کراچی (جیوڈیسک) وزیر داخلہ چودھری نثار نے کہا ہے کہ مذاکرات اور دہشت گردی کی کارروائیاں ایک ساتھ نہیں چل سکتے، ان کا کہنا ہے کہ انٹیلی جنس نظام میں بہتری آئی ہے۔
وزیر داخلہ چودھری نثار وزیر اعظم کی ہدایت پر ٹارگٹڈ آپریشن کا جائزہ لینے کیلئے کراچی پہنچے ہیں۔ ایئرپورٹ پر میڈیا سے گفتگو میں انہوں نے کہا کہ کراچی میں امن عامہ کی صورتحال ابتر ہوتی جارہی ہے، ٹارگٹڈ آپریشن کے ابتدائی ماہ میں جو کامیابیاں ملیں دوبارہ اسی انداز میں کام کرنا چاہتے ہیں۔
انہوں نے کہا کہ بہت سی کارروائیاں وفاق کی انٹیلی جنس پر کی گئیں، ہر صوبے سے انٹیلی جنس معلومات شیئرکی جارہی ہیں۔ چودھری نثار کا کہنا تھا کہ کراچی کا مسئلہ گھمبیر ہے، جسے سب مل کر ہی حل کرسکتے ہیں، وہ آج، وزیراعلیٰ، گورنر اور متحدہ قومی موومنٹ کے رہنماوں سے بھی ملاقات کریں گے۔
وزیر داخلہ نے واضح کیا کہ سب کو قانون کے دائرے میں رہ کر کام کرنا ہوگا ورنہ صوبہ اور وفاق کارروائی کریں گے۔
ماشو خیل دہشت گردی، ابتدائی تحقیقاتی رپورٹ تیار
امریکا زخمی طالبعلم کو پاکستان بھیجنے پر مصر، علاج وہیں کرایا جائے، اہل خانہ
