جھنگ کی خبریں 10/3/2014
Posted on March 11, 2014 By Geo Urdu سٹی نیوز
غیر ذمہ دارانہ بیان بیازی سے اعتماد کی فضا خراب ہو گی،جنگ بندی کو مؤثر بنانے کے لئے زبان بندی بھی ضروری ہے،نازک مرحلہ اب شروع ہوا ہے،محتاط رہنا ہو گا
جھنگ(تحصیل رپورٹر)غیر ذمہ دارانہ بیان بیازی سے اعتماد کی فضا خراب ہو گی،جنگ بندی کو مؤثر بنانے کے لئے زبان بندی بھی ضروری ہے،نازک مرحلہ اب شروع ہوا ہے،محتاط رہنا ہو گا۔ان خیالات کا اظہار دفاع پاکستان کونسل کے چیئرمین،جمعیت علماء اسلام س کے سربراہ و طالبان کمیٹی کے راہنماء مولانا سمیع الحق نے مقامی صحافی محمد جاوید قاسمی سے ٹیلیفونک گفتگو میں کیا۔انہوںنے کہا کہ اعتماد سازی کے ماحول بنانے میں کافی محنت کی ،اب غیر ذمہ دارانہ بیان بازی سے نقصان ہو گا،اب جبکہ دونوں فریق براہِ راست بات چیت کرنے والے ہیںاس موقع پر آپریشن کی باتیں سمجھ سے بالاتر ہیں۔انہوں نے کہا کہ آپریشن کے نتائج قوم بھگتے گی،کراچی و بلوچستان ہماری اسی پالیسی کیوجہ سے جل رہے ہیں۔ہمیں ملک و قوم کو مزید نقصان سے بچانا ہے۔اسی لئے پوری قوم مذاکرات کو کامیاب دیکھنا چاہتی ہے۔جو لوگ آپریشن کے خواہشمند ہیں وہ قوم کے حال پر رحم کریںاور کچھ دن کے لئے زباں بندی کرلیں۔انہوں نے کہا کہ ہم نے اپنا سب کچھ داؤ پہ لگا کر مذاکرات میں کردار ادا کیا،سیاست کرتے تو آج حالات کچھ اور ہوتے،کسی لالچ و مطلب کے بغیر کمیٹی میں شامل ہوئے۔ہم نے اعتماد بحال کرنے میں بہت محنت کی ،اب بیان بازی سے ماحول کو کشیدہ نہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قومی سلامتی کے خوبصورت عنوان سے مدارس پر شب خون مارنے کی اجازت نہیں دیں گے
جھنگ( تحصیل رپورٹر )قومی سلامتی کے خوبصورت عنوان سے مدارس پر شب خون مارنے کی اجازت نہیں دیں گے،حکومت ایسے متنازعہ اقدامات سے گریز کرے،اگر اس پالیسی کو منظور کیا گیا تو ملک کے عوام سڑکوں پہ ہونگے۔ان خیالات کا اظہار جمعیت علماء اسلام س کے مرکزی سرپرست،میاں محمد اجمل قادری نے منڈی شاہ جیونہ جھنگ میں ایک جلسہ سے خطاب میں کیا۔جلسہ جمعیت علماء اسلام س جھنگ کے راہنماء مولانا ریاض الحسن قادری کی سرپرستی میں منعقد ہوا جسمیں مولانا عرفان الحق قادری ،ضلعی ناظم انتخابات مولانا فاروق احمد اور نمائندہ اسلام نے شرکت کی ۔جلسہ سے خطاب میںمیاں اجمل قادری نے کہا کہ مدارس کی حفاظت ہمارے ایمان کا حصہ ہے۔آج تک بہت ساری حکومتوں نے مدارس کے خلاف سازشیں کی ،مگر علماء و اکابرین کے اتحاد و تحریک کے خوف سے ایسی سازشیں ناکام ہوئیں۔آج بھی ہم متحد ہیں،اور مدارس کو عزیز از جان سمجھتے ہیں۔