قاہرہ (جیوڈیسک) مصر میں آئینی مسودے پر دو روزہ ریفرنڈم میں ووٹنگ آج بھی جاری رہے گی۔ گزشتہ روز پرتشدد واقعات میں 9 افراد ہلاک ہوئے۔
ریفرنڈم میں کامیابی کی صورت میں فوجی سربراہ کے لیے صدارتی انتخاب لڑنے کی راہ ہموار ہوجائے گی۔ مصر میں جاری ریفرنڈم اس نئے آئین کے لیے ہے جس کی منظوری کی صورت میں فوجی سربراہ جنرل عبد الفتاح السیسی صدر کے عہدے کے لیے انتخاب میں کھڑے ہو پائیں گے۔
سابق صدر مرسی کی جماعت اخوان المسلمین نے ریفرینڈم کا بائیکاٹ کیا ہے۔ ریفرینڈم کے موقع پر سیکیورٹی کے سخت انتظامات کیے گئے ہیں تاہم اخوان المسلموں کے حامیوں اور پولیس میں جھڑپوں کے باعث 9 افراد ہلاک ہو گئے۔
حکام کا کہنا ہے کہ نیا آئین شہریوں کو قدرے زیادہ حقوق اور آزادی فراہم کرتا ہے جبکہ ناقدین کی نظر میں نیا آئین عوام کے بجائے فوج کے حقوق کا محافظ ہے۔
پیرس: پی آئی اے کی پرواز 3 گھنٹے تاخیر کا شکار، مسافروں کو مشکلات
اسرائیلی وزیر دفاع کی امریکی وزیر خارجہ سے معافی
