گجرات کی خبریں 7/2/2014
Posted on February 8, 2014 By Geo Urdu سٹی نیوز
سٹیزن فرنٹ ضلع گجرات کی طرف سے بے مثال بہادری کا مظاہرہ کرنے والی ٹیچر سمیعہ اعظم کو نشان گجرات ایوارڈ دیا گیا
گجرات (جی پی آئی) سٹیزن فرنٹ ضلع گجرات کی طرف سے بے مثال بہادری کا مظاہرہ کرنے والی ٹیچر سمیعہ اعظم کو نشان گجرات ایوارڈ دیا گیا ، گزشتہ روز راجیکی شریف میں سٹیزن فرنٹ ضلع گجرات کے صدر چوہدری علی ابرار جوڑا و دیگر عہدیداران نے اپنے دست مبارک سے شہید ٹیچر سمیعہ اعظم کے بھائی چوہدری سجاد وڑائچ ، چوہدری اعجاز وڑائچ کو یہ ایوارڈ دیا ، اس موقع پر خطاب کرتے ہوئے ضلعی صدر سٹیزن فرنٹ چوہدری علی ابرار جوڑا نے کہا کہ سٹیزن فرنٹ اپنی مدد آپ کے تحت کام کرنے والی تنظیم ہے ، جس کا مقصد عوام کو سہولت فراہم کرنا ہے ، اس تنظیم میں تمام جماعتوں سے تعلق رکھنے والے افراد موجود ہیں جو کہ ذات برادری اور مذہب سے بالا تر ہو کر کام کرتے ہیں ، سٹیزن فرنٹ کو یہ اعزاز حاصل ہے کہ یہ تنظیم ہمیشہ عملی کام کرنے پر یقین رکھتی ہے اس تنظیم کے تمام ممبران خدمت خلق کے جذبہ کے تحت کام کرتے ہیں ، اور ہمیں شہید سمیعہ اعظم کے کردار پر فخر ہے کہ انہوںنے دوبارہ اساتذہ اور طلباء کے رشتے کو اجاگر کیا اگر اسی طرح سب قربانیاں دینے کا جذبہ رکھیں تو تمام مسائل حل ہو سکتے ہیں ، انہوں نے کہا کہ سٹیزن فرنٹ عملی کام پر یقین رکھتی ہے ، اور ہمیشہ عملی طریقے سے عوام کی خدمت کی ہے اور آئندہ بھی اسی مشن کے تحت کام کرتے رہینگے ، خاور بشیر بٹ نے کہا کہ سمیعہ اعظم شہید کو جتنا خراج تحسین پیش کیا جائیگا کم ہے اور ہمارے تمام ممبران شہید کی عظمت کو سلام پیش کرتے ہیں ، اور عہد کرتے ہیں کہ سٹیزن فرنٹ اپنے شہداء کی قربانیوں کو ہمیشہ یاد رکھے گی ، شہید سمیعہ اعظم کے بھائی چوہدری سجاد وڑائچ نے کہاکہ ہمیں فخر ہے کہ ہم سمعیہ اعظم کے بھائی ہیں جنہوں نے قربانی دے کر اپنے طالب علموں کی جان بچائی ، انہوں نے یہ بھی امتیاز نہیں کیا کہ ان کے اپنے بھتیجے بھی اسی گاڑی میں سوار ہیں انہوں نے بلا امتیاز طلباء کی جان بچانے کو مقدم رکھا اس موقع پر سٹیزن فرنٹ کے سٹی صدر شیخ عرفان پرویز ، جنرل سیکرٹری خاور بشیر بٹ ، ایم وائی ناصر ، اشرف منہاس ، فراز ملک ، عامر چوہدری ، راجہ اعجاز ، ندیم طفیل ، اکبربرلاس ، ڈاکٹر رزاق احمد غفاری و دیگر
ممبران بھی موجود تھے ، اس موقع پر تمام شرکاء نے شہید سمیعہ اعظم کے درجات کی بلندی کیلئے دعا کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینٹی کرپشن اینڈ اینٹی نارکوٹیکس ایسوسی ایشن آف پاکستان کے ضلعی عہدیداران کے نوٹیفکیشن جاری کر دئیے گئے
