اضلاع کی حبریں 1/3/2014
Posted on March 2, 2014 By Geo Urdu سٹی نیوز
ڈسٹرکٹ پولیس آفیسر سہیل ظفر چٹھہ نے ترنڈہ محمد پناہ پولیس کو تیرہ سالہ ثمرین بی بی کی بازیابی کا حکم دے دیا
رحیم یارخان (زیڈاین این) ڈسٹرکٹ پولیس آفیسر سہیل ظفر چٹھہ نے ترنڈہ محمد پناہ پولیس کو تیرہ سالہ ثمرین بی بی کی بازیابی کا حکم دے دیا ۔ ترنڈہ محمد پناہ کے رہائشی محمد یار کی درخواست پر ڈی پی او کا ایکشن ۔ تفصیل کے مطابق ترنڈہ محمد پناہ کے رہائشی محمد یار نے کھلی کہچری میں درخواست پیش کرتے ہوئے بیان کیا کہ ملزم عبدالجبار و دیگر جو کہ اس کی تیرہ سالہ بیٹی ثمرین کو ایک رشتہ دار کی شادی کا جھانسہ دیکر ساتھ لے گئے اور اسے اغواء کر کے نامعلوم مقام پر منتقل کر دیا ہے اور اب واپسی سے انکاری ہیں ۔ محمد یار نے الزام عائد کیا کہ ملزمان کے قریبی رشتہ دار حاجی نواز اور اس کا حقیقی بھائی اقبال پر الزام عائد کیا کہ یہ ملزمان بردا فروشی میں ملوث ہیں جو کہ خواتین کو اغواء کر کے اور ورغلا کر عرب ممالک میں فروخت کر دیتے ہیں اسے خطرہ ہے کہ اس کی بیٹی بھی ان کے بھینٹ نہ چڑ ھ جائے جس پر ڈی پی او سہیل ظفر چٹھہ نے ایس ایچ او تھانہ ترنڈہ محمد پناہ کو حکم دیا کہ وہ محمد یار کی جانب سے لگائے جانے والے الزامات کی تحقیقات کر کے ملزمان کے خلاف قانونی کاروائی عمل میں لاتے ہوئے انہیں کیفر کردار تک پہنچائے ۔ اسی طرح ساجد رشید ، مٹھے خان ، شفیق احمد ، سوڈے خان ، محمد اسماعیل ، محمد اختر ، محمد اکرم ، محمد شاہد ، خورشید بانو ، کوڑی مائی ، پٹھانی مائی الطاف خاتون ، ارشاد مائی ، عزیز مائی ، آسیہ بی بی ، حسینہ مائی اور ممتاز بی بی نے بھی کھلی کچہری میں اپنی شکایات و مسائل پر مبنی درخواستین پیش کیں جن پر ڈی ایس پی لیاقت پور ، ایس ایچ اوز تھانہ اے ڈویژن ، بی ڈویژن ، منٹھار ، رکن پور ، بھونگ ، صدر صادق آباد ، کوٹسبزل ، ظاہر پیر ، سٹی خانپور ، صدر رحیم یار خان ، اور ایس ایچ او تھانہ ترنڈہ محمد پناہ کو فراہمی انصاف کی خاطر احکامات جاری کر دئیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجی تعلیمی اداروں کی نمائندہ تنظیم جوملک کے چاروں صوبوں سمیت آزادکشمیر میں بھی فعال ومتحرک ہے،پرائیویٹ سکولز مینجمنٹ ایسوسی ایشن
فیصل آباد(زیڈ این این)تعلیمی ادارے بچوں کے لئے ماں کی گودکادرجہ رکھتے ہیں۔فروغ تعلیم میں سرکاری وپرائیویٹ سیکٹرکو مل کر خدمات انجام دینی چاہیں ۔ان خیالات کااظہار ممبرقومی اسمبلی ڈاکٹرنثاراحمدچوہدری نے چک61ج ب دھروڑمیں دی ایمز سکول سسٹم کی افتتاحی تقریب سے خطاب کرتے ہوئے کیا۔اس موقع پر چوہدری محمدشہبازکسانہ ،مسززاہدہ بھٹی ڈویژنل کوارڈی نیٹر ایجوکیشن ونگ فیصل آباد،رانامنورخاں ضلعی چیئرمین بیت المال فیصل آباد،رانامقرب الٰہی،فتح محمدصابر،عبدالستارطاہر،چوہدری غلام محی الدین،سابق ناظم راجہ عبدالاحد،راناجابررشید،رانانادرخاں،رائوبابرعلی،راناخلیل احمدخاں،چوہدری گلزارحسین،شیخ غلام سرور،راناصادق ،نورحسن اوردیگربھی موجود تھے۔