کروڑ لعل عیسن کی خبریں 18/1/2014
Posted on January 19, 2014 By Geo Urdu سٹی نیوز
محمد صلی اللہ علیہ وآلہ وسلم کی غلامی کے بغیر کامیابی ممکن نہیں۔ اللہ تعالیٰ نے حضرت آدم سے پہلے عرش و فرش اور درختوں کے پتوں پر اپنے ساتھ محمد صلی اللہ علیہ وآلہ وسلم کا نام لکھ دیا تھا
کروڑ لعل عیسن ( نامہ نگار) محمد صلی اللہ علیہ وآلہ وسلم کی غلامی کے بغیر کامیابی ممکن نہیں۔ اللہ تعالیٰ نے حضرت آدم سے پہلے عرش و فرش اور درختوں کے پتوں پر اپنے ساتھ محمد صلی اللہ علیہ وآلہ وسلم کا نام لکھ دیا تھا۔ محمد کی غلامی کا طوق اپنے گلے میں ڈال کر ہم ترقی کر سکتے ہیں اوریہود و نصاریٰ کے مضموم عظائم کو ناکام بنایا جا سکتا ہے ۔ ان خیالات کا اظہار جماعت اہلسنت کے نائب صدر علامہ قاری عظمت اللہ باروی نے گزشتہ شب محمدی مسجد میں میلاد مصطفی صلی اللہ علیہ وآلہ وسلم کے جلسہ سے خطاب کرتے ہوئے کیا۔ انہوں نے کہا کہ اگر حضور صلی اللہ علیہ وآلہ وسلم نہ ہوتے تو نہ جنت ہوتی نا دوزخ ، نا عرش ہوتا نہ فرش اور کچھ نہ ہوتا ۔ یہ سب ہمیں حضور اکرم صلی اللہ علیہ وآلہ وسلم کے صدقہ سے ملا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) مورخہ 21 جنوری بروز منگل بعد نماز مغرب چکنمبر 84 ریلوے پھاٹک کے نزدیک ملک امان اللہ جکھڑ کے ڈیرے پر ایک عظیم الشان محفل میلاد منعقد ہو گی جس میں خصوصی خطاب حضرت علامہ مفتی قاری محمد اشفاق سعیدی گولڑوی چشتی کریں گے۔ جبکہ غضنفر علی خان چشتی ، ڈاکٹر صفدر کوکب اور قیصر نقشبندی سمیت نعت خوان ہدیۂ نعت پیش کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دہشتگردی اور مہنگائی نے لوگوں کی زندگی اجیرن کر کے رکھ دی ہے۔ موجودہ حکومت عوام کی بھلائی اور تحفظ فراہم کرنے کے اقدامات کرے
کروڑ لعل عیسن ( نامہ نگار ) دہشتگردی اور مہنگائی نے لوگوں کی زندگی اجیرن کر کے رکھ دی ہے۔ موجودہ حکومت عوام کی بھلائی اور تحفظ فراہم کرنے کے اقدامات کرے۔ ان خیالات کا اظہار سابق امیدوار صوبائی اسمبلی چوہدری اطہر مقبول میں اپنے ایک بیان میں کیا۔ انہوں نے کہا کہ ملک اس وقت دہشتگردی ، تخریب کاری میں گھر اہوا ہے دوسری جانب بجلی ، گیس سمیت دیگر اشیاء کی قیمتوں میں بے تحاشہ اضافے نے عوام کی کمر توڑ کر رکھ دی ہے۔ دہشتگردی کے خاتمے کیلئے ہمیں اتحاد ، یکجہتی اور بھائی چارے کو فروغ دینا ہو گا۔ اس سلسلہ میں حکومت تمام جماعتوں کو اعتماد میں لے کر کوئی مناسب حکمت عملی اختیار کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تبلیغی مرکز پشاور میں دھماکہ کی مزمت کرتے ہوئے ایم این اے صاحبزادہ فیض الحسن ، سابق ایم پی اے ملک عبدالشکور سواگ ، صاحبزادہ محبوب الحسن ،چوہدری اطہر مقبول اور طارق پہاڑنے کہا کہ دہشتگردوں کی جانب سے امن کی جگہ مسجد پر تبلیغی بھائیوں کے اجتماع کے موقع پر حملہ انتہائی افسوسناک ہے