گجرات (جی پی آئی) اینٹی کرپشن اینڈ اینٹی نارکوٹیکس ایسوسی ایشن آف پاکستان کے ضلعی عہدیداران کے نوٹیفکیشن جاری کر دئیے گئے ، ڈی سی او گجرات آصف بلال لودھی نے اپنے دست مبارک سے نوٹیفکیشن عہدیداران کو دئیے ، جن میں ضلعی صدر شہزاد اجمل ، سینئر نائب صدر چوہدری شاہد اختر ، ضلعی آرگنائزر محمد اسماعیل ، جنرل سیکرٹری ابرار احمد ، نائب صدر حکیم نصر اللہ بٹ ، کوارڈی نیٹر عامر سرفراز ، ایڈیشنل جنرل سیکرٹری شہزاد سلیمی ، سیکرٹری فنانس ندیم رشید ، انفارمیشن سیکرٹری ملک فراز آف گرافکس ایڈورٹائزر ، جائنٹ سیکرٹری طارق عزیز ، میڈیا ایڈوائزر شہزاد اقبال شامل ہیں ، اس موقع پر ممتاز شخصیات کی کثیر تعداد موجود تھی ، جن میں ای ڈی سی جی فاروق رشید ،ڈی او سی شجاع قطب بھٹی ، راجہ تیمور طارق ، نوازش علی نوازش ، ڈاکٹر رزاق احمد غفاری ،ندیم بٹ پی ایس او و دیگر شامل ہیں ، اس موقع پر ضلعی صدر شہزاد اجمل نے مہمانوں کے اعزا ز میں پر تکلف عصرانہ دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت فراز ملک کو اینٹی کرپشن اینڈ اینٹی نارکوٹیکس ایسوسی ایشن آف پاکستان کا سیکرٹری انفارمیشن مقرر کر دیا گیا
گجرات (جی پی آئی) ممتاز سماجی شخصیت فراز ملک کو اینٹی کرپشن اینڈ اینٹی نارکوٹیکس ایسوسی ایشن آف پاکستان کا سیکرٹری انفارمیشن مقرر کر دیا گیا ، گزشتہ روز ایک پروقار تقریب میں ڈی سی او گجرات آصف بلال لودھی نے انہیں نوٹیفکیشن دیا ، اس موقع پر ممتاز شخصیات کی کثیر تعداد موجود تھی ، انہوںنے فراز ملک کو سیکرٹری انفارمیشن منتخب ہونے پر مبارک باد پیش کی اور امید ظاہر کی کہ فراز ملک پہلے کی طرح اپنے فرائض احسن طریقہ سے سرانجام دینگے اور پسے ہوئے عوام کو ریلیف فراہم کرینگے ، فراز ملک نے ہمیشہ خدمت خلق کیلئے کام کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات آصف بلال لودھی نے کہا ہے کہ ہر شعبہ میں بہتری کی ضرورت ہے
گجرات (جی پی آئی) ڈی سی او گجرات آصف بلال لودھی نے کہا ہے کہ ہر شعبہ میں بہتری کی ضرورت ہے ، اور ہمیں اپنی صلاحتیں عوام کی فلاح و بہبود کیلئے صرف کرنی ہیں وہ گزشتہ روز صحافیوں سے گفتگو کر رہے تھے ، انہوںنے کہا کہ ہم تمام شعبوں میں بہتری کیلئے کوشاں ہیں ، اور ہماری کوششیں تمام شعبوں کیلئے یکساں ہیں ، اپنی مدد آپ کے تحت کام کرتے ہوئے ضلعی حکومت میں اصلاحات کی جا رہی ہیں ، آرکیالوجی ڈیپارٹمنٹ کے زیر اہتمام گجرات میں جو منصوبے جاری ہیں وہ بھی مکمل کیے جائیں گے ، خصوصاً رام پیاری محل کے منصوبے کی تفصیلات طلب کی گئی ہیں ، اور اس منصوبہ کو جلد از جلد پائیہ تکمیل تک پہنچایا جائیگا، اور آرکیالوجی ڈیپارٹمنٹ سمیت تمام شعبوں میں اصلاحات کی جائیں گی ، عوام کا تعاون ہمارے شامل حال ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن جیسی لعنت کے خاتمہ کیلئے ہم سب کو مل کر کوشش کرنا ہو گی اور اس برائی کے خاتمہ کیلئے ہر فورم پر اس کی حوصلہ شکنی کی جائے
