی ہے انشاء اللہ عوام نے جو اعتماد کیا ہے اسے ٹھوس نہیں پہنچے گے ،انشاء اللہ کامیابی شاہدمحمودبٹ کے مقدر بنے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں محمداشرف کی ممانی ،نیوز ایجنٹ میاں محمداسلم کی خواشدمن کی وفات پر تعزیتی سلسلہ جاری
ڈنگہ (محمد بلال احمد بٹ ) سرپرست اعلی پریس کلب ڈنگہ میاں محمداشرف کی ممانی ،نیوز ایجنٹ میاں محمداسلم کی خواشدمن ،میاں ضیا اللہ ، میاں احتشام اللہ ، میاں نصراللہ کی نانی وفات پرتعزیتی سلسلہ جاری اہم شخصیت کااظہار افسوس اورفاتحہ خوانی کی ،جس میں میاں امجد محمود،میاں اسلم ،ٹھیکیدایوب مغل ،ماجدعدالت بٹ ،چوہدری محمدخاں باہوانہ ،پیرارشد شاہ ،میاں اکرم سمیت سینکڑوں افراد شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے رہائشی نوجوان کاموٹر سائیکل کھاریاں میں چوری
ڈنگہ (محمد بلال احمدبٹ)ڈنگہ کے رہائشی نوجوان کاموٹر سائیکل کھاریاں میں چوری تفصیلات کے مطابق ڈنگہ کارہائشی نوجوان عامر الطاف اپنے موٹرسائیکل نمبر 5787پر کسی کام سے کھاریاں گیا وہاں مقامی بیکری کے سامنے موٹرسائیکل کھڑی کرکے اندر گیا واپسی پر موٹرسائیکل غائب تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :2روز قبل ملنے والی نعش کی شناخت قبر کشائی کے بعد نعش ورثاء کے حوالے
ڈنگہ (محمد بلال احمد بٹ)2روز قبل ملنے والی نعش کی شناخت قبر کشائی کے بعد نعش ورثاء کے حوالے ،تفصیلا ت کے مطابق دودن قبل محلہ ذوالفقار کانولی سے ڈنگہ سے پولیس کو قریبا50سالہ شخص کی نعش جسے پہچان کیلئے بلدیہ ڈنگہ میں رکھا گیا تاہم لاوارث جان کر امانتا دفنا دیا گیا گزشتہ روز اس کی شناخت کرلی گئی نعش کی شناخت اسلم گجر ولدلیاقت علی گجر کے نام سے کی گئی متوفی کا تعلق چاڑانوالہ سے تھا گزشتہ روز قبر کشائی کے بعد نعش ورثاء حوالے کردی گئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :زبان پارٹی اوردھڑے کے پکے ہیں مخلص دوستوں ساتھیوں ووٹروں اورسپورٹروں کاتحفظ کرنا جانتے ہیں،چوہدری ساجد محمود
ڈنگہ (محمد بلال احمد بٹ)امیدوار برائے کونسلر وارڈ نمبر 7چوہدری ساجد محمود نے اپنے بیان میں کہاہے کہ ہمارا سیاست میں آنے کا مقصد عوامی خدمت ہے جوبلاامتیاز جاری رہے گا انشاء اللہ تابعداری کامشن تادم جاری رہیگا انہوں نے کہاہے کہ وفاخون میں شامل ہے زبان پارٹی اوردھڑے کے پکے ہیں مخلص دوستوں ساتھیوں ووٹروں اورسپورٹروں کاتحفظ کرنا جانتے ہیں انشاء اللہ کامیاب ہوکر وارڈ کے تما م مسائل حل کریں گے اور وارڈ کو مثالی بنائیں گے الیکشن عوام کے ووٹ کی طاقت سے جیتں گے کسی بیساکھی کے سہارے کی ضرورت نہیں انشاء اللہ اہلیان وارڈنمبر 7کی تمام برادری کی حمایت حاصل ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ینگ سٹار کرکٹ کلب محلہ شاہ سوار ڈنگہ کے زیراہتمام کرکٹ ٹورنامنٹ کا فائنل گزشتہ روز پیڑ انوالہ گرائونڈ میں کھیلا گیا
ڈنگہ (محمد بلال احمد بٹ )ینگ سٹار کرکٹ کلب محلہ شاہ سوار ڈنگہ کے زیراہتمام کرکٹ ٹورنامنٹ کا فائنل گزشتہ روز پیڑ انوالہ گرائونڈ میں کھیلا گیا فائنل میچ کے مہمان خصوصی ممتاز سیاسی وسماجی شخصیت صدر مرکزی انجمن تاجران ڈنگہ حاجی شاہد محمود بٹ کا گرائو نڈ پہنچنے پر شانداراستقبال کیاگیا ان پر پھولوں کی پتیاں نچھاور کی گئیں تالیوں کی گونج میں انہیں گرائونڈ میں لایا گیا اس
