بھمبر کی خبریں 20/2/2014
Posted on February 20, 2014 By Geo Urdu سٹی نیوز
پاکستان پیپلز پارٹی آزاد کشمیر کے سنیٹرل ایگزیکٹو کونسل کے ممبر چوہدری گلزار احمد ایڈووکیٹ
بھمبر (ڈسٹرکٹ رپورٹر )پاکستان پیپلز پارٹی آزاد کشمیر کے سنیٹرل ایگزیکٹو کونسل کے ممبر چوہدری گلزار احمد ایڈووکیٹ نے ایک بیان میں کہا ہے کہ بھمبر ضلع ڈیڑھ صدی پرانا ضلع ہے اسکی حیثیت کو تسلیم نہ کرنے والے منہ کی کھائینگے بھمبر ضلع کی تاریخی اور ثقافتی حیثیت ہے انہوں نے کہا کہ کسی بھی لحاظ سے بھمبر ضلع کسی ضلع سے کم نہیں ہے مگر بد قسمتی ہے کہ بھمبر ضلع میں کئی وجوہات کی بناء پر ترقی کا عمل رکھا ہوا ہے انہوں نے کہا کہ مغل حکمرانوں کا بھمبر اہم پڑائو ہوتا تھا بھمبر ضلع کے آبادی کے مطابق پانچ حلقے کرنے ضروری ہیں بھمبر کو بہر صورت ہائی وکورٹ و شریعت کورٹ کا بینج دینا پڑے گا ڈویژن کمشنر، بورڈ آف ریونیو ، کسٹوڈین، کمشنر بحالیات، سروس ٹربیونل کے ٹورز کا بھمبر ضلع کیلئے رکھا جانا نہایت ضروری ہے رسل و رسائل اور سڑکوں کا ناقص نظام ہونے کی وجہ سے عوام کو بیشمار مسائل کا سامنا کرنا پڑ رہا ہے بھمبر کی تمام سڑکوں کی ناقص صورتحال ہے وزیراعظم آزاد کشمیر ضلع بھمبر میں سو ل سوسائٹی کو ترقیاتی کنٹرول دیں بارڈر لائن کے عوام بیشمار مسائل کا شکار ہیں اس پر وزیراعظم آزاد کشمیر اور وزیر امور کشمیر ، چیف سیکرٹری آزاد کشمیر الگ اقدامات کرتے ہوئے غیر آباد زمینوں اور مکانات کا فوری معاوضہ دیں تا کہ بارڈر لائن پر رہائش پذیر اکاموڈیٹ ہو سکیں انہوں نے کہا کہ بارڈر لائن پر رہائش پذیر لوگ ملک کی بلا تنخواہ فوج ہے اور ہر دور میں بارڈر لائن کے لوگوں نے بے پناہ قربانیاں دیں 1947 سے اب تک پانچ مرتبہ ہجرت کر کے گھر بار کو چھوڑا یہ ملک کیلئے لازوال قربانیوں کا تسلسل ہے خاص طور پر 1988 سے ایل او سی پر واقع علاقوں میں تری کا عمل رکا ہوا ہے جہاں اب زیادہ کام کی ضرورت ہے ایل او سی پر واقع رہائش پذیر عوام نے سیسہ پلائی دیورار بن کر دشمن کا مقابلہ کیا ہزاروں لوگ شہید اور معذور ہوئے ان کے نقصانات کے ازالے کی بھی اشد ضرورت ہے یہ کام پیپلز پارٹی کے کھاتے میں جانا چاہیے PP کی ہمیشہ یہ پالیسی رہی ہے کہ اصلاحات کا نفاذ عوامی امنگوں کے مطابق کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبر کے جنرل سیکرٹری ملک شوکت حسین کی والدہ محترمہ رضائے الہٰی سے گذشتہ روز وفات پا گئی
بھمبر ( ڈسٹرکٹ رپورٹر ) کشمیر پریس کلب بھمبر کے جنرل سیکرٹری ملک شوکت حسین کی والدہ محترمہ رضائے الہٰی سے گذشتہ روز وفات پا گئی مرحومہ کو نماز جنازہ کے بعد ان کے آبائی قبرستان سیرلہ میں سپرد خاک کر دیا گیا نماز جنازہ میں سیاسی سماجی مذہبی وکلائ، صحافیوں ، سول سوسائٹی، عزیز و اقارب اور عوام علاقہ نے بڑی تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرپور ڈویژن کیساتھ حکومت کے امتیازی سلوک کو برداشت نہیں کیا جائیگا موجودہ حکومت جب سے بر سر اقتدار آئی ہے