گجرات (جی پی آئی) کرپشن جیسی لعنت کے خاتمہ کیلئے ہم سب کو مل کر کوشش کرنا ہو گی اور اس برائی کے خاتمہ کیلئے ہر فورم پر اس کی حوصلہ شکنی کی جائے ، ان خیالات کا اظہار ڈی سی او گجرات آصف بلال لودھی نے گزشتہ روز اینٹی کرپشن اینڈ اینٹی نارکو ٹیکس ایسوسی ایشن آف پاکستان کی تقریب تقسیم نوٹیفکیشن کے موقع پر شرکاء سے خطاب کرتے ہوئے کیا ، آصف بلال لودھی نے مزید کہا کہ اس تنظیم کے نیک مقاصد کیلئے ہمارا ساتھ آپ لوگوں کے ساتھ ہے ، کرپشن اور منشیات کے خاتمہ کیلئے عوام اور تمام اداروں کو اس بارے آگاہی اخلاقیات کے دائرہ میں رہ کر دینا ہوگی ، اس بیماریوں کے خاتمہ کیلئے ہمیں ایک دوسرے کے ساتھ مل کر چلنا ہو گا، انہوں نے کہا کہ سب سے بڑی بات یہ ہے کہ پہلے اپنے آپ کو ٹھیک کریں اور بعد میں دوسرے لوگوں کو اس کی آگاہی دیں ، نیک نیتی اس میں شامل ہونی چاہیے ، تبھی ہم اپنے نیک مقاصدمیں کامیاب ہو سکتے ہیں ، انہوں نے مزید کہا کہ کرپشن کا مسئلہ حل کرنا ممکن ہے ناممکن نہیں ، لیکن اس بیماری سے چھٹکارا وقت کے ساتھ ساتھ ہی حاصل کر سکیں گے ، جب تک ہم برے کو برا نہیں کہیں گے اس وقت تک ہم اس برائی سے نجات حاصل نہیں کر سکتے ، آصف بلال لودھی نے کہا کہ میں شہزاد اجمل اور ان کی پوری ٹیم کو مبارک باد پیش کرتا ہوں اور ان کیلئے نیک خواہشات کے ساتھ ساتھ میں اور میرے تمام افسران آپ کے نیک مقاصد کیلئے آپ سے ہر موقع پر تعاون جاری رکھیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رئیس اعظیم صابووال الحاج ملک ، چوہدری شوکت ملک اور چوہدری جابر ولایت آف سنگرانا نے کہا ہے
گجرات (جی پی آئی) رئیس اعظیم صابووال الحاج ملک ، چوہدری شوکت ملک اور چوہدری جابر ولایت آف سنگرانا نے کہا ہے کہ ہم ڈی پی او گجرات رائے اعجاز ، ڈی ایس پی ہیڈ کوارٹر ملک منظور اعوان ، ایس ایچ او تھانہ رحمانیہ چوہدری بشارت اور انچارج چوکی ماڈل ٹائون چوہدری انورسرلہ کے شکر گزار ہیں کہ انہوں نے چوہدری ظفر چیئرمین اور شان علی کے مقدمہ قتل نمبر 198/13کے نامزد اشتہاری ملزمان عدنان اختر ، رضوان اختر اور شہزاد اسلم عرف حسینہ کو گرفتار کیا اور میرٹ پر تفتیش کرتے ہوئے انصاف کے تقاضوں کے مطابق ملزمان کو چالان کر کے جیل بھجوایا انہوں نے کہا کہ ہمیں امید ہے کہ عدالت بھی