ڈنگہ کی خبریں 26/1/2014
Posted on January 27, 2014 By Geo Urdu سٹی نیوز
ڈنگہ :ٹی ایم اے نان ہیڈ کوارٹر ڈنگہ کے الیکٹریشن ظہور محمد حرکت قلب بند جانے سے انتقال فرما گئے
ڈنگہ(محمدبلال احمد بٹ)ٹی ایم اے نان ہیڈ کوارٹر ڈنگہ کے الیکٹریشن ظہور محمد حرکت قلب بند جانے سے انتقال فرما گئے،ظہور محمد عرصہ دراز سے ٹی ایم اے ڈنگہ میں ملازم تھے اور الیکڑیشن کی پوسٹ پر کام کر رہے تھے اب وہ کچھ ہی عرصہ بعد ریٹائرڈ ہونے والے تھے،ظہور محمد عرصہ دو سال سے بیمار تھے اور آج اچانک شام تین بجے وفات پا گئے نما زجنازہ آج ادا کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نواحی گائوں موضع چک محمود میں 18 سالہ دوشیزہ کو 7افراد نے اغوا کر لیا
ڈنگہ ( محمد بلال احمد بٹ ) ڈنگہ کے نواحی گائوں موضع چک محمود میں 18 سالہ دوشیزہ کو 7افراد نے اغوا کر لیا ، تفصیلات کے مطابق نواحی گائوں چک محمود میں غلام احمد گجر کے گھر یٰسین ولد شہادت علی سکنہ چک نمبر 396 روڑنوالی کا گھر میں آنا جانا تھا ، کہ اُس نے موقع پا کر غلام احمد گجر کی جوانسالہ ہمشیرہ الوینہ شہزادی کو یٰسین ولد شہادت علی ، منصب ولد کیبا خاں ، خان ولد فلک شیر اقوام وٹو سکنائے چک نمبر 396 ، ماسٹر محمد نواز ولد خواج دین ، جنید اقبال ولد محمد نواز ، جہانگیر احمد ولد نذیر احمد اقوام گجر سکنائے سیکریالی سمیت نامعلوم افراد زبردستی اغوا کر کے لے گئے ،تھانہ ڈنگہ نے الوینہ شہزادی کے بھائی غلام احمد گجر ولد محمد انور گجر سکنہ چک محمود کی درخواست پر 6 نامزد اور 1 نا معلوم افراد کیخلاف 365-B ت پ کے تحت مقدمہ درج کر کے تفتیش شروع کر دِی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مسلم لیگ ن نے الیکشن کے التوا ء سے اپنے امیدواروں کی عزت بچا لی ہے،چوہدری اخلاق احمد رنیاں
ڈنگہ (محمد بلال احمد بٹ ) پاکستان مسلم لیگ ق حلقہ پی پی 113 کے راہنما ، سابق ناظم ، امیدوار برائے جنرل کونسلر وارڈ نمبر 1 ڈنگہ چوہدری اخلاق احمد رنیاں نے اپنے بیان میں کہا مسلم لیگ ن نے الیکشن کے التوا ء سے اپنے امیدواروں کی عزت بچا لی ہے۔اس الیکشن میں غیور پنجابی عوام نے تہیہ کر رکھا تھا کہ ن لیگ کو صرف اور صرف بد دعائیں اور کورا جواب دینگے، اُنہوں نے جو عوام کو دھوکے میں رکھا وہ اِس قابل نہیں کہ عوام اُن پر پھر اندھا اعتماد کرے ، مخالفین اپنی تمام تر حکومتی بیساکھیوں سمیت خود کو بہت کمزور محسوس کر رہے ہیںاور ان کو نظر آ رہا ہے کہ اگلی بار الیکشن میں حکومت کی ناکام پالیسیوں کے باعث انہیں کامیابی کے کوئی آثار نظر نہیں آ رہے ،مسلم لیگ ن کے نمائندے خود مسلم لیگ ن سے رہائی مانگ رہے ہیں۔