لاہور (جیوڈیسک) پنجاب کے وزیراعلیٰ محمد شہباز شریف کا کہنا ہے کہ ملک نازک دور سے گزر رہا ہے، دشمن کے ناپاک عزائم ناکام بنانے کیلئے پوری قوم کو متحد ہونا ہوگا، ملک کا امن تباہ کرنے والے عناصر کسی رعایت کے مستحق نہیں۔ وزیراعلیٰ پنجاب نے امن وامان کی صورتحال کے حوالے سے اجلاس کی صدارت کی۔
انہوں نے ہدایت کی کہ انسداد دہشت گردی فورس کے قیام کاعمل مزید تیز بنانے کیلئے فوری اقدامات کئے جائیں اور موجودہ حالات کے تناظر میں صوبہ بھر میں سیکیورٹی کو مزید سخت بنایا جائے۔
ان کاکہنا تھا کہ داخلی اور خارجی راستوں پرچیکنگ سخت کی جائے اور شرپسندوں پر کڑی نگاہ رکھی جائے۔
وزیراعلیٰ پنجاب نے معاشرے میں امن وامان کی فضا برقرار رکھنے کیلئے رواداری، برداشت اور بھائی چارے کے جذبات کو فروغ دینے کی ضرورت پر بھی زور دیا۔
حکومت نے چیرمین پی سی بی ذکا اشرف کی بحالی سپریم کورٹ میں چیلنج کردی
پشاور میں 5 کلو گرام بارودی مواد ناکارہ بنادیا گیا
