اسلام آباد (جیوڈیسک) پولیس نے غداری کیس میں پرویز مشرف کی وارنٹ گرفتاری کے لیے تعمیلی رپورٹ تیار کر لی، آئی جی اسلام آباد کل خصوصی عدالت میں رپورٹ پیش کریں گے، سابق صدر کی کل عدالت حاضری ڈاکٹروں کی رائے سے مشروط ہے۔
اسلام آباد پولیس نے غداری کیس میں پرویز مشرف کی وانٹ گرفتاری کے لیے تعمیلی رپورٹ تیار کر لی ہے۔ آئی جی اسلام آباد کل خصوصی عدالت میں تعمیلی رپورٹ پیش کریں گے۔
تین فروری کو ایس پی رورل کیپٹن ریٹائرڈ الیاس کی سربراہی میں پولیس کی ٹیم نے اے ایف آئی سی میں پرویز مشرف سے وارنٹ گرفتاری کی تعمیل کرائی تھی۔
سابق صدر نے وارنٹ کی خود تعمیل کرتے ہوئے عدالت حاضری کی یقین دہانی کرائی تھی۔ تعمیلی رپورٹ میں راشد قریشی کی جانب سے جمع کرائے گئے ضمانتی مچلکوں کا بھی ذکر ہے۔
ذرائع کے مطابق پرویز مشرف کی کل خصوصی عدالت حاضری ڈاکٹروں کی رائے سے مشروط ہے۔ ہسپتال سے باہر جانے کی اجازت دیئے جانے پر مشرف عدالت حاضر ہو سکتے ہیں۔
لیپ ٹاپ تقسیم کرنے کا سلسلہ آئندہ بھی جاری رہے گا، وزیراعلیٰ پنجاب
کنٹونمنٹ بورڈ انتخابات، سپریم کورٹ کا اٹارنی جنرل سے تین نکات پر جواب طلب
