سوات (جیوڈیسک) وزیراعظم نواز شریف کا کہنا تھا کہ چاہے اقتدار رہے یا نہ رہے لیکن انصاف کا دامن کسی قیمت ہاتھ سے نہیں چھوڑوں گا۔
سوات میں یوتھ بزنس لون اسکیم کے حوالے سے منعقدہ تقریب سے خطاب کرتے ہوئے وزیراعظم نواز شریف کا کہنا تھا کہ قرضہ اسکیم کی سب سے زیادہ ضرورت سوات کے عوام کو ہے کیونکہ امن کے لئے سوات کے لوگوں نے بہت قربانیاں دی ہیں۔
ان کا کہنا تھا کہ وہ پوری قوم کے وزیراعظم ہیں اور انہیں وطن عزیز کا ہر شخص عزیز ہے، قرضہ حاصل کرنے کا نظام اس طرح بنایا گیا ہے کہ مجھ سمیت کسی وزیر یا مشیر کی سفارش بھی نہیں چلے گی بلکہ قرضہ صرف اور صرف میرٹ کی بنیاد پر دیا جائے گا۔
وزیراعظم نواز شریف کا کہنا تھا کہ ترقی کی دوڑ میں ہم بہت پیچھے رہ گئے ہیں نوجوان ملکی ترقی کے لئے آگے بڑھیں، ترقی یافتہ ممالک میں 80 فیصد ترقی نوجوانوں کے سبب ہوئی ہے، قرضہ اسکیم ملک کے نوجوانوں کے لئے ہے اور سوات کے عوام کو بھی اس اسکیم سے بھرپور فائدہ اٹھانا چاہئے۔
انہوں نے کہا کہ آج تک کسی نے بھی نوجوانوں کو کاروبار شروع کرنے کے لئے قرضہ نہیں دیا، بینک صرف خاص طبقے کے لئے نہیں بلکہ یہ پاکستان کے بینک ہیں اور اس میں جو پیسہ ہے وہ صرف امیر طبقے کے لئے نہیں بلکہ اس پر پوری قوم کا حق ہے۔
نوابشاہ: سکول وین مسافر گاڑی میں تصادم، ہلاکتوں کی تعداد 22 ہوگئی
پی ٹی آئی کی ملازم بچے پر تشدد کیخلاف سندھ اسمبلی سیکرٹریٹ میں قرارداد جمع