موقع پر ان کے حق میں زبردست نعرے بازی کی گی ،فائنل میچ کے اختتام پر حاجی شاہد محمود بٹ نے کھلاڑیوں پرا نعا مات کی بارش کردی ،ونر کپتان کو حاجی شاہد محمود نے ٹرافی دی جبکہ دیگر کھلاڑیوں میں انعامات تقسیم کیے ان کے ہمراہ بائونوید ،ریاض انصاری ،سید شبیر ہاشمی بھی تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اپنے طبقے کے لوگوں کی بقاء کی جنگ لڑرہے ہیں ،ملک نوید اعوان
ڈنگہ(محمد بلال احمد بٹ)امیدواربرائے کونسلر وارڈ3ملک نویداعوان نے اپنے بیان میں کہاہے کہ اپنے طبقے کے لوگوں کی بقاء کی جنگ لڑرہے ہیں عام آدمی کو معاشرے میں اگر مقام چاہئے تو اس کو استحصالی نظام کے خاتمے میں اپنا کردار اداکرنا ہوگا ضروری نہیں کہ انقلاب اورسونامی کے نام لوگوں کو ورغلایا جائے تبدیلی کا راستہ ضمیر کی آواز پرووٹ دینے سے ہی ممکن ہے تبدیلی تب ہی ممکن ہے جب ہم خود احتسابی کاعمل اپنے آپ پر لاگوکریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مرکزی میلاد کمیٹی ڈنگہ کا ہائوس فل اجلاس گزشتہ روز جامعہ رضویہ ضیا ء القران ڈنگہ میں منعقدہو ا
ڈنگہ (محمد بلال احمدبٹ ) مرکزی میلاد کمیٹی ڈنگہ کا ہائوس فل اجلاس گزشتہ روز جامعہ رضویہ ضیا ء القران ڈنگہ میں منعقدہو ا اجلاس کی صدارت ممتاز عالم دین صاحبزادہ محمدطاہر رضا نے کی اجلاس میں 12ربیع الاول کو شایان شان طریقے سے منانے کافیصلہ کیاگیا اراکین ڈیوٹیاں لگائی گئیں اجلاس میں میاں امجد محمود،الحاج محمدصادق بٹ ،میاں خادم حسین ،محمدشریف چشتی ،چوہدری شہریاراسلم ،میاں شقات حسین ،ڈاکٹر مشتاق احمد،چوہدری اقبال منج ،چوہدری شکیل منج ،حکیم افضل قادری ،حاجی فاضل بٹ ،حاجی شاہدمحمودبٹ ،صفدرمغل ،قاری محمدحسین ،قاری رمضان ،میاں عمران ایڈووکیٹ ،خالدمحمودنورانی ،ڈاکٹر محمدالیاس ،شیخ جاویدنذیر،راجہ خالد پرویز ،ملک لیاقت ،میاں ممتاز ،خالد ٹینٹ والے ،چوہدری آفتاب احمد،خالدسہیل بلو،محبوب عالم بٹ ،چوہدری فیاض احمد،ذوالفقار کھوکھر ،قاری محمدعارف ،قیصراسحا ق مغل ،سائیں خالد ،چوہدری صفد ر،صوفی خالد ،عطاء الرحمن ،عطاء اللہ بٹ ،مرزاشاہدعلی ،محمدشعیب انصاری ،ابوبکر مغل ،احمدرضا،اسامہ ، حاجی یونس ڈارسمیت سینکڑوں افرادنے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مسجد گلزارمدینہ محلہ پسوالاں ڈنگہ میں 4جنوری بعداز نمازعشاء بسلسلہ جشن عیدمیلاد النبی ۖایک عظیم الشان جلسہ کاانعقاد ہوگا
ڈنگہ (محمد بلال احمدبٹ)مسجد گلزارمدینہ محلہ پسوالاں ڈنگہ میں 4جنوری بعداز نمازعشاء بسلسلہ جشن عیدمیلاد النبی ۖایک عظیم الشان جلسہ کاانعقاد ہوگا جلسہ سے پیر طریقت ،رہبر شریعت حضرت علامہ مولانا مفتی جمال الدین بغدادی خصوصی خطاب کریں گے ،جلسہ کے دوران قرآن پاک پڑھنے والے 32بچوں میں انعامات تقسیم کیے جائیں گے جلسہ کے انتظامات کی نگرانی قاری نعیم صابرسطانی ومسجد انتظامیہ کرے گی لنگر کا وسیع کاانتظام ہو گا۔
اقراء کمپلیکس گلستان جوہر میں میٹھے پانی کا مسئلہ ترجیحی بنیادوں پر حل کرائیں گے: ارتضیٰ فاروقی