اس موقع پر ڈاکٹرنثاراحمدجٹ نے کہاکہ جب تک استاداپنی ذمہ داری احسن طریقے سے نہیں نبھاتامعیارتعلیم میں بہتری نہیں آسکتی۔جس طرح آبادی کی شرح میں اضافہ ہورہاہے اسی تناسب سے سرکاری وپرائیویٹ سیکٹرکی ذمہ داری بھی بڑھ گئی ہے کہ وہ شرح خواندگی میں اضافہ کے مقصدکولے کر بھرپورمحنت وجدوجہدکریں۔شہبازکسانہ نے کہاکہ علامہ اقبال کی شاعری کو مشعل راہ بنایاجائے توشعبہ تعلیم میں بہتری لائی جاسکتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک استقلال نے سیاستدانوں کی نرسریاں پیدا کی ہیں،جاوید اخترپیرزادہ
بہاولپور(زیڈاین این)تحریک استقلال کے چیئرمین جاوید اخترپیرزادہ ایڈووکیٹ اورجنرل سیکرٹری اکر م انصاری نے اپنے ایک مشترکہ بیان میں کہاہے کہ تحریک استقلال نے سیاستدانوں کی نرسریاں پیدا کی ہیں مفاد پرست سیاستدان ملکی مفاد سے ہٹاکر اپنے اپنے ذاتی مفاد کیلئے تحریک استقلال سے الگ ہوتے رہے تحریک استقلال نے ملک کے مفاد کیلئے عملی کام کیاہے اوربہاولپور کوصوبائی درجہ کیساتھ تحریک استقلال نے ہرڈویژن کوصوبہ بنانے کی تجویز پیش کی جتنے چھوٹے صوبے ہونگے انتظامی امور مضبوط ہونگے اوروفاق مضبوط ہوگا اورعوام کے مسائل جلدحل ہونگے اوربے روزگاری کاخاتمہ ہوگا ملازمتوں میں اضافہ ہوگا اورملک میں خوشحالی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ کلچر کی تبدیلی کیلئے مشن جان کر کا م کررہے ہیں، بابر بخت قریشی
جرائم پیشہ افراد اور پولیس ٹائوٹ معاشرے کا نا سور ہیں ان کا خاتمہ انتہائی ضروری ہے،ڈسٹرکٹ پولیس آفیسراوکاڑہ
شیر گڑھ(زیڈ این این) تھانہ کلچر کی تبدیلی کیلئے مشن جان کر کا م کررہے ہیںDPO پولیس کا روایتی فر سودہ نظام ختم کر کے انصاف کی فوری فراہمی کو یقینی بنایا جا رہا ہے جرائم پیشہ افراد اور پولیس ٹائوٹ معاشرے کا نا سور ہیں ان کا خاتمہ انتہائی ضروری ہے منشیات فروشوں جواریوں اور سماج دشمن عناصر کے گرد گھیرا تنگ کر تے ہوئے اخلاقی اقدار کی بنیاد رکھ دی ہے ڈسٹرکٹ پولیس آفیسراوکاڑہ بابر بخت قریشی کی اپنے دفتر میںاعجاز طاہر قادری ،ڈاکٹر محمد عبداللہ بھٹی ،محمد انور، چوہدری حاجی وقار احمد، چوہدری سرفراز انجم ،مہر محمد حنیف سے خصوصی نشت میں گفتگو انہوں نے کہا کہ ہر کام میرٹ پر اور مقدمات کی تفتیشیں جلد از جلد مکمل کی جائیں ضلع بھر کے ایس ایچ اوز کی طرف سے انصاف کی فراہمی میں کوتاہی اور سائلین کے ساتھ بد اخلاقی کو ہز گز برداشت نہ کیا جائے گا عام آدمی کو انصاف کی فراہمی مظلوموں کی داد رسی تھانوں اور میرے دفتر میں ان کی عزت نفس کو بحال رکھنا میرا مشن ہے سٹریٹ کرائم کو کنٹرول کر نے کے لیے خصوصی دستے تشکیل دیے گئے ہیںجن سے سٹریٹ کرائم کی وارداتوں پر کافی حد تک قابو پایا جا چکا ہے تمام برانچ سڑکوں پر گشت کے نظام کو موثر بنایا گیا ہے تا کہ راہزنی کی وارداتوں کو کنٹرول کیا جا سکے وزیر اعلیٰ پنجاب میاں محمد