پولیو کے قطرے پلانے والی ٹیمیں انسانیت کی فلاح کا کام کر رہی ہیں: غلام دستگیر خان
Posted on January 23, 2014 By Majid Khan گوجرانوالہ
گوجرانوالہ: مسلم لیگ ن کے سینئر رہنما و سابق وفاقی وزیر غلام دستگیر خان نے کہا ہے کہ پولیو کے قطرے پلانے والی ٹیمیں انسانیت کی فلاح کا کام کر رہی ہیں قوم ہیلتھ ورکرزقربانیوں کو قدر کی نگاہ سے دیکھتی ہے ، اسلام سچا دین ہے جو دوسروں کے ساتھ حسن سلو ک کا حکم دیتا ہے اور اس میں دہشت گردی کی کوئی گنجائش نہیں طالبان بے گناہوں کا خون بہا کربندوق کی نوک پر اپنی مرضی کا سلام نافذ کرنا چاہتے ہیں،،دوسروں کو کافر اور خود کو مومن سمجھنے والے معاشرے میں نفرتیں پھیلا رہے ہیں ان خیالات کا اظہار انہوں نے اپنی رہائش گاہ پر پارٹی کارکنوں سے خطاب کرتے ہوئے کیا۔
انہوں نے کہا کہ نبی کریم ۖ نے خطبہ ء حجتہ الوداع میں واضح طور پر فرمایاکہ سوائے تقویٰ اور نیک اعمال کے کسی انسان کو دوسرے انسان پر کوئی برتری نہیں لیکن طالبان کی اسلام سے متعلق تشریح اسکے بالکل منافی ہے،طالبان کا ایجنڈہ انسانیت کی فلا ح کی بجائے صرف اور صرف تباہی ہے۔
مٹھی بھر لوگوں نے اپنے مذموم مقاصد کے حصول کے لئے معصوم اور بے گناہوں انسانوں کی ہلاکت کو اپنی زندگی کا مقصد بنا رکھا ہے،انسانیت کی بقاء و ملکی سلامتی کی خاطر تمام سیاسی قوتیں یکجان ہو کر شیطانیت کا کھیل کھیلنے والوں کے خلاف متحد ہو جائیں،حکومت عوام کی جان و مال کے تحفظ کے لئے دہشت گردی کو اکھاڑ پھینکنے کے لئے پر عزم ہے امن وا مان کے قیام اور ملکی معیشت کو بحال کرنے کے لئے آخری دہشت گرد کا بھی پیچھا کیا جائے گا۔
by Majid Khan
Nasir Mehmood - Chief Editor at GeoURDU.com
گوجرانوالہ: خرم دستگیر کے وفاقی وزیر بننے پر شدید ہوائی فائرنگ
