پشاور (جیوڈیسک) ہائیکورٹ میں لاپتہ افراد کو حراست میں لینے میں ملوث اہلکاروں کیخلاف کارروائی کا حکم دیا ہے۔
پشاور ہائیکورٹ میں چار سو تیرہ لاپتہ افراد سے متعلق کیس کی سماعت جسٹس فصیح الملک اور جسٹس ارشاد قیصر پر مشتمل دو رکنی بینچ نے کیس کی سماعت کی۔
محکمہ داخلہ کی جانب سے ڈپٹی سیکیریٹری عثمان زمان عدالت میں پیش ہوئے، سماعت کے دوران ڈپٹی اٹارنی جنرل مزمل شاہ کا کہنا تھا کہ اٹھارہ لاپتہ افراد کو حراستی مراکز میں منتقل کردیا گیا ہے۔
پشاور ہائیکورٹ نے آئی جی خیبر پختونخوا کو ہدایت کی کہ لاپتہ افراد کو اٹھانے میں ملوث پولیس اہلکاروں کے خلاف کاروائی کی جائے، ڈپٹی اٹارنی جنرل نے عدالت کو تفصیلی رپورٹ جمع کرانے کے لئے ایک ماہ کی مہلت مانگی۔
جس پر عدالت نے کیس کی سماعت چھبیس فروری تک ملتوی کرتے ہوئے آئندہ سماعت پر تفصیلی رپورٹ جمع کرانے کا حکم دیا۔
لاہور: دھند کا راج، درجنوں پروازیں موخر اور تاخیر کا شکار
پشاور: تبیلغی مرکز میں دھماکا، 8 افراد شہید، 60 زخمی
