کراچی (اسٹاف رپورٹر) اقراء کمپلیکس گلستان جوہر میں میٹھے پانی کا مسئلہ ترجیحی بنیادوں پر حل کرائیں گے ارتضیٰ فاروقی۔ انہوں نے کہا کہ پانی انسانی زندگی کی سب سے ہم ضرورت ہے اور KDA کی ذمہ داری ہے کہ تمام شہریوں تک پانی کی سپلائی کو یقینی بنائے وہ اقراء کمپلیکس فیز 1 گلستان جوہر کی نو منتخب ریذیڈنٹس ایسوسی ایشن کے وفد سے ملاقات کررہے تھے ایسوسی ایشن کے وفد نے نو منتخب صدر نفیس میاں کی سربراہی میں ممبر صوبائی اسمبلی ارتضیٰ فاروقی سے ان کے دفتر میں ملاقات کی وفد میں نائب صدر ارشاد حسین، جنرل سیکرٹری نوید اﷲ خان نیازی، جوائنٹ سیکرٹری مختار احمد شیخ، فنانس سیکرٹری کامران احمد خان، پریس سیکرٹری یوسف اقبال بھٹی اور آفس سیکرٹری انور سعید فاروقی شامل تھے۔
