حضرت محمد صلی اللہ علیہ وآلہ وسلم کے میلاد مسعود کی خوشی میں عظیم الشان مشعل بردار جلوس کا انعقاد

Posted on January 9, 2014 By Majid Khan سٹی نیوز, گوجرانوالہ

گوجرانوالہ : عالمی ادارہ تنظیم الاسلام کے زیر اہتمام سید الابرار، احمد مختار، حضرت محمد صلی اللہ علیہ وآلہ وسلم کے میلاد مسعود کی خوشی میں ایک عظیم الشان مشعل بردار جلوس جس میں ہزاروں کی تعداد میں عوام الناس شرکت کرے گی، آج بروز جمعة المبارک بعد نماز مغرب درگاہ حضرت ابو البیان سے نکالا جائے گا ، جو جی ٹی روڈ سے ہوتا ہوا نگار پھاٹک تک اور وہاں سے عاشقان مصطفی کا یہ قافلہ اپنے نبی کریم صلی اللہ علیہ وآلہ وسلم پر درود و سلام پڑھتا ہوا اور نعرے ہائے تکبیر و رسالت لگاتا ہوا واپس درگاہ حضرت ابو البیان ماڈل ٹائون پہنچ کر اختتام پذیر ہو گا۔

جلوس کی قیادت امیر اعلیٰ عالمی ادارہ تنظیم الاسلام صاحبزادہ پیر محمد رفیق احمد مجددی کریں گے، علاوہ ازیں علماء و مشائخ عظام ، اساتذہ کرام ، طلباء ، ڈاکٹرز ، سماجی اور سیاسی شخصیات سمیت تمام طبقہ ہائے فکر شرکت کریں گے۔

by Majid Khan

Nasir Mehmood - Chief Editor at GeoURDU.com