انہوں نے کہا کہ قومی سلامتی کے خوبصورت عنوان سے مدارس پر شب خون مارنے کی اجازت نہیں دیں گے،حکومت ایسے متنازعہ اقدامات سے گریز کرے،اگر اس پالیسی کو منظور کیا گیا تو ملک کے عوام سڑکوں پہ ہونگے۔اس سلسلہ میں آئندہ اتوار کو مرکز شیرانوالا لاہور میں علماء کنونشن بلوایا گیا ہے۔اور آئندہ کے لائحہ عمل پر غور کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حلقہ پی پی81( شاہ جیونہ) کے ضمنی الیکشن کے روز مسلم لیگ( ن) کے امیدوار کے کامیاب ہونے کی خوشی میں کیجانی والی ہوائی فائرنگ
جھنگ(تحصیل رپورٹر ) حلقہ پی پی81( شاہ جیونہ) کے ضمنی الیکشن کے روز مسلم لیگ( ن) کے امیدوار کے کامیاب ہونے کی خوشی میں کیجانی والی ہوائی فائرنگ کے واقعہ کا وزیر اعلی پنجاب محمد شہباز شریف کی طرف سے نوٹس لئے جانے کے بعد ہوائی فائرنگ کرنے والے شخص کا اسلحہ لائسنس منسوخ کردیا گیا۔تفصیلات کے مطابق صوبائی اسمبلی کے حلقہ پی پی81( شاہ جیونہ) کی خالی نشست پر الیکشن کمیشن آف پاکستان کی طرف سے سوموار تین مارچ2014ء کو ضمنی الیکشن کا انعقاد کروایا گیا، پولنگ کے اختتام کے بعد مسلم لیگ(ن) کے امیدوار محمد خان بلوچ کی کامیابی کے اعلان پر محمد رمضان نامی شخص کی طرف سے ہوائی فائرنگ کی گئی جس کا وزیر اعلی پنجاب محمد شہباز شریف کی طرف سے سخت نوٹس لیا گیا اور تھانہ قادر پور پولیس نے مقدمہ درج کر کے ملزم کو گرفتار کرلیا،ڈی پی اوذیشان اصغر کی رپورٹ پر ڈی سی او جھنگ راجہ خرم شہزاد عمر نے مذکورہ شخص کے اسلحہ لائسنس کی منسوخی کے حوالہ سے فریقین کے موقف کی سماعت کی اور محمد رمضان ولد کرم قوم بلوچ سکنہ چک103 کابارہ بور بندوق اسلحہ لائسنس منسوخ کرنے کے احکامات جاری کر دئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمعیت علماء اسلام جھنگ کے زیرِ اہتمام ختم نبوت کانفرنس آج مورخہ 11 مارچ2014 ء بروز منگل،بعد ازنمازِ عشاء بمقام جامع مسجد شانِ علی معاویہ،
جھنگ( تحصیل رپورٹر ) جمعیت علماء اسلام جھنگ کے زیرِ اہتمام ختم نبوت کانفرنس آج مورخہ 11 مارچ2014 ء بروز منگل،بعد ازنمازِ عشاء بمقام جامع مسجد شانِ علی معاویہ،اندرون بابِ عمر جھنگ شہر میں منعقد ہو رہی ہے۔جسمیں مہمانانِ خصوصی پیر طریقت ،رہبرِ شریعت، حضرت مولانا محمد صادق الامین صاحب آف فیصل آباد اورترجمانِ جمعیت،مؤرخِ اسلام حضرت مولانا عبدالرؤف فاروقی صاحب جنرل سیکرٹری جمعیت علماء اسلام پاکستان ہوں گے۔کانفرنس کی تیاریاں مکمل کر دی گئی ہیں۔
وومن اینڈ چلڈرن ویلفیئرآرگنائزیشن” کی جانب سے لاہور میں وومن ڈے کے حوالے ایک رنگا رنگ تقریب