کروڑ لعل عیسن ( نامہ نگار) تبلیغی مرکز پشاور میں دھماکہ کی مزمت کرتے ہوئے ایم این اے صاحبزادہ فیض الحسن ، سابق ایم پی اے ملک عبدالشکور سواگ ، صاحبزادہ محبوب الحسن ،چوہدری اطہر مقبول اور طارق پہاڑنے کہا کہ دہشتگردوں کی جانب سے امن کی جگہ مسجد پر تبلیغی بھائیوں کے اجتماع کے موقع پر حملہ انتہائی افسوسناک ہے جس کی پر زور مزمت کرتے ہیں اور اعلیٰ سطح پر انکوائری کیلئے KPK کی صوبائی حکومت سے مطالبہ کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مورخہ 21 جنوری بروز منگل صبح 10 بجے موضع ڈپھی مکوڑی چوک بستی احمد گھنڈا میں پیر آف سواگ شریف صاحبزادہ احمد حسن سواگ کی زیر صدارت ایک عظیم الشان جلسہ منعقد ہو گا
کروڑ لعل عیسن ( نامہ نگار) مورخہ 21 جنوری بروز منگل صبح 10 بجے موضع ڈپھی مکوڑی چوک بستی احمد گھنڈا میں پیر آف سواگ شریف صاحبزادہ احمد حسن سواگ کی زیر صدارت ایک عظیم الشان جلسہ منعقد ہو گا جس میں خصوصی خطاب مولانا سید حسن علی شاہ آف بھکر جبکہ غضنفر خان قریشی ، قاری رمضان الحسن ، صفدر کوکب ، غلام فرید چشتی ، سید بلال شاہ اور قاری رحمت اللہ ہدیۂ نعت پیش کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضور نبی کریمۖ صلی اللہ علیہ وآلہ وسلم کی تشریف آوری سے اندھیروں میں اجالا ہوا۔ جن لوگوں کی آنکھوں جہالت اور فرقہ پرستی کے پردے پڑے ہوئے ہیں
کروڑ لعل عیسن ( نامہ نگار) حضور نبی کریمۖ صلی اللہ علیہ وآلہ وسلم کی تشریف آوری سے اندھیروں میں اجالا ہوا۔ جن لوگوں کی آنکھوں جہالت اور فرقہ پرستی کے پردے پڑے ہوئے ہیں وہ اپنی علیحدہ دکان چمکانے کیلئے میلاد کو متنازعہ بنا رہے ہیں۔ اگر علماء دکانداری ختم کر کے ایک میز پر بیٹھ جائیں و مسئلہ حل ہو سکتا ہے۔ ان خیالات کا اظہار معروف عالم دین قاری محمد اشفاق سعیدی گولڑوی نے گزشتہ روز سابق نائب ناظم سردار اللہ نواز خان سیہڑ کے مکان پر محفل میلاد کے جلسہ سے خطاب کرتے ہوئے کیا۔ اس موقع پر سردار ذوالفقار علی خان ، سردار غلام جیلانی خان ، مظہر خان ، احمد نواز خان عرف عزیز خان ، ملک مشتاق اور مرتضیٰ خان ایڈووکیٹ سمیت دیگر افراد نے شرکت کی۔ قاری اشفاق نے کہا کہ 14 سو سال قبل بھی حضور اکرم ۖ کی آمد کا جشن منایا گیا تھا اور استقبال کیا گیا تھا۔ انہوں نے مزید کہا کہ اگر علماء ڈگمگا جائیں تو مقتدین تباہ و برباد ہو جائیں۔ علماء کو اپنا کردار پیش کرنا ہو گا۔
فراہمی و نکاسی آب کے غیر قانونی کنکشن کی روک تھام کے لئے موثر نظام قائم کر کے عوامی شکایات کا ازالہ کیا جائے۔ نشاط ضیاء قادری
