چوری کی 2 مختلف وارداتوں میں 20 لاکھ روپے کے طلائی زیوارت سمیت قیمتی سامان چرا لیا گیا

Posted on January 20, 2014 By Majid Khan سٹی نیوز

وزیر آباد : چوری کی 2 مختلف وارداتوں میں 20 لاکھ روپے کے طلائی زیوارت سمیت قیمتی سامان چرا لیا گیا۔ گلہ موجدین کے رہائشی محمد اکرم بٹ اور یاسر بٹ سویٹ ہائوس والے اہل خانہ کے ہمراہ گوجرانوالہ گئے ہوئے تھے کہ ان کی عدم موجودگی کا فائدہ اٹھاتے ہوئے نامعلوم چور تالے توڑ کر گھر میں موجود 5تولہ طلائی زیورات، 50 ہزار روپے مالیت کی قیمتی گھڑی اور اڑھائی لاکھ روپے نقدی چرا لے گئے۔

جبکہ دوسری واردات میں محکمہ صحت کا ملازم محلہ نظام آباد کا رہائشی ڈاکٹر شہزاد رائے اپنے بیمار بچے کے علاج کے سلسلہ میں بیوی سمیت لاہور میں مقیم تھا کہ ان کی عدم موجودگی میں رات گئے نامعلوم چور گھر میں گھس کر 34 تولہ طلائی زیورات، لیپ ٹاپ سمیت دیگر قیمتی سامان چرا نے میں کامیاب ہو گئے۔

شہر اور گردونواح میں چوری، ڈکیتی کی بڑھتی ہوئی وارداتوں پر سیاسی و سماجی حلقوں نے اعلیٰ پولیس حکام سے مطالبہ کیا ہے کہ عوام الناس کے تحفظ کی خاطر مقامی پولیس کی کارکردگی کو بہتر بنایا جائے۔

by Majid Khan

Nasir Mehmood - Chief Editor at GeoURDU.com