بھمبر ( ڈسٹرکٹ رپورٹر ) میرپور ڈویژن کیساتھ حکومت کے امتیازی سلوک کو برداشت نہیں کیا جائیگا موجودہ حکومت جب سے بر سر اقتدار آئی ہے میرپور ڈویژن اور بالخصوص ضلع بھمبر کیساتھ انتہائی نا مناسب رویہ اختیار کئے ہوئے ہے اب بھی عوام کو روٹی سے محروم رکھنے کیلئے آٹے کی بندش کی جا رہی ہے جو معاشی قتل کے مترادف ہے اگر حکومت نے اپنا فیصلہ واپس نہ لیا تو موجودہ حکومت اور وزیراعظم کے خلاف بھر پور احتجاج کیا جائیگا ان خیالات کا اظہار پاکستان پیپلز پارٹی کے مرکزی راہنما و سابق سپیکر چوہدری انوار الحق نے صحافیوں سے خصوصی گفتگو کرتے ہوئے کیا انہوں نے کہا کہ حکومت سب سبسڈی کے نام پر آٹے کا جو بحران پیدا کرنا چاہتی ہے جو براہ راست غریبوں پر اثر انداز ہو گا بے کس اور غریب لوگ جو پہلے مہنگائی کی چکی میں پس رہے ہیں انکے منہ سے نوالہ چھینا جا رہا ہے انہوں نے خبردار کیا کہ حکومت اپنا فیصلہ واپس لے ورنہ بھر پور احتجاج کیا جائیگا اور نتائج کی ذمہ داری وزیراعظم اور موجودہ حکومت پر ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کی معروف کاروباری شخصیت مرزا محمد دین المغل فرنیچر ہائوس والے کی رسم چہلم گذشتہ روز انکی رہائش گاہ
بھمبر (ڈسٹرکٹ رپورٹر ) بھمبر کی معروف کاروباری شخصیت مرزا محمد دین المغل فرنیچر ہائوس والے کی رسم چہلم گذشتہ روز انکی رہائش گاہ ستھ وارڈ نمبر 1 بھمبر میں انتہائی عقیدت و احترام سے منائی گئی اس موقع پر مرحوم کی روح کو ایصال ثواب کیلئے قرآن خوانی اور فاتحہ خوانی کی گی رسم چہلم میں سیاسی و سماجی راہنما سول سوسائٹی وکلاء صحافیوں تاجروں سرکاری ملازمین عوام علاقہ اور عزیز و اقارب کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کل فہیم ربانی تیر سے شیر اور گھوڑے کا شکار کرکے نئی تاریخ رقم کرینگے 22 فروری کا سورج فہیم ربانی کی فتح کی نوید لیکر طلوع ہو گا
بھمبر (ڈسٹرکٹ رپورٹر ) کل فہیم ربانی تیر سے شیر اور گھوڑے کا شکار کرکے نئی تاریخ رقم کرینگے 22 فروری کا سورج فہیم ربانی کی فتح کی نوید لیکر طلوع ہو گا ان خیالات کا اظہار پیپلز پارٹی تحصیل بھمبر کے چیف آرگنائزر ڈاکٹر شکیل احمد ،سٹی صدر چوہدری سعید خادم ایڈووکیٹ نے کیا انہوں نے کہا کہ پیپلز پارٹی کارکردگی کی بنیاد پر ایک بار پھر عوامی عدالت میں سرخرو ہو گی حلقہ بلوچ کے عوام کیلئے گراں قدر خدمات ہیں فہیم ربانی بھی الیکشن جیت کر اپنے والد مرحوم کے عوامی خدمت کے مشن کو جاری رکھیں گے انہوں نے کہا کہ حلقہ بلوچ میں ن لیگ اور مسلم کانفرنس کی شکست ان کا مقدر بن چکی ہے دونوں اپنی شکست دیکھ کر بوکھلاہٹ کا شکار ہو کر حکومت پر دھاندلی کے الزامات لگا رہے ہیں انہوں نے کہا کہ پیپلز پارٹی عوامی جماعت ہے اور عوامی خدمت پر یقین رکھتی ہے پیپلز پارٹی کی حکومت نے اڑھائی سالوں میں آزاد کشمیر کے اندر ریکارڈ ترقیاتی کام کروائے ہیں بلوچ کا ضمنی الیکشن بھی پیپلز پارٹی اپنی کارکردگی کی بنیاد پر بھاری اکثریت سے جیتے گی۔
