پشاور (جیوڈیسک) خیبر پختونخوا حکومت کی جانب سے بچوں میں پولیو سمیت 9 وبائی بیماریوں کے خلاف قوت مدافعت پیدا کرنے کے لئے چلائی جارہی ‘صحت کا انصاف’ مہم کا پانچواں مرحلہ جاری ہے۔
ایکسپریس نیوز کے مطابق ‘صحت کا انصاف’ مہم کے پانچویں مرحلے میں شہر اور گرد و نواح میں 5 سال سے کم عمر کے تقریبا 8لاکھ بچوں کو پولیو سمیت دیگر بیماریوں سے بچاؤ کے قطرے پلائے جائیں گے، اس موقع پر رضا کاروں کی 12 ہزار 500 ٹیمیں تشکیل دی گئی ہیں جو بچوں کو گھر گھر جاکر ویکسی نیشن کریں گی۔ شہر کے تمام نجی اور سرکاری اسکولوں میں بھی عام تعطیل کا اعلان کیا گیا ہے۔
مہم کے دوران شہر میں امن کے قیام اور کسی بھی نا خوشگوار واقعے سے نمٹنے کے لئے 5 ہزار سے زائد رضاکاروں اور سیکیورٹی اہلکاروں کو تعینات کیا گیا ہے، شہر کے داخلی اور خارجی راستوں کی نگرانی بھی سخت کر دی گئی ہے جب کہ شہر میں پولیس اور دیگر قانون نافذ کرنے والے اداروں کا گشت بھی بڑھا کر جگہ جگہ چیک پوائنٹس بھی تشکیل دیئے گئے ہیں، اس کے علاوہ شہر میں موٹر سائیکل چلانے پر بھی شام 5 بجے تک پابندی ہے۔
کراچی: رینجر کی فائرنگ، شوہر جاں بحق، بیوی زخمی، ٹارگٹ کلنگ میں چار افراد چل بسے
مستحکم افغانستان کیلیے امن عمل ناگزیر ہے، صدر ممنون
