لاہور (جیوڈیسک) لاہور میں صدر ڈویژن پولیس نے سرچ آپریشن کے دوران 45 افراد کو حراست میں لے لیا، ان افراد میں قبائل اور خیبر پختون خوا کے مختلف علاقوں سے تعلق رکھنے والے 15 افراد بھی شامل ہیں۔
پولیس کے مطابق اعلیٰ حکام کی ہدایت پر تھانہ گرین ٹاؤن اور ٹاؤن شپ کی پولیس نے بھاری نفری کے ساتھ نواحی علاقوں بھیڑ اور فیروزیاں میں مشتبہ افراد کے خلاف سرچ آپریشن کیا، پولیس اہل کاروں نے گھر گھر جا کر لوگوں کے کوائف چیک کیے۔
آپریشن کے دوران پولیس نے شناختی کاغذات نہ رکھنے والے 45 افراد کو حراست میں لے لیا جن میں سے 15 کا تعلق قبائلی علاقوں اور خیبرپختون خوا کے مخلتف علاقوں سے ہے۔
مذاکرات یا آپریشن؟ حکومت پوزیشن واضح کرے، طالبان، آج غور کرینگے، وزیر اطلاعات
نواب شاہ: وین حادثے میں جاں بحق بچوں کا اسکول 12 دن بعد کھل گیا
