کراچی (جیوڈیسک) کراچی میں فائرنگ اور پرتشدد واقعات میں پانچ افراد زندگی سے ہاتھ دھو بیٹھے۔ پپری کے علاقے شاہ ٹاون میں رینجرز نے آپریشن کر کے کئی افراد حراست میں لے لئے۔
پرانا گولیمار کے علاقے ریکسر پل کے نیچے سے دو تشدد زدہ لاشیں ملی ہیں۔ پولیس کے مطابق مقتولین کو اغوا کے بعد تشدد کر کے ہلاک کیا گیا۔ اورنگی ٹاون چشتی نگر میں فائرنگ سے شاہد الدین جاں بحق ہو گیا۔
مقتول کی لاش مزید کارروائی کے لئے اسپتال منتقل کر دی گئی۔ اورنگی ٹاؤن سیکٹر ساڑھے گیارہ مسجد قبا کے قریب نا معلوم افراد کی فائرنگ سے سرور امام جاں بحق ہو گیا۔
عزیز بھٹی تھانے کی حدود حسن اسکوائر کے قریب نامعلوم ملزمان نے میڈیکل اسٹور پر فائرنگ کر دی جس کے نتیجے میں ایک شخص جاں بحق جبکہ دوسرا زخمی ہو گیا۔
پپری کے علاقے شاہ ٹاون میں جرائم پیشہ عناصر اور کالعدم تنظیم کے کارندوں کی موجودگی کی اطلاع پر رینجرز کے اہلکاروں نے ٹارگٹڈ آپریشن کیا علاقے کے داخلی اور خارجی راستے سیل کر کے گھر گھر تلاشی لی گئی اس دوران متعدد افراد کو حراست میں لے لیا گیا۔
کراچی : اغواء برائے تاوان، قتل کے تین ملزمان کو سزائے موت
شمالی وزیرستان: جیٹ طیاروں کی بمباری میں 27 شدت پسند ہلاک