انصاف کے تقاضوں کو پورا کرے گی اور ملزمان کو قرار واقعہ سزا دی جائے گی ، ہم ڈی پی او گجرات کو خراج تحسین پیش کرتے ہیں کہ انہوں نے ایسے افسران تعینات کیے جو میرٹ پر کام کرنے پر یقین رکھتے ہیں اور ہمیں امید ہے کہ علاقہ میں انصاف کا بول بالا ہو گا اور ملزمان کو اپنے کیے کی سزا ملے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پریس کلب کے صدر وسیم اشرف بٹ،جنرل سیکرٹری محمود اختر محمود نے کھاریاں پریس کلب کے نو منتخب عہدیداران صدر حاجی عبدالرئوف،جنرل سیکرٹری شہزاد احمد،اور فنانس سیکرٹری آفتاب احمد کو مبارکباد دی
گجرات(پ -ر) گجرات پریس کلب کے صدر وسیم اشرف بٹ،جنرل سیکرٹری محمود اختر محمود نے کھاریاں پریس کلب کے نو منتخب عہدیداران صدر حاجی عبدالرئوف،جنرل سیکرٹری شہزاد احمد،اور فنانس سیکرٹری آفتاب احمد کو مبارکباد دی اور کہا کہ نو منتخب عہدیداران صحافیوں کے باہمی اتحاد واتفاق انکی فلاح وبہبوداور کھاریاں پریس کلب کی تعمیروترقی کیلئے اپنی صلاحیتوں کو بروئے کار لائیں گے علاقائی صحافت کو فروغ دیں گے اور عوامی مسائل کو اجاگر کرتے ہوئے انکے حل میں مدد دیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3بین الاضلاعی ڈکیت گینگ اور کرا ئے کے قاتل گرفتارتفصیلات کے مطابق DPOگجرات رائے اعجاز احمد کی ہدائیت پر DSP/SDPOصدر سرکل راجہ صداقت علی، SHOتھانہ کڑیانوالہ ملک عدنان ،SIامجد جاویداور ان کی ٹیم نے شب وروز
گجرات (جی پی آئی) 3بین الاضلاعی ڈکیت گینگ اور کرا ئے کے قاتل گرفتارتفصیلات کے مطابق DPOگجرات رائے اعجاز احمد کی ہدائیت پر DSP/SDPOصدر سرکل راجہ صداقت علی، SHOتھانہ کڑیانوالہ ملک عدنان ،SIامجد جاویداور ان کی ٹیم نے شب وروز محنت کے بعد 3بین الاضلاعی ڈکیت گینگ گرفتار کرلئے جو ضلع گجرات ،سیالکوٹ ،منڈی بہائو الدین ،سرگودھااور آزاد کشمیر میں اغواء برائے تاوان ،کرائے کے قتل، ہائوس ڈکیتی ،روڈ ڈکیتی کی وارداتوں میں ملوث ہیں۔DPOگجرات نے بہترین کارکردگی پرDSP/SDPOصدر سرکل راجہ صداقت علی، SHO ملک عدنان تھانہ کڑیانوالہ SIامجد جاوید اور ان کی ٹیم کو شاباش اور نقد انعام دینے کا اعلان کیا ہے ۔ گینگ کی تفصیل درج ذیل ہے ۔1۔حافظ ناصر ڈکیت گینگ:1۔حافظ ناصر ولد سائیں احمد قوم گجر سکنہ ڈھینڈا کلاں2۔عمر شہزاد ولد محمد رمضان قوم بٹ سکنہ ڈھینڈا کلاں 3۔عارف مسیح عرف ٹونا ولد پطرس قوم عیسائی سکنہ مارٹن پور ننکانہ صاحب4۔عابد علی عرف ڈاکٹر ولد لیاقت علی قوم جٹ سکنہ ڈھلے والی ۔احسان اللہ عرف سانا ولد محمد نواز قوم جٹ سکنہ بھاگووال کلاں 6۔جمشید عرف بٹو ولد غلام قادر قوم آرائیں سکنہ نواں پنڈ 2۔