کراچی (جیوڈیسک) ایم کیو ایم کے قائد الطاف حسین نے آرمی چیف جنرل راحیل شریف سے اپیل کی ہے کہ وہ سندھ میں رینجرز کی جانب سے انسانی حقوق کی خلاف ورزیوں کا فی الفور نوٹس لیں۔
انہوں نے کہا کہ چند ماہ کے دوران رینجرز کے ہاتھوں ایم کیو ایم کے کئی گرفتار کارکنان تاحال لاپتا ہیں۔ رینجرز ان کی گرفتاری سے انکار کر رہی ہے۔
گزشتہ چند ماہ کے دوران 5 سے زائد کارکنان کا ماورائے عدالت قتل کیا جاچکا ہے۔ ایم کیو ایم کے کارکنوں کی لاشیں مختلف سڑکوں اور مقامات پر پھینکی گئیں۔ الطاف حسین نے کہا کہ مہاجروں کو مزید ذہنی اذیت سے نجات دلائی جائے اور رینجرز کی انسانی حقوق کی خلاف ورزیوں کا فوری نوٹس لیا جائے۔
ٹانک جیل سے 3 خطرناک قیدی فرار، ایک پکڑا گیا
روالپنڈی: سرچ آپریشن، 10 افغان باشندوں سمیت 45 مشتبہ افراد زیر حراست