اور عوام الناس ن لیگ کو ووٹ کرنا ایک بہت بڑی غلطی تسلیم کر رہے ہیں۔مہنگائی بے روزگاری اور لا قانونیت نے قوم کو حکمرانوں سے عاجز کر دیا ہے،مسلم لیگ نے بلدیاتی انتخاب کے امیدواروں کے کہنے کے مطابق ہی الیکشن کو جان بوجھ کر التوا میں ڈالا ہے کیونکہ دھاندلی کے تمام تر انتظامات کے باوجود مسلم لیگ ن کو شکست نظر آ رہی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مستقل حاضری کے ساتھ عوام کے درمیان موجود ہیں۔الیکشن ہوں یا نہ ہوں ہمارا عوام سے گہرا تعلق خدمت کا ہے،میاں افتخار احمد آف کولیاں شاہ حسین
ڈنگہ (محمد بلال احمد بٹ ) کولیاں شاہ حسین کے ممتاز زمیندار ، رئیس اعظم پاکستان تحریک انصاف کے اہم راہنما امیدوار برائے جنرل کونسلر میونسپل کمیٹی ڈنگہ میاں افتخار احمد نے اپنے بیان میں کہا ہے کہ مستقل حاضری کے ساتھ عوام کے درمیان موجود ہیں۔الیکشن ہوں یا نہ ہوں ہمارا عوام سے گہرا تعلق خدمت کا ہے۔ووٹوں کی بنیاد پر نہیں ہمیشہ انصاف کی بنیاد پر فیصلہ کیا۔اور ہم جگڑے پیدا کروا کے سیاست کرنے کے مخالف ہیں اور ہم تو شرعی حکم کے مطابق اگر کوئی دو مسلمان بھائیوں کے درمیان جگڑا ہو جاٰئے تو اسکی صلح کروانے کی کوشش کرتے ہیں۔جلد ڈنگہ میں اہم شخصیات تحریک انصاف میں شمولیت کا اعلان کریں گی۔جس سے ڈنگہ میں پاکستان تحریک انصاف مضبوط ہو گی۔اور انشاء اللہ پورے ملک کی طرح ڈنگہ بھی تحریک انصاف کے چاہنے والوں کا گھر ثابت ہو گا۔انشاء اللہ تعالیٰ میاں فیملی نے عرصہ دراز سے عوام کی خدمت میں کوئی کسر باقی نہ رہنے دی ، اپنے بزرگوں کے نقشِ قدم پر چلتے ہوئے عوام کی فلاح و بہبود کیلئے ڈیرہ ڈنگہ پر ہمارے دروازے ہر خاص و عام کے کھلے ہیں ، ہمارے سیاسی مخالفین میری بڑھتی ہوئی مقبولیت سے بوکھلاہٹ کا شکار ہو چکے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بے نظیر بھٹو شہید پارک مسیحوں کا منتظر، جھولے اکھڑ گئے ، گندگی کے ڈھیر، کوئی والی وارث نہیں رہا
ڈنگہ ( محمدبلال احمد بٹ ) بے نظیر بھٹو شہید پارک مسیحوں کا منتظر، جھولے اکھڑ گئے ، گندگی کے ڈھیر، کوئی والی وارث نہیں رہا۔مدینہ کالونی ڈنگہ میں تحصیل میونسپل ایڈمنسٹریشن کے زیر تحت تفریخی پارک بھوتوں کا گھر نظر آ رہا ہے۔عوامی سہولت کیلئے بننے والے پارک کی تالہ بندی کر دی گئی ہے،عوامی و سماجی حلقوں نے سخت مذمت کی ہے اور اس کے متعلق حکام بالا کو نوٹس لینے کی اپیل کی ہے، جبکہ شہر کے وسط میں تفریخی پارک کی حالت نا گفتہ بے ہونے کی بڑی وجہ ٹی ایم اے کی نااہلی گردانی جا رہی ہے۔