گلفام ڈکیت گینگ1۔گلفام حیدر ولد محمد اشرف قوم موچی سکنہ بھنڈر کلاں 2۔کامران حیدر ولد محمد اشرف قوم موچی سکنہ بھنڈر کلاں3۔وقاص احمد ولد محمد ولائیت قوم قریشی سکنہ بمبلی 4۔محمد اقبال ولد سائیں احمد قوم گجر سکنہ ڈھینڈا کلاں 3۔شمریز عرف شماں عرف واویلاڈکیت گینگ1۔شمریز احمد ولد محمد شفیع قوم ملک سکنہ ملک پور 2۔محمد شہزاد ولد محمد انور قوم ملک سکنہ ملک پور 3۔مظفر اقبال ولد دولت خاں قوم ملک سکنہ ملک پور 4۔علی مرتضیٰ ولد عبدالحق قوم ملک سکنہ ملک پورتفصیل مقدمات :ضلع گجرات کے ڈکیتی کے 6مقدمات ٹریسضلع سیالکوٹ ،ضلع گوجرانوالہ، ضلع سرگودھا ، ضلع منڈی بہائوالدین اور آزاد کشمیر کے 40مقدمات جن میں ڈکیتی ، راہبری ، اغواء برائے تاوان اور کرائے کے قتل کے مقدمات میں مطلوب تھے۔جن سے تفتیش جاری ہے۔ بہت سے دیگر انکشافات کی توقع ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات کی حیاتین لٹریری سو سائٹی کے زیر اہتمام علمی ادبی نشست کا اہتمام : یونیورسٹی آف گجرات کی حیاتین لٹریری سو سائٹی کے زیر اہتمام طلباو طالبات کی راہنمائی کیلئے ” ادب پر فرائیڈ اور مارکس کے اثرات ” کے حوالہ سے ایک علمی و ادبی نشست کا اہتمام کیا گیا
گجرات (جی پی آئی) یونیورسٹی آف گجرات کی حیاتین لٹریری سو سائٹی کے زیر اہتمام علمی ادبی نشست کا اہتمام : یونیورسٹی آف گجرات کی حیاتین لٹریری سو سائٹی کے زیر اہتمام طلباو طالبات کی راہنمائی کیلئے ” ادب پر فرائیڈ اور مارکس کے اثرات ” کے حوالہ سے ایک علمی و ادبی نشست کا اہتمام کیا گیا۔ اس علمی و ادبی نشست میں آسٹریلیا میں مقیم پاکستانی دانشور ، مصنف اور ایڈیٹر ڈاکٹر صولت ناگی نے مو ضوع کے حوالہ سے ایک سیر حاصل لیکچر دیا۔ ڈاکٹرصولت ناگی اردو اور انگریزی میں تقریباً سات سے زیادہ کتب کے مصنف ہیں ۔ ان کی تحریروں کا دائرہ کار سرمایہ داری ، مذہب ، ادب، نفسیات اور تنقید کے وسیع میدانوں تک پھیلا ہوا ہے ۔ ڈاکٹر صولت ناگی نے ادب اور کنزیمرزم کے حوالہ سے بات کرتے ہوئے کہا کہ سگمنڈ فرائڈ اور کارل مارکس نئی دنیا کی علمی تعمیر میں اہم مقام رکھتے ہیں اور ان کی سوچ کے اثرات ہمارے ادب اور سماج پر نہایت واضح اور ان مٹ ہیں۔ ان دونوں بڑی شخصیتوں نے ہماری سوچ کے دھاروں کو بدلنے میں اہم کردار ادا کیا۔ انہوں نے اپنا مقالہ پیش کرنے سے قبل طلبا و طالبات کو سگمنڈ فرائڈ کی پیش کردہ نفسیاتی اصطلاحات اور کارل مارکس کی پیش کردہ معاشی اصطلاحات سے نہایت جامع تعارف کروایا تا کہ طلبا و طالبات کو نفس مضمون سمجھنے میں زیادہ دشواری کا سامنا نہ کرنا پڑے ۔ ڈاکٹر صولت ناگی نے اپنے لیکچر میں کہا کہ ادب ایک وسیع اور جامع میدان ہے۔ ادب نے ہر زمانہ میں انسانی زندگی پر اپنے گہرے اثرات چھوڑے ہیں اور انسانیت کو فنون لطیفہ کے ذریعے اعلیٰ اور نئی معنویت سے روشناس کروایا ہے۔ انہوں نے معاشرہ میں زبان کے کردار کا جائزہ لیتے ہوئے کہا کہ زبان معاشرہ میں غالب اور طاقتور طبقہ کے لوگوں کی ترجمانی کرتی ہے۔ زبان بعض اوقات استحصالی طبقہ کیلئے ایسا ہتھیار بن جاتی ہے جس کے ذریعے وہ حکمرانی کرتا ہے اور غریب طبقوں کا استحصال کرتا ہے۔ ہمارے آج کے دور میں بھی اگر دیکھ جائے تو زبان کے استعمال کا اثر واضح نظر آتا ہے۔ آج کل ہر طرف میڈیا کی حکمرانی ہے اور میڈیا آقائوں اور رعایا کے مابین ایک ہتھیار کی شکل اختیار کر چکا ہے۔ حکمران طبقہ میڈیا کے ذریعے ہمیں جو کچھ دکھانا چاہتا ہے یا جس طرح کی عوامی رائے عامہ بنوانا چاہتا ہے ویسے ہی ہوتا رہتا ہے۔ ہمارے جدید ادب میں آزاد سوچ کو صرف اسی وقت تک قبول کیا جاتا ہے جب تک کہ وہ معاشرے کے پہلے سے طے شدہ اصولوں کو نہیں للکارتی۔ لارڈ ایکٹن نے کہا تھا کہ طاقت ہمیشہ بگاڑ پیدا کرتی ہے اور ہمارے معاشروں میں بھی آج یہی کچھ ہو رہا ہے۔حیاتین لٹریری سوسائٹی کے کوارڈینیٹر عمران اسلم نے لیکچر کے اختتام پر شرکاء کا شکریہ ادا کرتے ہوئے کہا کہ حیاتین لٹریری سوسائٹی اگرچہ ایک نئی قائم شدہ سوسائٹی ہے مگر اس نے تھوڑے ہی عرصہ میں طلبا و طالبات کو مختلف ادبی و علمی نشستوں کے ذریعے علم و شعور کی ایک نئی لہر سے متعارف کروانے میں کوئی کسر اٹھا نہیں رکھی۔ مجھے امید ہے کہ آج کی محفل میں ڈاکٹر صولت ناگی کے علم افروز لیکچر نے طلبا و طالبات کے ذہنوں کو منور کرنے میں مدد کی ہے۔ لیکچر کے اختتام پر طلبا و طالبات نے موضوع کے حوالے سے کچھ علمی سولات اٹھائے اور ڈاکٹر صولت ناگی نے ان سولوں کے حوالہ سے سے پر زور بحث کے زریعے جوابات فراہم کیے۔ اس ادبی نشست کی نظامت کے فرائض ایک طالبہ ثنا مبین نے سرانجام دیئے۔ ادبی نشست میں طلباو طالبات کی کثیر تعداد کے علاوہ شعبہ نفسیات اور انگریزی کے اساتذہ نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی ٹریفک میاں سہیل فاضل نے کہا ہے کہ موٹر سائیکل چلانے والے افراد کوہیلمٹ کا لازمی استعمال یقینی بنانے کے لئے دی گئی