شہباز شریف اور آ ئی جی پنجاب خان بیگ کی خصوصی ہدایات کی روشنی میں پتنگ اور ڈور فروخت کرنے والوں پتنگ بازوں کے خلاف ضلع بھر میں کریک ڈائون کر تے ہوئے متعدد افراد کے خلاف مقدمات درج ہوئے پتنگ بازی پر سختی کرنے سے ضلع بھر میںکوئی جانی یا مالی نقصان نہیں ہو امساجد میںلائوڈ سپیکر پر بے جا اعلانات اور شر پسند تقاریر کر نے والوں کا سختی سے محاسبہ کیا جا رہا ہے تاکہ ضلع بھر میں کوئی مذہبی فرقہ واریت کا واقع رونما نہ ہو فرائض میں غفلت کے مرتکب ملازمین کو محکمہ میں ہر گز برادشت نہیں کیا جائیگاتھانے بدمعاشوں کے لئے دارالحساب ہیں،شرفاء تھانوں کو اپنا گھر سمجھیں،لوگوں کو ان کی دہلیز پر انصاف مہیا کرنا پولیس کی اولین ذمہ داری ہے،رشوت وسفارش کا قلع قمع کر دیا گیا ہے اور پولیس کی غفلت بھی ہرگز برداشت نہیں کی جائے گی تھانہ کلچر کی تبدیلی کے لئے گراں قدر کوشش کی ہے اور ان کی اولین ترجیحات میں شامل ہے کہ لوگوں کو میرٹ پر انصاف مہیا کیا جائے اس سلسلہ میں ان کے دروازے سائلین کے لئے 24گھنٹے کھلے ہیں اور لوگوں کے مسائل ہنگامی بنیادوں پر حل کئے جا رہے ہیںجبکہ اوکاڑہ پولیس نے جرائم پیشہ عناصر کے خلاف گھیرا تنگ کر رکھا ہے سیکورٹی کے بھی فول پروف انتظامات مہیا کئے گئے ہیںسیکورٹی کا نظام مزید موثر بنانے کے لئے عوام کا تعاون بھی درکار ہے ایک سوال کے جواب میں ڈی پی او اوکاڑہ بابر بخت قریشی نے کہا کہ وزیراعلی پنجاب کی خصوصی ہدایت پر پنجاب پولیس سے کرپٹ افسران کو بھی محکمہ سے نکالا جا رہا ہے اسلسلہ میں عوام نشاندہی کر یںکیونکہ ایسے افسران کی محکمہ کو کوئی ضرورت نہیں بابر بخت قریشی نے مزید کہا کہ پتنگ بازی اور لائوڈ سپیکر پر پابندی پر سختی سے عمل درآمد کیا جائے گااور اس کی خلاف ورزی کرنے والوں کے خلاف متعدد مقدمات درج کئے جا چکے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاک چین دوستی قدرت کا لازوال تحفہ ہے، رانا خضر حیات خان
شیر گڑھ(زیڈ این این) پاک چین دوستی قدرت کا لازوال تحفہ ہے بیرسٹر رانا خضر حیات تفصیلات کیمطابق حلقہNA145 سے ایم این اے کے امیدوار بیرسٹر رانا خضر حیات خان نے اپنے بیان میں کہا ہے کہ میاں شہباز شریف کی جانب سے دورہ چین کے اخراجات سرکاری خزانے کی بجائے اپنی ذاتی گرہ سے ادا کرنے کے اعلان کا خیر مقدم کرتے ہوئے خراج تحسین پیش کرتے ہیں میاں شہباز شریف کایہ فیصلہ انکی حب الوطنی کا منہ بولتا ثبوت ہے میاں برادران کی ولولہ انگیز قیادت تلے وطن عزیز ترقی و خوشحالی کی راہ پر گامزن ہے بیرسٹر رانا خضر حیات خان نے خادم اعلیٰ کے کامیاب دورہ اور اہمیت کے حامل معاہدہ جات دستخط کرنے پر اطمینان کا اظہار کرتے ہوئے انھیں مبارکباد دیتے ہوئے کہا ہے کہ پاک چین دوستی لازوال ہے اور قدرت کا انمول تحفہ ہے چین نے ہمیشہ ہر مشکل میں پاکستان کا ساتھ دیا ہے جس پر انکے مشکور ہیں ۔
راولپنڈی: مقامی سکول میں میٹرک کی طالبات کی فئیر ویل پارٹی کی تقریب