گجرات (جی پی آئی) ڈی ایس پی ٹریفک میاں سہیل فاضل نے کہا ہے کہ موٹر سائیکل چلانے والے افراد کوہیلمٹ کا لازمی استعمال یقینی بنانے کے لئے دی گئی مہلت11 فروری کو ختم ہو جائے گی اس کے بعد بغیر ہیلمٹ موٹر سائیکل سواروں کے خلاف ایکشن لیا جائے گا۔ انہوں نے بتایا کہ ایس پی ٹریفک گوجرانوالہ کی ہدایت کے مطابق موٹر سائیکل استعمال کرنے والوں کو ہیلمٹ خریدنے کے لئے مہلت دی گئی تھی جو 11فروری کو ختم ہو جائے گی اس کے بعد بغیر ہیلمٹ موٹر سائیکل چلانے والوںکے خلاف قانونی کاروائی کا آغا ز کر دیا جائے گا۔ انہوں نے کہا کہ ہیلمٹ استعمال کرنے کی پابندی کا فیصلہ جان لیوا حادثات کی روک تھا م کے لئے کیا گیا ہے ۔ انہوں نے موٹر سائیکل استعمال کرنے والے شہریوںسے اپیل کی کہ وہ موٹر سائیکل چلاتے وقت ہیلمٹ کا استعمال یقینی بنائیں جو نہ صرف کسی حادثہ کی صورت میں انہیں سرپر چوٹ لگنے سے محفوظ رکھتا ہے ساتھ ہی موسم اور آلودگی سے بھی محفوظ رکھتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر سرائے عالمگیر ماریہ طارق نے عوامی شکایا ت پر فوری ایکشن لیتے ہوئے ناقص آٹا سپلائی کرنے والی فلور ملز کو سیل کر دیا ہے
گجرات (جی پی آئی) اسسٹنٹ کمشنر سرائے عالمگیر ماریہ طارق نے عوامی شکایا ت پر فوری ایکشن لیتے ہوئے ناقص آٹا سپلائی کرنے والی فلور ملز کو سیل کر دیا ہے۔ سرائے عالمگیر کے عوامی حلقوں نے شکایت کی تھی کہ سستا بازار میں سپلائی کیا جانا والا آٹا ناقص اور ملاوٹ شدہ ہے جس پر فوری ایکشن لیتے ہوئے اسسٹنٹ کمشنر نے فوڈ ڈیپارٹمنٹ اور دیگر عملہ کے ہمراہ سستا بازار میں فراہم کئے جانے والے آٹے کی چیکنگ کی اور شکایات درست پائی جانے پر حاشا فلور ملز کو فوری طور پر سیل کر دیا۔ اسسٹنٹ کمشنر ماریہ طارق نے واضع کیاہے کہ کسی ناجائز منافع خور کو شہریوں کے جان و مال سے کھیلنے کی ہر گز اجاز ت نہیں دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب حکومت کی ہدایت پر ڈی سی او آصف بلا ل لودھی کی زیر نگرانی ضلع بھر میں یکم جنوری سے جاری
گجرات (جی پی آئی) پنجاب حکومت کی ہدایت پر ڈی سی او آصف بلا ل لودھی کی زیر نگرانی ضلع بھر میں یکم جنوری سے جاری کریک ڈائون کے دوران طے شدہ نرخوں سے زیادہ ریٹس وصول کرنے پر953گرانفروشوں پر 11لاکھ 46ہزار روپے جرمانہ عائد کر دیا گیا ہے جبکہ اس دوران 17افراد کے خلاف مقدمات درج کروا کر انہیں گرفتار کرادیا گیا ہے۔ گرانفروشوں کے خلاف جاری کریک ڈائون میں اے ڈی سی فاروق رشید سندھو، اسسٹنٹ کمشنر ز عابد حسین بھٹی ، میاں اقبال مظہر ، ماریہ طارق سمیت تمام 20پرائس مجسٹریٹس نے حصہ لیا اس دوران مجموعی طور پر 1126مارکیٹوں ، بازاروں میں اشیائے خورد و نوش فروخت کرنے والی دوکانوں کی اچانک چیکنگ کی گئی اورزائد نرخ وصول کرنے ،ریٹس لسٹیںآویزاں نہ کرنے سمیت 953افراد گرانفروشی کے مرتکب پائے گئے جن پر گیارہ لاکھ چھیالیس ہزار روپے جرمانہ عائد کر دیاگیا کاروائی کے دوران 17افراد سنگین جرم کے مرتکب پائے گئے جن کے خلاف ضلع بھر کے مختلف تھانوں کے مقدمات درج کر ادیے گئے۔ دریں اثناء ڈی سی او آصف بلا ل لودھی نے کہا ہے کہ ضلع بھر میں پرائس مجسٹریٹس کو پوری طرح متحرک کر دیا گیا ہے اور کسی گرانفروش یا ناجائز منافع خور کو شہریوں سے کو لوٹنے کی اجازت نہیں دی جائے گی۔ انہوںنے واضع کیا کہ ایسے عناصر کے ساتھ قانون کے مطابق سختی سے نمٹا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آصف بلا ل لودھی نے پنجاب ایگزامینشن کمشن کے زیر اہتمام مڈل اور پرائمری کے امتحانی مراکز میں لوڈ شیڈنگ کی صورت ایمرجنسی لائٹس یا جنریٹرز فراہم کرنے کے لئے ای ڈی او ایجوکیشن کاشف طاہر کو فوری اقدامات کی ہدایات کر دی ہیں
گجرات (جی پی آئی) ڈی سی او آصف بلا ل لودھی نے پنجاب ایگزامینشن کمشن کے زیر اہتمام مڈل اور پرائمری کے امتحانی مراکز میں لوڈ شیڈنگ کی صورت ایمرجنسی لائٹس یا جنریٹرز فراہم کرنے کے لئے ای ڈی او ایجوکیشن کاشف طاہر کو فوری اقدامات کی ہدایات کر دی ہیں۔ انہوں نے یہ ہدایات اے سی گجرات عابد حسین بھٹی کی رپورٹ پر جاری کیں جنہوں نے تحصیل کے مختلف علاقوں میں امتحانی سنٹرز کی چیکنگ کے دوران ڈی سی او لوڈ شیڈ نگ کی وجہ سے طلبہ کودرپیش مسائل سے آگاہ کیا تھا۔ ڈی سی او آصف بلا ل لودھی نے ای ڈی او ایجوکیشن کو ہدایت کی کہ امتحان میں شریک طلبہ کو دیگر سہولیات کے ساتھ لوڈ شیڈنگ کی صورت میں ایمرجنسی لائٹس یا جنریٹر کی سہولت فراہم کی جائے۔ دریں اثنا ء اے سی عابد حسین بھٹی نے ایس ای گیپکو گجرات سے بھی رابطہ کیا اور انہیں امتحانی مراکز والے فیڈرز پر پرچوں کے اوقات میں لوڈ شیڈنگ نہ کرنے کے لئے اقدامات پر تبادلہ خیال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر سرائے عالمگیر ماریہ طارق نے عوامی شکایا ت پر فوری ایکشن لیتے ہوئے ناقص آٹا سپلائی کرنے والی فلور ملز کو سیل کر دیا ہے
گجرات (جی پی آئی) اسسٹنٹ کمشنر سرائے عالمگیر ماریہ طارق نے عوامی شکایا ت پر فوری ایکشن لیتے ہوئے ناقص آٹا سپلائی کرنے والی فلور ملز کو سیل کر دیا ہے۔ سرائے عالمگیر کے عوامی حلقوں نے شکایت کی تھی کہ سستا بازار میں سپلائی کیا جانا والا آٹا ناقص اور ملاوٹ شدہ ہے جس پر فوری ایکشن لیتے ہوئے اسسٹنٹ کمشنر نے فوڈ ڈیپارٹمنٹ اور دیگر عملہ کے ہمراہ سستا بازار میں فراہم کئے جانے والے آٹے کی چیکنگ کی اور شکایات درست پائی جانے پر حاشا فلور ملز کو فوری طور پر سیل کر دیا۔ اسسٹنٹ کمشنر ماریہ طارق نے واضع کیاہے کہ کسی ناجائز منافع خور کو شہریوں کے جان و مال سے کھیلنے کی ہر گز اجاز ت نہیں دی جائے گی۔
تلہ گنگ کی خبریں 7/2/2014
گجرات کی خبروں کی تصویری جہلکیاں
